Header
Home> Tips >

 

 

 

 

 

Sirka (Vinegar)

Vinegar is made from the juice of beet root, grapes, large raisin. Hazrat Muhammad (S.A.W) said “vinegar is best curry and that house will never be poor if it has vinegar in it.” It decreases the hotness of stomach, it removes the effect of poisonous medicine, it helps to digest food, it cleans the blood, and it is useful in teeth pain and jaundice. Vinegar is use to make mayonnaise. In this page, you will read Sirka Benefits In Urdu, Sirka Ke Fawaid, Ganne Ka Sirka , Angoor Ka Sirka , Jamun Ka Sirka and Vinegar Benefits In Urdu and Roman Hindi.

Sirka (Vinegar In Urdu)

Sirka (vinegar) ganne ke sirka, chuqadar, jaman ka sirka , angoor ka sirka, munaqqa ka sirka , mewa, tari, gandum , jau ka sirka , khand ki rab aur dosre phalon se taiyar hota hai. Ye bunyadi tor par kisi bhi shakar ya nashasta mein khamir uthane se paida hota hai. Ye to malom nahi ho saka ke insane kab se sirka (vinegar) bana raha hai magar zamana e qadim se is ka zikar kitabon mein muood hai. Tarikh ke har dor mein ese dawa aur ghiza ke tor par istemal kiya jata raha hai.

Sirke ke kimiyawi amal ka bais jarasem hain. Is ka matlab hai ke jarasim ki aik esi qism bhi mujood hai jo bimariyan paida karne ke bajaye humare leye mufeed kaam karte hain. In ko dost jarasim kehte hain. Sirka (vinegar) bannane mein aam tor par ese phal istemal hote hain jo gal sar gaye hon aur koi inhein kharidne par taiyar na ho. Is tarah phalon ki sanat se mutaliq karkhane apne yahan ka radi mal zaya karne ke bajaye ise manfaat mein tabdil kar lete hain.

Aaj kal teen (3) qism ka sirka bazaar mein milta hai. Aik jo phalon waghairah se qudrati tariqe se bannta hai, dosra jau ke malt se, aur tesra (3rd) tezab se masnoi tor par taiyar hota hai.

Nabi Karim (S.A.W) ne farmaya ke “sirka (vinegar) aik behtareen salan hai aur wo ghar kabhi gharib nahi ho ga jis mein sirka (vinegar) mujood ho.”

Sirka Ke Fawaid: (Sirka Benefits In Urdu)

Sirka (vinegar) thandak aur hararat ka aik haseen amtezaj hai. Ye jism se ghalez maddon ko nikalta hai aur tabiyat ko farhat deta hai. Sirka (vinegar) mede ki hiddat ko kam karta hai. Jism se zeharili adwiya ke asar ko dor karta hai. Pitte se safra ke nikalne ki raftar ko etedal par lata hai. Jism ke kisi hisse mein agar khoon ko injemad ho ha jaye to ye ese hal kar ke phir se siyal bannata hai. Ye peat ko chota karta hai. Piyas ko bujhata hai. Tili ke barhne ko rokta hai. Jism mein waram ki paidaish ko rokta hai, aur khurak ko hazam karta hai, khoon ko saaf karta hai aur phore phunsiyon ko dor karta hai. Sirke ko garam kar ke agar is mein namak (salt) dal kar piya jaye to ye munh ki ghilazat ko dor karta hai. Halq mein talkhi, bojh aur jalan ko dor karta hai, gale ki rokawat ko dor karta hai aur wo log jin ko sene mein bojh ki shikayat mehsos hoti hai un ko is se faidah hota hai.

Gale ke indar latakne wale kavve ki sozish, hassasiyat aur is ke terha pan mein mufeed hai. Garam sirke ke gharare dant ke dard ko theek karte hain aur masorhon k mazbot karte hain. Garam sirka (vinegar) pene se mede ko taqwiyat milti hai, jismani qowat mein izafa karta hai, chehre ko jazib nazar bannata hai, mosam e garma mein sirka (vinegar) pena jism ki hidat ko kam kar ke tabyat ko mutmain karta hai. Ye mede ki sozish ko dor karta hai. Arq e gulab ke sath sar dard mein mufeed hai. Ghiza ke hazam karne mein madadgar hai. Garam pani mein is ke gharare dant ke dard mein mufeed hain khuwa wo sozish se ho ya asabi wajohat se. sirka (vinegar) lagane se juein mar jati hain. Pati aur kharish par is ka lagana mufeed hai. Sirka (vinegar) aur gulab ka arq jale howae ka behtareen ilaj hai.

