Header
Home>> Tips

 

 

 

 

Teenage Makeup Tips

Teenager can apply simple makeup. It looks like decent. You should look after your face, hairs, skin, nails, etc. Every woman is fond of the makeup, but they don’t know how to use. Today makeup is essential for life. We should use branded cosmetics, don’t use local. Because it causes itching, allergic, skin disorders etc. In this page, you will find the information about Teenage makeup In Urdu and Roman Hindi.

Apni Umar Ke Lehaz Se Halka Makeup Karain

Teenage Makeup Image

 

 

Kiya Makeup aik bad Surat chahray ko haseen tar banadaita hai aur aaj khawateen aur makeuplazin-o-malzum hain aur is mein kisi aitraz ki gunjaish nahein. Zaruri nahein kay aap bhari makeup karian magar halka phulka makeup aap ki shakhsiyat ko dilfaraib bana daita hai. Ab sawal yah hai kay makeup karnewali khowatin kis age groiup say taluq rakhti hon. Yeni kis umar say khowateen kay liye makeup kay lawazmat istemal karna munasib hai khun kay aaj kal daikha gaya hai kay sat sal ki bachi say lay kar bari umar ki khawateen tak barabar ka makeup kar rahi hain.

Makeup aaj kay dor mein zaruriyate zinadagi mein shamil zarur hai laikin pandrah sal say zaid umar ki larkiyon aur khowateen kay makeup mein khasay farq ka hona zaruri hai. yani agar larkiyan kisi bhi taqreeb mein janay kay liye makeup karain to inhain apni umar kay hisab say bohot halka phulka qisam ka makeup zaib day ga jab kay shadi shudah khowateen shadi biyah ya deegar taqribat mein agar bhari makeup karlain to koye haraj nahein woh bhi apni shakhsiyat aur chahray kay lehaz say. Jab larakpan say guzarnay kay bad larki teen umar mein dakhil hoti hai.

Iss dor ko ghalibat is ki zindagi ka behtareen zamana kaha ja sakta hai. Iss umar say lay kar 20 baras ki umar tak pohonch nay kay doran isay bay shukar zehni aur jismani tabdiliyon say guzarna parta hai. 13 sal ki umar tak pohonchany par larki kali say khil kar phool ban jati hai. Baray logon ko chahiye kay munasib mashwaron kay zariye is ki madad karain laikin teen ager ko chahiye kay woh apnay tor par achaee aur buraee mein tamiz karna sikhay aur in kay baray mein khud apni rai qaim karay.

Waldain aur buzurk zindagi phar hamari rehnumaee kartay rehtay hain laikin is ka yeh matlab to nahin kay ham apnay gird phaili huee duniya kay baray mein khud mukhtarana rai qaim na karain. Chunanchay in teen ageron ko hamara mashwarah yehi hai kay bazurgon ki rehnumaee mein woh agay barhain aur apni shakhsiyat ko khud nikharain aur rafta rafta is mein paidari qaim karain. Jis din aap apnay ko aik choti bachi samajhna tark kardain usi din say aap ko apnay tarze amal par nazar rakhni cahiye. Woh rang raliyan, shokhiyan, bay ja zidain jin say aap waldain ko tang kiya karti theen, ab faramosh kardaina chahiye.

Girls and Makeup

12 baras ki umar tak koye bhi aap kay baray mein sanjidgi say nahein sochta laikin aik martaba teen ager mein dakhil hotay hi aap ki jismani sakhti mein tabdili ronuma honay lagti hai. is liya aap ko baligh larkiyon walay tarz-e-amal ikhtiyar karnay ki zarurat parjati hai. Kisi bhi fursat kay waqt pur sakun ho kar is maslay par ghor karain. Apni pasandidah mosiqi ya taswir ki painting aap ko sakun faraham karsakti hai. Apni andruni kaifiyat par nazar dalain aur munfi dono hi qisim kay osaf mojud hon gay jin ki dusray log nishandahi kartay rahain hongay.

Agar koye shakhs aap ki tabiyat mein mojud kisi bohot bari khami ki taraf isharah karay to aap ko paraishan honay ki zarurat nahein. Yad rakhain kay hum sab insane hain. Koye shakhs bhi mukamal aur khamiyon say pak nahein. Is bat ka ahsas karlain to mustaqbil mein aap aik achi insane ban sakain gi. Pashaimani aur khujalat kay alfaz hamaisha yad rakhain.

