Header
Home> Tips  

 

 

 

 

Mehndi (Myrtle)

Plant of myrtle is about 2 meters long. It is cultivated in every par of India and Pakistan. In Pakistan the myrtle of Bherah and Haiderabad is popular. Leaves, branches and flowers of this plant are used for medicine and decorating hands. Hazrat Muhammad (S.A.W) also like the myrtle, when some one come to him and complains about head ache Hazrat Muhammad advice him to put myrtle. It is useful in many health problems. It is useful for cracking nails, burn from fire, head ache and jaundice. Myrtle is a good hair dye. In this page, you can see Mehndi Ke Fayde In Urdu and Roman Hindi.  

Mehndi ke faide Desitreatments Banner

Mehndi In Urdu

Mehndi Ke Faide Image

Mehndi  (myrtle) ya hina ka poda 2 meter ke qareeb buland aur Pak o Hind mein har jagah paya jata hai. Ise aam tor par gharon aur kheton ke ird gird  barh lagane ke leye lagaya jata hai. Raat ko khushbu deta hai. Pakistan mein bherah aur Haiderabad ki Mehndi  (myrtle) ziyadah maqbol hai. Is pode ke patte (leaves), shakhein (branches) aur phool (flower) dawa aur zebaish ke leye istemal hote hian.

Rasol Akram (S.A.W) ne Mehndi  (myrtle) ko pasand farmaya hai. Aap (S.A.W) ke pas jab bhi koi sar dard ki shikayat le kar aaya to Aap (S.A.W) ne use Mehndi  (myrtle) lagane ka mashwarah diya. Huzoor Akram (S.A.W) ne farmaya ke tumhare pas Mehndi  (myrtle) mojod hai. Ye tumhare saron ko pur noor banati hai. Tumhare dilon ko pak karti hai aur qabar mein tumhari gawah ho gi.

Mehndi Ke Fayde:   

Is ke lagane se nakhun (nail) ka phatna ruk jata hai. Mehndi  (myrtle) ke patte (leaves) raat pani mein bhigo kar subah nichor kar is ka rus shakar (sugar) mein mila kar 40 din lagatar piya jaye to ye na sirf jazam ka ilaj hain balke zakhamon ko bhi mandal kar de ga. Aag se jale howae ka bhi behtareen ilaj hai. Is ko pani mein mila kar agar gharare kiye jaein to gale (throat), munh (mouth) aur zaban (tongue) ke tamam zakhamon ke leye mufeed hai. Is ka lep garam phoron aur sozishh ko kam karta hai. Agar is mein garam kar ke mom (wax) aur gulab ka tail mila kar sene ke eteraf aur kamar wale muqam par lep karein to dard jata rehta hai.

Chechak ke mariz ke peron ke talwon par agar Mehndi  (myrtle) subah sham lagai jaye to is ki aankhein bimari se mehfoz rehti hain aur chechak ke abble jald khushk ho jate hain. Agar is ke patte (leaves) garam kapron mein rakhe jaein to un ko kira nahi khata. Mehndi  (myrtle) ko agar nakhunon (nails) par baqaidah lagaya jaye to in ko chamakdar aur khubsorat banati hai. Peron par lagane se in ki jild naram hoti hai aur tangon ki punsiyan mandal ho jati hain. Wo nakhun (nail) jo chot lagne se siyah par jaye ya phaphondi lag jane se matroom ho jaye, is par Mehndi  (myrtle) lagane se naya nakun saaf aur khubsorat nikalta hai.

Mehndi  (myrtle) ka phool songhne se garmi se hone wala sar dard jata rehta hai. Mehndi  (myrtle) ke phoolon ko kisi tail ka roghan e zetoon (olive oil) mein mila kar dhop mein rakh kar halki aanch par paka kar mehnadi ka tail taiyar kiya jata hai jis ki malish se pathon ki akran jatai rehti hai. Mehndi  (myrtle) ke patton ko raat bhar pani mein bhigo kar subah is ka pani shakar (sugar) mein mila kar yarqan ke mariz ko dena mufeed hai. Isi pani ke pene se barhti hoi tili bhi kam ho jati hai.

Jaded Mushahidat:

Mehndi  mein rang ki mujodgi se logon ne khizab ka kaam lene ki koshish is leye bhi ziyadah ki hai ke dore hazir mein milne wale khizabon mein paya jane wala rang kasrat e istemal se jild ka sartan (cancer) paida karne ki ahaliyat rakhta hai. Mehndi  ke patton ko sabun ke pani mein hal kar ke sar par lagaein to sar ke bal siyahi mail ho jate hain.

Mehndi  mein chai ki patti aur coffee mila kar ise chini dalkar ubalein aur is mein tezabiyat paida karne ke leye lemo (lemon) ka arq ka sirka (vinegar) mila kar istemal karein is nuskhe mein sab se bari baat ye hai ke Mehndi  aur sirka (vinegar) girte balon ka ilaj bhi hain aur in ke lagane se sar se sikri (bafa) bhi khatam ho jati hai. Mehndi  behtareen masfi khoon hai.

Mehndi  ke patton ka joshandah peat ke alsar mein faidahmand hai, ye jaryan mein bhi mufeed paya gaya hai. Is ke elawa masana mein garmi aur jalan mein bhi faidah deta hai. Mariz ke takkiye (pillow) mein agar Mehndi  ke patte bhar deye jaein to use jald aur achi nend aati hai. Mehndi  ke pholon aur patton se nikala howa tail ya un ka joshandah korh ki ibtedai sorat mein mufeed hota hai.    

 

 

Beauty Tips

Teenage Makeup Tips

Hair on Face

Summer Skin Care

Exercise Tips

Make up According To Season

Homemade Mask

Eyebrows In Urdu

Aankhon Ki Hifazat

Waxin In Urdu

 

Copy Right 2012-2015 www.Meriduniya11.com