Header

 

 

 

 

Makeup According to Season

Every season has different changes in makeup. Everybody wants to use makeup according to season. Today majority use dark and shiny makeup for eyes and lips. You can use makeup about your face skin. In summer, we should use light, simple and decent makeup, but in winter, we can use dark, shiny and glossy makeup. In this page, you will find information about makeup according to season in Roman Urdu.

Beauty Tips Banner
Makeup according to season Image

Mosam Ke Lehaz Se Makeup

Is saal makeup ke fashion mein numayan tabdili daikhne mein arahi hai. Roz ziyadah gehray makeup par nahein balkay ziyadah shokh rangon par diya jaraha hai. Jis mein hont aur bhanwain sare fahrist hain. Tarkeeb yeh hai kay chahray ki khubiyon ko ziyadah ujagar kia jai.

Yeh hi woh season hai jab aap apnay makeup ko aik naya rang day sakti hai. aik nai chamak aur khubsurat bhanwon kay izafay kay zariye. Mosame garma mein thora say bhi makeup bohot lagta hai. laikin is kay guzar janay kay bad ab aap ziyadah shokh rang istemal karsakti hai. jild, honton aur ankhon kay liye ab glues aur aza ki sakht ko ubharnay kay liye ziyada zor diya jata ha hai. Khawateen ki aik mukhtasir tadad base istemal karnay ki zarurat mehsus nahin karti, laikin baishtar ziyadah halki shay istemal karnay ko tarjih daiti hain. Is kay liye ab nai qisam ki foundation market mein agaee hain jo jild ki rangat kay mutabiq rang tabdil karlaiti hain aur jild ko perfect bana daiti hain.

Eye Shadow

Yeh season bhawon ko khubsurat bananay ka hai. bhanwon kay ander eye shadow powder bhar dain. Jaisa shade pasand karain jo aap kay balon say ham ahang ho. Isay laganay kay liye aisa chota chipta aur sakht brush lain jis kay siray zawiya banatay hon. Shedow ko bhawon kay is hissay mein lagain jahan baal sab say ziyadah ghanay hon takay is jagha rang ziyadah taiz nazar aye. Phir akhir mein tooth brush say bhawon mein kanghee karlain.Agar aap mehsus karain kay shadow bohot ziyadah lag gaya hai to isi shadow say match kata huwa face powder is jagha lagalain. Is say rang ka tasur madham par jai ga.

Eyes

Aankhain bohot soft nazar ana chahiye. Is kay liye half eye shadow aur is kay sath do coat moti teh wala mascara lagain. Ziyada dramai shakal dainay kay liye papoton par mukamal safaid eye shedow lagain aur is kay kanaron par halka karay.

Natural Brush

Iss season mein blushers aik nai bahar dikhatay nazar atay hain na to woh met hain aur na hi super chamakdar. Balkay woh jild ko aik qudrati rang ata kartay hain. Woh rang aur surkhi jo warzish karnay kay bad chahray par zahir hoti hai. Gallon kay husn ko ujagar karnay kay liye in ki hadiyon par thoray say blusher ki aik jhalak day dain. Is kay sath aap bronzer bhi laga sakti hain jo chahray ki tabani ko aur bhi nikhar daita hai.

Lips

Honton par aap kuch bhi laga sakti hai. guzishta baras kay rangon ko barqarar rakhtay huway aap in par cluse, ka izafa karsakti hain ya phir koe naya rang apnain jaisay rose,aabar jain ya reason agar aap kam makeup kay sath apni khubsurti barqarar rakhtay huway sadgi bhi apnana chahain to phir halki pink lip pencil kay sath gulus istemal karain.

Three In One

Makeup mein tazah tarin dariyaft kasir almaqasid masnuaat ka mutarif karana hai. Naye to in one, ya three in one masnuat ki khubsurti yah hai kay aankhain hont aur gaal sab aik dusray say hum ahang nazar atay hain aur is terha ghalati ka koe imkan baqi nahin rehta. Dusray siron wali lip stick ko halkay aur gehray rang kay liye tube ki aik harkat kay liye zariye istemal karsaktay hain.