Ghar kay kisi na kisi fard ko aap pasand zarur karti hon gi. Woh aap ki man bhi hosakti hai ya phir nani, dadi, bari behan ya koye dusri khatoon, is bat ko malum kar nay ko koshish karain kay aap in ki kin khususiyat ko pasand karti hain. In kay musbat pehluwon par ghor karain. Shayad woh naram mizaj hon, sanjidah hon, quwat-e-bardasht ki malik hon ya sabir hon, mehanti hon ya chahnay wali. Isi terha aisi bohot si khususiyat hain jo aap ko dusri khowateen mein mehsus hongi. To phir aap koshish kar kay wohi khususiyat apnay ander paida khun nahin karlaitin?

Iss kay sath hi is bat ko yaqini banain kay dusri khowatin ki woh buri khususiyat aap kay ander painda nahon jinhain aap qabile mazamat samajhti hain. Apnay aap ko manfi khayalat say rokanay ki koshish karain. Hasad, chota pan, chuchora pan, ghussa, khud gharzi aur zid aisi burayan hain jo aap ki taraqi aur maqbuliyat ki rah mein mazahim hokar aap ki zindagi ko mushkil bana sakti hain. Iss liye aap khaliq, shaista aur naram mizaj khun na banain takay log aap ki shakhsiyat ko pur kashish samjhain.

Teenager Makeup hamaisha sadgi aur fitri shakal mein hi achi lagti hai, tahum khususi taqribat kay moqon par aap banna sanwarna chahti hon gi. Aam taqribat mein to mamuli say makeup kay sath guzarah hojata hai laikin khususi taqribat mein ziyadah gehra makeup karnay ki zarurat parti hai. Apni khurak ka khayal rakhain. Agar mohasay hon to nizame hazam durust rakhain.pani aur phalon kay juice aap kay nizame hazam ko saf suthra rakhtay hain jabkay fry kiye huway aur genic food madah ko tabah kardaitay hain.

Aik chamcha sandal ki lakri ka paste lay kar is mein chand qatray tulsi ki patti ka araq miladain. Achi terha hal karkay din mein tin say char martabah mohason par lagain. Is say kafi ifaqa mehsus hoga. Thanday pani say dhodalain. Chahrah ki jild bohot ziyadah saf rakhain.

Husn Mein Izafa Karain

Husn aik naujawan larki ka sarmaya is ki jild, baal aur ankhain hain. Aap ke baal saaf suthre aur kutray huway hon. Parming, zarurat se ziyadah tail, sabun aur laykar balon kay liye nuqsan deh hain. Aap ke balon ko mulaim aur chamakdar rehan chahiye. Is baat ka khayal rahay ke agar aap maghrabi libas zaib tan karti hon to aap ke baal ka style is libas se hum ahang hona chahiye. Ya to baal khulay rakhain ya phir in mein girah laga lain. Ya chotay chotay roll mein tabdil karlain. Khubsurti mein izafa ke liye balon mein chotay chotay phool ya silver rang ke hairpin lagallain.

Ankhon kay makeup mein kafi tabdili ronuma ho chuki hai. Ab kajal aur surma laganay ka zamana nahin raha. Ankhon kay ander lagaya janewala makeup nuqsan deh sabit hochuka hai kiyunkay kajal aur surma mehaz dhuwan hai jis ko aap ankhon kay ander lagati hain aur woh aap ki ankhon ko nuqsan pohoncha sakta hai. is ki jagha eye shadow,mascara aur eye liner istemal karain. Nojawan larki ko hamaisha qudrati rang ki lip stick istemal karna chahiye. Agar aap teen umar kay awail mein hain to mehaz aap gloss hi aap ki khubsurti mein izafa karsakta hai. Lip stick laganay say qabal is kay rang ko hathaili par azma kar daikhain kay woh aap ki jild ki rangat kay sath kaisa match karta hai. phir bohot halkay say honton par lagalain. Lipstick laganay say qabal hontonko talcum powder say brush karna na bhulain. Isterha aap kay honton par lip sticks ziyadah tawil arsay tak qaim reh sakay gi.

Teenage Makeup Tips

Makeup jab bhi karain isay bohot tez nahin hona chahiye. Is terha aap umar say ziyadah bari nazar anay lagain gi makeup aisa ho jo aap ki nojawani mein izafa karay na kay burhapay mein. Is silsilay mein ham nay mahire imraze jild kay aik qabil doctor say bhi kuch tafsilat maloom kin. Doctor sahib kay kehnay kay mutabiq bachpan say larakpan ki umar tak jild khasi hassas hoti hai aur zara si ghaflat aur bay ahtiyati say umar bhar kay liye bay kar hosakti hai. Iss umar mein jild kay andruni hisson mein aik tazgi hoti hai jo zahiri tor par chahray mein khas chamak ka bais banti hai.

