Header
 

 

 

 

 

Jild Ki Hifazat In Urdu

Skin-Care Image

Cheray ki jild ki nigahdasht ke liye nai nuskhay apnayain dore hazir mein har koe yeh kah sakta hai kay jawan aur dilkash jild sanafe nazuk ka behtarin zevar hai, jild dil ki terha aur dimagh ki terha kushadah nahin hosakti laikin jawan,sehat mand, naram o mulaim aur khubsurat jild har khatoon ka baish baha sarmaya kaha ja sakta hai. Sanafe nazuk mein apni jild ki hifazat ka rujhab khasa hai laikin ab mard hazrat bhi apni jild ke baray mein ziyadah ba shaoor hogaey hain.

desitreatments Banner

Har fard mukhtalif jild ka hamil hota hai aur isay woh az khud tabdil nahin karsakta, kiyun ke is qisam ka koee imkan nahin hai taham aab o hawa aur kam ki raftar aap ki naram o mulaim jild ko tabdil karsakti hai phir barhapay ke asar bhi jild par manfi asarat chorjatay hain. Laihaza ab yeh aap ki zimmedari hai ke apni jild ki bhar poor hifazat karain, ya thos, sakht aur khurduri surat mein agar aap apni jild ki hifazat durust khatut sar anjam dain gay to aap ki jild mein nikhar hi aaey ga.

Mosam-e-garma ki garam, khushk aur sakht hawain aap ki jild kay liye khatray ka bais ban sakti hain. Yad rakhain kay badaltay huway mosam mein apni jild ki hifazat karnay say aap ki jild ko qabile qabool nataij dain gain. Sab se aham bat to yeh hai kay mosam ki “shararton” se paraishan nah on balkay in ka jawanmardi se muqabela karain yehi jild ki behtar nasho numa ki pehli sirdhi hai. Yeh jild hi hai jo aap kay jisam ki aham aur kargar kunji hai. Aap ki jild kaee tahon ka aik majmua hai, uppari satah jis ko ham “api drums” kehtay hain yeh jild ke murdah khuliyon par mabni hoti hai, is ka kam sirf yeh hai kay uppari satah ke nichay mojud jawan aur taro tazah khuliyon ki hifazat karna, isi tha ke nichay aik aur the hoti hai jo mithay aur hal pazir ghudud hotay hain. Yehi wo ghudud ki mohrain hain jo jild ko chiknahat say door rakhti hain.

“Drums” dar asal aik sakht tissues hain jo mukhtasir si muddat kay liye jild mein khoon ki raftar ko jari rakhtay hain, bil akhir jild mein aik aisi the bhi hoti hai jo jild ko spongi mixture banati hai yani jild ki motaee ka sabab banti hai.Yehi woh hissa hai jo jisam ko 28 ghanton kay doran jild ki hifazat mein aham kardar ada karta hai yehi woh hissa hai jo jild mein honewali tabdiliyon par asar andaz hoti hai aik baligh insane ki jild amuman 18 hazar square centi meter jisam ko cover karti hai jabkay 48 kilo gram is ka wazan hota hai jabkay Orton mein 3.2 kilo gram wazan hota hai. Jild ki behtarin hifazat kay liye yeh zaruri hai kay aap is bat say waqif honk ay aap ki apni jild kis qisam ki hai? kiyun kay har insane ki mukhtalif jild hoti hai, jis ka mukhtalif tariqa ilaj hai. darjay zail jildain bohot aam hain.

Chiknaee Wali Jild

Chiknaee wali jild aik ghantay tak chamakdar tehti hain. Ya chahrah dhonay kay bad, chahray par chiknaee kay asar saf nazar atay hain, aisi jild par makeup chahrah dhonay kay bad panch ghantay tak say barqarar rehta hai.

Khushk Jild

Khushk jild bay jan aur phiki phiki hoti hai aur jab aap chahrah dhotay hain to khasi mehnat karni parti hai. yeh aisi jild hai jis ko srdiyon mein khas ahtiyat ki zarurat hai.