Makeup Ke Bare Mein Chand Khawateen Ke Taswrat

Kiya khawateen makeup kay baghair bhi guzara kar sakti hain? Mera jawab hai nahin. Yeh humari zindagi ka aik atot ang hai isay sabit karnay kay liye mein nay beauty parlour anewali chand khawateen say mulaqatain kin aur unhon nay bataya kay woh makeup kay baghair guzarah kar hi nahin saktin lijay aap bhi parhiye. bahar jatay waqt mein halka sa makeup zarur karti hoon jaisay mascara, lipstick, eye liner, face powder aur blusher hamari aabo hawa is bat ki ijazat nahin daiti kay apnay chahray kay sath nit nai tajarbat karsakain, is kay sath hi hamain apni jild ki sakhti ka bhi khayal rakhna partah hai. mein chahrah par iotech sandal powder lagati hoon jo bohot umdah hai jahan tak lip stick ka taluq hai to mein is ka intekhab lacnom,chritchen dair,yulan aur orial say karti hoon is ka inehsar taqrib ki noyat par hai.

Raat ka makeup ziyadah shokh hota hai jis mein gold,rist aur brown numayan hai. ji haan mein tajarba karna bhi pasand karti hoon. Baloon par ghusal karnay say nisf ghantay qabal tail ki malish karti hoon. Mein shampoo lagati hoon aur condition kay liye bonus hina moisturizing shampoo and conditions istemal karti hoon. Din kay waqt mein lip stick, liner aur mascara istemal karti hoon raat kay waqt khula huwa face powder, eye makeup, brown eye liner, lip stick aur mascara lagati hoon. Khula huwa powder clinic ka bana huwa hai. eye makeup alzebath ordon ka aur lip Stick mac ki.

Mein apnay brand tabdil nahin karti kiyunkay maray khayal mein yeh brands meri jild ko nuqsan nahin pohonchatay mein nit nai fashion ankh band karkay ikhtiyar nahin karti balkay wohi apnati hoon jo chahray par bhalay lagtay hain. Main nay bal chotay karwara liye hain aur haftay ya do haftay mein aik bar in par tail ki malish karti hoon mein shampoo istemal karti hoon aur conditioner ki zarurat mehsus nahin karti. Meri jild bohot hassas hai aur cleansing aur tuning kay liye body shop ya saint ayz ki masnuat istemal karti hoon. Mein face wash say haftay mein aik martaba mun dhoti hoon laikin din mein tin char martaba thanday pani kay chintay marti hoon.

Din kay waqt khula huwa powder aur lip stick istemal karti hoon clinic makeup ki masnuaat rat kay waqt ankhon ka makeup sirf brown shadow say karti hoon liner aur mascara nahin lagati albatta powder blusher zarur istemal karti hoon. baloon ko high light karna bohot pasand hai. Maray baal bohot khushk hain aur inhain bohot ziyadah conditioner karnay ki zarurat parti hai. Shampoo sun silk,pantien yar body shop kay istemal karti hoon body shop ya valazd ka conditioner istemal karti hoon.

Mukhtalif tajarbat karti hoon ghusal say qabal balon mein tail ki malish karna nahin bhoolti, jild khushk hai is liye moisturize ka istemal ziyadah karti hoon is kay liye biotech ka morning niktar ya sant ayoz ks moisturize ka istemal ziyadah karti hoon subha aur rat ko biotech kay face wash say mun dhoti hoon aur din mein kaee bar thanday pani kay chintay marti hoon. Din kay waqt lip stick, eye liner aur lusher lagatri hoon mujhay bhura rang bohot pasand hai rat kay waqt ziyadah gehra makeup karti hoon. Khula huwa face powder aur eye shadow brown ya gold mein sirf lacnom ki masnuat hi istemal karti hoon.

Maray bal rangay huway aur param kiye huway hain aik din chor kar apnay balon ko tail ki malish karti hoon aur shahnaz hussain ki hair care masnuat say conditioner karti hoon. Lacnom ya pounds kay face wash say din mein teen char martaba mun dhoti hoon aur kaee martaba thanday pani kay chintay marti hoon night cream lagati hoon mahinay mein aik martaba fashioal karwati hoon aur har tin din bad chehrah par steeming karwati hoon.

 

 

 

Copy Right 2012-2013 www.Meriduniya11.com