is tazgi aur is chamak ko agar hamaisha kay liye bar qarar rakhna hai to yeh zaruri hai kay aap bachon ko makeup kay lawazmat say door rakhain khas tor par foundation,blush on,mascara,eye shedow,ya lip stick waghairah bachon kay chahray kay liye kisi tor par munasib nahin kiyunkay in tamam cheezon ki tayari kay liye kuch khas qisam kay chemical istemal hotay hain. Jo in kay chahray ki hassas jild ko nursan pohoncha saktay hain. Is kay alwah aaj kal threading, bleechng, aur waxing waghairah ka bhi rujhan hai aur mahaz khowatin hi nahin aaj kal kam umar bachiyan bhi aap ko is shoq mein mubtala nazar aaein gi laikin in tariqon say in bachiyon kay chahray ki jild ko itnay muzir asarat ka samna karna hoga kay woh tasawur bhi nahin karsaktin.

Fitri tor par khuda nay bachpan ki aik masumiyat jawan bachiyon ko bakhshi hai woh makeup kay hazarha tariqon say anmol hai aur woh apni masumiyat ko makeup ki tahon mein chupanay kay bajai agar aslai shakal o surat mein samanay aaein to ziyadah dil kash nazar aaein gi.

Laihaza tibbi nuqta nigah say kam umar bachiyon ka makeup karna bilkul munasib nahin aur fitri tor par dusron par is ka tasur kuch acha nahin parta. Ab agar aik pandrah sala larki apni maan kay hamrah kisi taqrib mein sharik honay jarahi hai aur maan nay makeup kay tamam lawazmat istemal kiye hain aur zevrat waghairah bhi pehan rakhay hain laikin beti ko is nay sadah aur nafis qisam ka jora pehnaya hai. balon ko saliqay say bandha huwa hai. Iss ka chahrah makeup kay lawazmat say pak hai to is surat mein daikhnay walon par is ka bara acha tasur parta hai gar beti qad o qamat mein maan kay barabar bhi hai aur apnay deal dol ki bina par apni umar say kuch bari bhi nazar arahi hai to is ka libas aur rakh rakhao is kay bachpanay ki nishan dahi karday ga aur daikhnay walon ki nazrain maan beti ka farq foran pehchan lain gay laikin gar isi beti nay maan kay muqablay mein itna hi makeup kiya huwa hai jewellery bhi pehni hai jaisa kay aaj kal artifitial jewellery ka bohot riwaj hai aur larkiyan aur bachiyan isay baray ahtemam say istemal bhi kar rahi hain tab to daikhnay walon ko maan beti mein koee farq mehsus nahin hoga. Kiyunkay beti qad o qamat kay alawah apni araish o zebaish say bhi maan say kisi tor par kamtar nahin nazar ati. Laihaza umar kay hisab say araish-o-zebaish ki bhi kuch hudud hain aur in hudud ka khayal rakhna intehaee zaruri hai.

Aaj kal ham daikhtay hain kay shadi biyah aur deegar taqribat mein khawateen aur larkiyon mein makeup kay lehaz say koye farq nahein hota balkay larkiyan khowatin say do char hath aagay hi nazar ati hain. Jabkay aisa bilkul nahin hona chahiye. Larkiyon ko hamaisha apni umar kay hisab say halka makeup karna chahiye. Woh pandrah sal say zaid umar ki larkiyon ko. Jo school kay talim khatam kar kay college mein pohonch chuki hon warna jo larkiyan school ki talib-e-ilm hain inhain makeup say har mumkin ahtaraz karna chahiye. Pandrah sal tak ki umar larakpan kehlati hai aur bachpan aur larakpan mein kuch ziyadah farq nahin hota. Yeh umar ka sab say sunehri dor hota hai.

Masumiyat kay is dork o makeup kay banawati lawazmat say masakh karna kisi tor munasin nahin. Aur qudrati tor par bhi is umar kay bachon ki jild ziyadah hassas aur nazuk hoti hai aur mukhtalif qisam kay chemical say banai gaey makeup kay lawazmat in ki jild ko ghair mehsus tor par nuqsan pohonchatay hain aur qudrati tor par in ki jild mein jo tazgi aur shagtuftagi mojud hoti hai woh ahista ahista khatam hojati hai aur umar kay barhnay kay sath sath in ki jild mein khur dra pan paida hota hai. aksar oqat chahray par dhabbay waghairah bhi parjatay hain. Baz chahray jo ziyadah hassas hotay hain in mein kil mohasay ya jhayan waghairah bhi parjati hain yani mukhtalif chahron mein mukhtalif qisam kay infection hotay hain.

 

More Links

 

 

 

Copy Right 2012-2014 www.Meriduniya11.com