Hassas Jild

Mosam aur makeup ka ziyadah istemal is qisam ki jild kay liye bais nuqsan hai, yeh ziyadah tar saf aur kisi banawat say qatah nazar sidhi sadhi hoti hai. Iss qisam ki jild ko is waqt sakht ahtiyaz ki zarurat hoti hai jab aap is jild par makeup karain.

Normal Jild

Yeh jild ziyadah tar bachon ki ya phir kam umar nojawanon ki hoti hai aam tor par saf, naram, sidhi aur ziyadah hassas nahin hoti, taham badalta huwa mosam ya makeup kartay waqt ahtiyat ki zarurat is jild ko bhi hai.

Mosame sarma kay din har qisam ki jild kay liye intehaee sakht hotay hain. Darja hararat ki tabdili aur khushk aab o hawa ki gardish jild ko bohot say masail say dochar karti hai ghar mein aab o hawa ka behtar nizam jild kay liye sud mand sabit hota hai kiyunkay jild kko aisi aab o hawa ka samna karna parta hai jo jild kay liye nuqsan deh bhi hai laikin aap ki zara si samajhdari jild kay liye behtar rahay gi.

Agar aap ki tail wali jild hai to aap garam aur kholtay huway pani say apnay chahray ko na dhoain to behtar hai. pani isi waqt istemal karain jab is ki ashad zarurat ho. Khushk jild ti mosame srma mein monitoring pani ka khas talab gar hota hai. Aik aam khayal yeh hai kay khush aab o hawa mein is qisam ka pani behtar hai. Aik aam sabun bhi aap ki jild ko mutadid bimariyon say do char karsakta hai laihasa soap free washing cream aur jell ka istemal mozun hai.

Woh afrad jin ki hassas jild hai in ko chahiye kay woh hypo alergik ki masnuaat istemal karain, sardiyon mein makeup kay saman ka batore khas khayal rakhain, in sardiyon mein ziyadah beauty makeup kay baraks jild ko baro tazah rakhnay walay makeup bahtar hain, sardiyon mein hont khushk rehtay hain. Laihaza kisi daisi cream kay sath ghair mulki cream ya jelly ka istemal mozun hai. petroleum jelly aap kay honton ko khushk honay say mehfuz rakhay gi.

Moisturize ke istemal jild ko khushk hone se bachai rakhta hai, petroleum jelly lagain,hathon par bhi lagain, to behtar hoga. Mosame sarma mein ham sirf hathon aur chahrah ki hifazat kartay hain, jab kay jisam kay deegar hisson ko faramosh kardaitay hain j okay ghalat tariqa hai. Jisam ki daikh bhal bhi ashad zarori hai kiyunkay yehi woh oqat hotay hain jis mein ham apnay jisam ki hifazat karnay par majbur hotay hain jisam ki hifazat kay liye tail ka massage karain bilkhusus nahatay waqt,kalayon aur ghutnon par tail lagain aur nahanay kay bad body lotion lagain, ham phir kahain gay kay massage aur woh bhi mosame sarma mein intehaee mufid aur kar gar sabit hota hai.

Agar ham din mein sirf panch minute massage karain gay to hamaray jisam ki behtar nasho numa aur sehat mutawaqoh hai. massage insani jild mein mojud taqatwar khuliyon ko numayan karnay mein moawin sabit hotay hain phir yeh insane ko ziyadah mutahrik aur phurtila banatay hain. Mosame sarma mein cigerate noshi ka istemal jild kay liye nuqsan hai, sanafe nazuk ki cigerate noshi jild kay ander mojud khuliyon ko taqatwar bananay say mehroom kardaitay hain, phir jild intehaee khushk air khurduri hojati hai, woh afrad jinhain jild ki bimariyan hain in kay liye mosame sarma khasi mushkilat lay ka rata hai inhi mahinon mein koee jildi bimariyan zahur pazir hoti hain.

Lehaza khususi ahtiyat jo bahot zaruri hai , yad rakhain kay aap kay rozana kay mamlat aap ki jild kay liye bohot ahmiyat kay hamil hain, apnay mamlat par baghor tanqid karain.

 

 

 

Copy Right 2012-2014 www.Meriduniya11.com