Meriduniya11 Header
Home> Tips
Olive Oil

 

 

 

 

Olive Oil (Zaitoon Ka Tail)

Olive is a fruit. Here we are talking about Olive oil. It is obtained from the Olive. Olive oil is very useful for pains, joints problem, skin diseases, hair treatment, personal care and oiling massage. It is used for cooking and healthiest purpose of life. We can make natural remedies in home from Olive oil. Olive oil also used in soaps, cosmetics pharmaceuticals products. It is used in fruits and vegetables salad. At least take two table spoon of olive oil daily. Olive oil has effective in fighting against skin diseases. It is rich in anti oxidants and vitamins. Please first take advice to your Doctor then apply any type of tips. In this page you can read Olive benefits In Urdu (Zaitoon Oil ke faide In Urdu, Fayde) In Hindi.

Desitreatments Banner

Olive Oil Benefits In Urdu

Olive Oil Image

Zaitoon Oil Benefits In Urdu, Hindi

Olive Oil ( Zaitoon Ka Tail, Tel)

Zaitoon (Olive) aik fruit hai. Aaj kal beauty experts is baat par ittefaq karte hain ke Zaitoon ka tel (olive oil) gher mamoli safaat ka hamil hai, jahan aik taraf is oil ki maalish se purane dardon ki shikayat mein kami aa jati hai aur nauzaiyda bachon ko ghusal dene ke baad is ki maalish taqat pohnchati hai aur skin diseases ke liye akseer hai. Wahin is ke tilismati asraat khobsurat balon ki nashonuma aur dandruff ko khatam karne mein heyrat angez kirdar ada karte hain. Yehi nahi bal ke ganj, baal jharna, balon ki safeydi mein bhi intehai mufeed hai. Taqat aur tawanai ke liye aik spoon honey aur (Zaitoon ka tail) olive oil hum wazan mila kar peene se khoi hui tawanai bahaal hoti hai. Aaeye dekhte hain ke chehre ko dilkash banana mein oils ka sartaaj yani olive oil kya kya karishme dikhata hai.

Is baat se kaun waqif nahi ke singhar aurat ka haq bhi hai aur shauq bhi agar aisa na hota to aaj beauty parlors ki itni mang na hoti. Yeh aur baat hai in tak rasaai sirf un khawateen ki hoti hai. Jo husun ke un clinic ke akhrajaat bardasht karne ki mutehmil hoti hain. Lekin hum aap ko jo tareeqe bata rahe hain, us se mutawasat aur kam aamdani wale tabqe ki khawateen bhi mustafeed ho sakti hain. Aap ka figure kitna he khobsurat kyun na ho. Agar chehra fresh aur skin be daagh nahi to aap ki shakhsiyat jazib nazar ho he nahi sakti. Face ki safaai ka mehaz yeh matlab nahi ke soap se mou wash kar ke towel se ponch liya jae. Is baat ka yaqeen aap is baat se kar sakti hai ke mou wash karne ke baad koi si bhi cold cream apne face par lagaye aur us ke baad tissue paper ya cotton ki madad se raghar kar saaf karen. To aap dekhiyega balke heyrat zada ho jaengi ke is ke bawajood cotton mein meyl kahan se aa gaya.

Yahan aik baat ki wazahat zarori hai ke aise soap ka istemal karen jis mein khushbo ki miqdar kam ho ya ho sake to sirf pani se mou wash kar len. Sab se pehle tamam balon ko clip se oper ki taraf kar len, ta ke face aur neck saaf karne mein aasani ho. Ab peyshani se le kar neck aur guddi tak koi sib hi cold cream laga kar tissue paper se ponch li jiye. Kisi bhi bowl mein 2 table spoon olive oil aur chand drops lemon juice ke nichorh len aur phir face aur neck par slow slow lagaey. Subha uth kar thande pani se mou dho len. Face ki skin foundation, puff, vanishing cream se khubsorat nahi hoti. Skin ka sehatmand hona apni jagah masallam hai aur is ke liye olive oil se behter massage koi aur mumkin nahi. Yeh face se nikhar husun ki afzaiysh aur tamam qisam ke skin infections mein aeham role ada karta hai. Khas taur par skin ke mukhtalif qisam ke awarixz mein. Agar aap ke face par aabladaar ubhar hain jo phot kar nishan chor dete hain. Zaitoon ka tel (olive oil) ki maalish nishanaat par ki jaey to isse na sirf shikayat hamesha ke liye khatam ho jaegi bal ke nishan bhi ghayab ho jaenge. Isi tarha skin ki sozish, kharash aur raghar mein bhi bajae koi marham lagan eke olive oil kargar hoga. Behter yeh hai ke agar kharash ya raghar face ke ilawa jism ke kisi hisse mein ho to medicated batti olive oil mein tar kar ke mutasira hisse par bandhi jae, jis ke door ras asraat nazar aaenge. Agar aap ke face par jhaiyan parh rahi hon jo aam taur par nizam e hazam mein fasid maaddon ke jama hone se peyda hota hai. To Zaitoon ka tail (olive oil )mein vegetables paka kar khaey.

Aik waqt tha ke hamari buzurg khawateen khandan ki sab larhkiyon ko is baat ki talqeen karti thin ke sir mein oil lagao, chuttiya banao. Phir us zamane mein khane peene ki chezon mein milawat nahi thi. Is liye hairs bhi white kam hote the. Aaj kal to new generation ke sir mein bhi chandi ke taar nazar aate hain. Yehi wajah hai kea b yeh mahawra bhi matrook hota ja raha hai ke maine yeh baal dhoop mein safeyd nahi kiye hain. Ya umer ka taqaza hai. Hamari khawateen khas taur par balon ki safedi se ghabra kar kisi beauty expert ke paas pohanch jati hain ya phir inhe dye kar leti hain. Yaqeenan is amal se waqti taur par balon ki safedi chup jati hai. Magar is ka jarh se khatma nahi hota. Kyun ke chand roz bad phir safeyd baal nazar aane lagte hain. Nau jawani ya jawani mein balon ki safeydi hormones kea dam tawazun ki wajah se bhi janam leti hai. Is le liye olive oil ka musalsal istemal khane mein aur peene mein sakht garmiyon ke mausam ke ilawa karen.

Agar aap ki jild khushk, khurdari ho gai ho aur is mein irritation hoti ho aur khujane ke bad khurand aa jata ho to Zaitoon ka tail (olive oil) ki maalish is takleef ko jarh se khatam kar degi. Naujawani mein keel mahasonka namodar hona aik aam shikayat hai, jis ke wajah se acha khasa chehra bura maloon hota hai. Khas taur par teen agers is se sakht pareshan hain. San e baloghat mein nikalne wale in mahason ka ilaaj bhi Zaitoon ka tail (olive oil) hai. Lekin is silsile mein mutasira hisse ki mukammal safaai zarori hai. Ta ke ghardo ghubar ki wajah se in mein mazeed kharabi ka imkaam na ho. Agar aap ke chehre par massey paida ho gaye ho to in par olive oil ka slow slow massage karen. Cosmetics ke burey asraat ko zaiyl karne ke liye Zaitoon ka tail (olive oil ) se behtar koi aur nuskha nahi hai. Har chand ki khalis Zaitoon ka tail (olive oil) expensive hai lekin aik bottle ko aap kae maah tak istemal kar sakte hain. Mundarja bala nuskhon par amal kar ke aap apne chehre ko itna dilkash bana sakte hain ke aap ko kisi beauty expert ke paas jane ki zarorat nahi rahegi.

 

 

 

 

Copy Right 2012-2015 www.Meriduniya11.com