Meriduniya11 Header
Home> Tips
 

 

 

 

 

Ulcer

Ulcer is a very dangerous disease. It is the problem of stomach and digestive disorder. Peptic ulcer disease is the most common ulcer in human life. Because it cause of tension, mental worries etc. Peptic ulcer has started slowly slowly after take the food mostly. It gains the acidity in stomach. Ulcer is a sore on the skin and mucous membrane. A stomach ulcer involves in the gastrointestinal track. Please first take advice to your Doctor then apply any type of medicine. In this page you can see the Stomach Ulcer Treatment In Urdu ( Ulcer Ka Ilaj, Zakhme Mede) in Hindi.

Zakhme Mede (Stomach Ulcer)

Ye aik muslima haqiqat hai ke hamare jisim ki bohat si bimariyan bunyadi tor par peat, Maide aur aanton ke fail ki kharabi ki wakah se peda hoti hain. Ye hi wajah hai ke peat ko “um ul amraz” yani amraz ki maa kaha jata hai. Ye baat saal hasaal ke tibi tajurbat aur mushahidat se te shudah hai ye Maide aur aanton ke fail ki dorustagi aur islah ke leye Maide aur aanton ko munasib aram aur faraghat ki zarorat hoti hai aur mulsmanon ke leye ye baat bais e musarat hai ke ye maqsad sirf rozah rakhne ya kabhi kabhar aik ya do waqat khana na khane (Fasting) se hasil ho jata hai. Is ke elawa warzish karne aur chehel kadmi karne ya jismani mushakat ke kaamon se bhi aanton mein harkat hoti hai aur Maide ka fail dorust rehta hai.

Ulcer Ke Asbab (Ulcer Cause)

Dar haqiqat Maide ka zakhm aik din ya chand dinon ki ghizai bad etedaliyon (dietary indiscretions) ya dighar kharabiyon ka natija nahi howa karta balke barsaha bars ki mutawatir kharabiyon ka natija hota hai. Is marz mein badhazmi kam o besh hoti hi hai. Aksar aoqat porani badhazmi (Chronic Dyspepsia) zakhme Mede (Stomach Ulcer) ka peash khema sabit hoti hai ya jab Maide ki sozish (Gastritis) porani ho jaye to badhazmi ho kar Maide mein tezabiyat (Acidity) barh jati hai aur Maide ka waram phat kar zakham ban jata hai. Jaded tibi tehqiq ke mutabiq Maide ka ulcer (Peptic Ulcer) ka aik aham sabab mandarjabala isbab ke elawa mujudah dor mein mashini zindagi mein zahani tanow (Tension) dimaghi uljhanein aur tafakurat (Mental Worries) bhi hain. Jo ke mujodah taraqi yafta dor mein shehari zindagi ka juz hai.

Sach to ye hai ke sheharon mein masroof zindagi guzarne wale logon ke liye har waqat zheni tanow, dimaghi uljhanein, tafarokat aur zheni intesharki kefiyat sakhat nuqsan dah aur zehar qatil hai, yehi wajah hai ye dihathon ki nisbat shehron mein rhene wale logon mein har kisim ki bimariyon ka tanasub ziyadah hai aur dehathon mein kam. Halanke shehron mein ilaj malje ki saholiyat bhetar aur ziyadah hain aur dehathon mein jaded tibi saholaton ka foqdan hai.

Kya app ne kabhi ghor kiya hai ke shehron mein jaded tareen tibia lat se les naye naye hospital, dawa khane aur matab har ro khul rahe hain aur aala taleemyafta mahir doctors ki foj zafar e moj in hospitals mein kaam kar rahi hai. Dawa saz idare Pharmaceutical companies nit nayi dawaein bana bana kar un ki tarif mein apne literature aur ishteharon ke zarye dawaonki kamyabi ke saziyane baja rahe hain. Lekin imraz aur marizon ki tadad mein na sirf ye ke kami nahi hoti balke marizon ki tadad mein roz baroz ezafa hota jarah hai aur nit naye imraz janam le rahe hain. Akhir aesa kyun hai?