Jaded Mushahedat:

Seab, behi aur nashpati se banne wala sirka (vinegar) maqvi hota hai. Jaman aur tari ka sirka (vinegar) waram tili ko kam karta hai aur hichki ko rokta hai, peat ke sath nafakh ko nikalta hai. Jangali piyaz ka sirka (vinegar) awaz ko saaf karta hai, mede ko qowat deta hai. Sang masana mein mufeed hai. Is se kuliyan karne se masorhe mazbot hote hain. Sirka (vinegar) khane ke bad mede ka faal qavi ho jata hai. Piyas ki shidat kam ho jati hai. Wo ghizaein jo aasani se hazam nahi hotein agar un ke sath sirka (vinegar) shamil kar liya jaye to hazam ho jati hain. Peat se sadde nikalta hai. Injeer ko do roz tak sirke mein bhigo kar khaya jaye to barhi hoi tili theek ho jati hai.

Sirka (vinegar) pene se manshiyat ka nasha utar jata hai. Chun ke sirka (vinegar) bunyadi tor par tezabi siffat rakhta hai is le zeharon ke ilaj mein sirka (vinegar) dena sahi mainon mein ilaj balzid hai, jese cystic soda waghirah. Opration ke bad mariz ko jo qee aati hai is ko rokne ke leye rumal ko sirke mein tar kar ke mariz ke munh par dal diya jata hai. Behoshi ke bad ki matli ruk jati hai.

Yarqan mein faidah mand hai aur bhook barhata hai. Phephron se nikalne wala khoon sirka (vinegar) pene se band ho jata hai. Jism ke aksar maqamat se hone wale andoroni jaryan e khoon mein sirka (vinegar) pelana mufeed hota hai. Sirka (vinegar) bayak waqat thanda bhi hai aur garam bhi. Piyas ki shidat mein sirke ke sath apni aur namak mila kar dene se taskeen ziyadah achi tarah hoti hai aur ye nuskha sun stroke se bachao ke leye bhi izhad mufeed hai.

Beroni Istemal:

Bukhar ki shiddat ko torne ke leye marizon ke jism par pani phera jata hai. Is ki aam tarkib ye hia ke tazah pani mein kapra bhigo kar mariz ke jism par pherte hain. Is pani mein agar sirka (vinegar) milaya jaye to faidah jald hota hai. Apne asrat ke lehaz se sirka (vinegar) jarasem kush hai. Muqami tor par khoon ki gardish mein izafa karta hai. In fawaid ki bina par ye phaphondi se paida hone wali tamam sozishon mein faidah deta hai. Is mein agar kisi aur dawi ka izafa na bhi kiya jaye to cheep, dad aur ranon ki indoroni etiraf ki kharish mein mufeed hai.

Barg mehandi, sanamiki, kalongi, methre, habul irshad, kast e shereen ko hum wazan pees kar is ke aik piyale mein 6 piyale sirka (vinegar) mila kar 10 minute halki aanch par ubal lein. Phir kapre mein nichor kar chan kar ye lotion hama qism ki phaphondi,bafa mein istemal karein to behad faida mand hai. In tamam adwiya ko apni afadiyat ke bare mein bargah e Nabvi (S.A.W) se sanad hasil thi is leye kisi nakami ka sawal hi paida nahi hota.

Arq e gulab mein sirka (vinegar) mila kar mathe par lagane se garmi ka sar dard jata rehta hai. Bicho (Scorpio) ke kate par khalis sirka (vinegar) ya sirke mein qast e shereen ko hal kar ke lagane se dard aur zehar khatam ho jata hai. Sirke mein gandhak mila kar lep karne se joron mein ganthiya ke dard ko faidah hota hai.

Bator Ghiza:

Sirka (vinegar) ghiza ke tor par ya Sunnat e Nabvi (S.A.W) ke mutabiq salan ki sorat mein to mudaton se istemal kiya jata hai. Ab is ke dafa e tafun asrat aur jarasim kush faide ko nai afadiyat mayasar aagai hai. Surkh mirchon ko pees kar sirke mein paka kar chini chatni banti hai. Is ka kamal ye hia ke is ko agar kisi cheiz mein dalein to mirch ka zaiqa bora nahi lagta. Anda aur zetoon mila kar sirke ko khub chalane se mayonnaise chatni banti hai. Ese tale howae gosht ke qatlon par lagaein to zaiqa lajawab hota hai.

 

 

Doodh

Hazmz Ka Ilaj

Hair on Face

Summer Skin Care

Doodh

Olive Oil Benefits

Homemade Mask

Eyebrows In Urdu

Aankhon Ki Hifazat

Waxin In Urdu

 

Copy Right 2012-2014 www.Meriduniya11.com