Ye hum sab ke liye sochne aur ghor karne ki baat hai. Zakhme Mede (Stomach Ulcer) amoman aese Peshawar logon ko bhi ho jata hai jo hameshah beth kar kaam kare hain.maslan darzi, kashidah kari ka kaam karne wale aur mocha wagherah.ye baat bhi noaamoz doctors ke leye aham ho gike ye marz mardon ki nibat aurton mein ziyadah hota hai. Albta bachon mein nahi hota.

Maide ka ulcer Peptic Ulcer ke marizon mein amoman khana khane ke bad aahista aahista dard shoro hota hai aur phir ye dard shidad ikhteyar kar leta hai. Baz uqat Maide ke muqam par itna shaded dard hota hai ke mariz taqlif se karahane lagta hai. Akhir kar mariz ke Maide ki ghiza qe ho kar bahar aajati hai. Phir rafta rafta mariz ko dard mein kami mehsos hone lagti hai. Lekin jab Maide ka zakham porana ho jata hai to qe mein ghiza ke sath kabhi kabhi khoon bhi aata hai ya Maide ka zakham phat kar sorakh bhi ho sakta hai.ye marz ki aik khatarnak halat hoti hai. Aesi halat mein mariz alsr mout ki dehliz tak pohnch jate hain.

Ulcer Ka Ilaj (Stomach Ulcer Treatment In Urdu)

Stomach Ulcer Homeopathic Treatment

Zakhme Mede (ulcer) mein amoman darj zeel dawaein apni apni alamat ke mutabiq behad mufeed aur mosar hoti hain lakin ye tamam dawayein (Medicine) Apne Doctors Ke Mashwaray Ke begair hergiz Istemal na Karein.

Phosphorus:

Mareez thandi asheya e khurd o nosh pasand kare lakin kuch hi dair baad qay (Vomiting) ker day. Khooni qay (blood Vomiting), Maide mein shaded dard jalan aur har waqat Meda ghiza se bhara hone ka ehsas, Maide chone se dard thandi chezon se aaram mile mun ka zaiqa khata. Maide mein waram

Hydrastis:

Mun ka ziqa karwa, Maide mein waram aur waram kam o besh musalsal rahe. Maide mein kisi sakhat cheiz ki mujodgi ka ehsas.

Arsenic alb:

Maide ke mun par jalan, garmi aur dard, thandi zhezon se nafrat, aesa mehsos ho ke khai hoi ghiza khorak ki nali (Esophagus) mein atki hoi hai.

Kali Bichromicum:

Khane ke bad Maide mein bharipan ka ehsas, aesa mehsos ho ke jese nizam e hazma ruk gaya ho. Bhook bilkul na lagti ho. Sene mein jalan, matli aur qe, khane ke bad Maide ki takalif kam ho jayein lekin Rheumatics elamat nimayan ho jaein.

Argentums nitricum:

Maide ke mun par waram aur dard, Maide ke baein taraf aesa chubhan wala dard jese koi zakham ko khurach raha ho. Shaded dakarein jin mein khansne se kami ho.

Kali Cabonicum:

Maide mein dard aesa mehsos ho jese Maide pani se bhara howa hai. Khati dakarein, Maide mein becheni, matli jis mein letne se kami ho. Umar rasidah logon mein badhazmi Maide mein tapkan aur kante jesa dard, khane se nafrat.

Parhez: (Ulcer Care)

Maide ke ulcer ke mareezon ko chaheye ke mirch maslon khososan surkh mirch (Red Chilli), sharab (drinks), chai (tea), cigarette noshi (Smoking), coffee aur aesi sakhat ghizaon ya kache phalon wagherah se parhez karein jo ke Maide (stomach) mein kharash ya ragar peda kar sakti hon maslan amrod(guava) wagherah. Albata thandi aur maya ya raqiq ghizaein Liquid Diet jo ke zod hazam hon, marizon ke leye mufeed hoti hain. Maslan dodh,phalon ke juice, ice cream, daliya wagherah.

warning: Tamam Dawayein Apne Doctor Ke Masware ke Begair Istemal na karein.


 

 

Copy Right 2012-2014 www.Meriduniya11.com