Header
Home> Tips

 

 

 

 

Homemade Mask

Homemade mask is very useful for our face skin. We can make mask in home easily. We can make different types of mask with fruits, vegetables, honey, egg, milk, yogurt, vitamins and some herbal creams. We should make a mask about our face skin, which we can suit. Banana is very typical to use, because it gives vitamin, calcium, phosphorus and potassium. In this page you will find different types of mask and its home making in Urdu.

Mask Ka Istemal Chehray Ko Nai Shadabi Ata Karta Hai

Homemade Mask Image

Aaj kal gharailu mask tayar karnay ka rujhan farogh paraha hai. Ghar mein banai janewalay mask mein aik faida zarur hai woh yeh kay aap ko apni jild kay taqazon kay mutabiq is mein lachak rakhnay mein asani hosakti hai. Gharailu mask istemal karnay kay liye zaruri hai kay aap ko apni jild ki nauyat say bakhubi agahi ho. Bahot say mask phalon, sabziyon, andon, dudh aur vitamin say bhi tayar kiye jatay hain.

Andon ko mask kay tor par istemal karnay ka rujhan isliye ziyadah hai kay anday har qisim ki jild par malay ja saktay hain aur is ka tariqa istemal bhi asan hota hai. Tazah phalon maslan strawberry ko bhi mask kay tor par istemal kiya ja sakta hai. Strawberry ko katiye ya isay achi terha kuchal kar chahray par maliye is terha kailay ko bhi istemal kiya ja sakta hai kailay mein vitamin calcium phasphoras aur potashium ki miqdar bohot ziyadah hoti hai laihaza inhain istemal karnay ka rujhan bhi aam hai. aam tor par kaylay hassas jild kay liye istemal kiye jatay hain. Timator, papitay, dahi, balaee walay dudh, shahad ko bhi chahray ki jild ki hifaat kay liye istemal kiya jata hai.

Bazaar mein dastiyab mask istemal karnay mein bohot sahulat rehti hai. Ghar mein mask ki tayari kay liye ajzai tarkibi kay liye bohot mehnat karna parti hai aur waqt bhi bohot zaya hota hai. Bahar hal mask bazaar say kharidnay kay bajai beauty saloon say bhi mangwasakti hain. Is ka aik faida yeh hai kay woh aap ki jild say waqif hoti.

Strawberry Ka Mask

Naram aur chamak dar jild kay liye yeh bahot mufeed sabit hotay hain. Muthi bhar tazah paki huee stawbarry lain. Aik cup mein dal kar inhain achi terha garah karlain. Phir isay chahray aur gardan par mal kar sukhnay dain. Bad mein isay nim garam pani say saf karlain. Is say jild mein tazgi aur chusti paida hoti hai. Yeh mask bazaar mein tayar surat mein bhi dastiyab hota hai.

Kakri Ka Mask

Kakri mein sulphar aur sili kan ki miqdar ziyadah hoti hai. Sham kay waqt jild mein paida honewali thakan aur puz mardagi ko door karnay kay silsilay mein yeh bohot mufid hai. Kakri kay chand tukray lay kar do chamchay powder milk aur aik anday kay sath isay phaitain. Isay chahray aur gardan par achi terha malain. Sukhnay par isay nim garam pani say dholain. Bad mein chahray aur gardan par thanda pani dalain aur sukhnay dain.

Khamir Ka Mask

Yeh ratubat zard chahron kay liye mufid hotay hain. Is kay istemal ka tariqa yeh hai kay aik chamcha khamir lay kar thoray say dahi mein achi terha milain phir isay chahray kay ratubat zadah hisson par lagain. 15 minute tak sukhnay dain aur phir pehlay garam aur bad mein thanday pani say saf karlain.

Atay Ka Mask

Yeh mask normal ya chikni jild walon kay liye bohot ziyadah mufid hai. is kay alawah khamiri mask khushk jild walon kay liye mufid hai. is murakab ko chahray par lagalain. Chahray kay sath is ka istemal gardan tak hona chahiye is ko khushk honay dain aur phir isay garam pani say dholain.

Cucumber Mask

Cucumber mein sulphur aur silicon bari miqdar mein paya jata hai. is mask ka istemal din bhar ki thakan kay asarat chahray say zail karnay kay liye behtarin hai. Khiray ki qashain blander mein dal kar peec lain. Do chai kay chamchay dudh aur aik anday ki safaidi achi terha is mein milalain aur phir isay chahrah aur gardan par bator mask istemal karain. Khushk honay kay bad isay garam pani say dholain.

Qahway Aur Dahi Ka Mask

Qahway ka mask chikni jild ki khowatin kay liye aik acha mask hai. Yeh mask aik chamcha qahwa aik chamcha khamir mein dahi ko mila kar tayar kiya jata hai. Is ko laganay ka tariqa yeh hai kay isay puray chahray aur gardan par phaila liya jai aur pandrah minute bad pehlay garam pani aur kuch dair bad thanday pani say chahray ko dholiya jai.

Pineapple Ka Mask

Is mask kay istemal say chahray kay murdah khuliye zindah hojatay hain aur yeh chahray ki shadabi mein aham kirdar ada karta hai. aik piyali mein chothai cup annanas ka ras juicer say nikal lain aur is ras ki do tahain apnay chahray par lagalain. Pandrah minute bad isay garam pani say dholain.

Khushk Khubani Ka Mask

Yeh mask tamam iqsam ki jild kay liye moasar hai. is ki tayari kay do khushk khubaniyan lay kar tamam rat kay liye pani mein bhigodain. Aglay din isay halki aanch par pakain. Jab achi terha gul jain to inhain msal lain aur is murakab ko bator mask chahray par istemal karain. Das minute bad isay pani say dholain.

Tamatar Ka Mask

Timator ka guda nikal lain aura chi terha uchal lain. Phir is mein aik chamcha khalis shahad bhi shamil karain. Isay chahray par 15 minute tak laga rehnay dain. Phir chahrah dho dalain. Chahray ki rangat nikhar jai gi.

Khiray Ka Mask

Khiray ka guda nikal kar kuchal lain aur phir chahray par lagain. Khiray kay do gol qatlay kat kar ankhain band karkay is kay upper rakhlain. 15 minute tak rakhay rehnay dain. Phir dho dalain. Rozana yah amal karnay say chahray ki jild naram o mulaim aur saf hojati hai. Aur talwon ki ziyadti bhi khatam hojati hai.

Gajar Ka Mask

Gajar ka pani nikal lain aur fridge mein rakhdain. Jab thanda hojai to ruee ki madad say chahrah par lagain ye amal din mein tin martaba karain. Rang gora karnay ka behtarin tariqa hai.

Anday Ka Mask

Aik andah lain, aik lemon mein andah tor kar is ki safaidi achi terha phaint lain. Is mein lemon nichor kar achi terha mix karain. Aur chahray par lagain. Pandrah minute tak lagain. Bat cheet bilkul na karain. Phir dho dalain . Yeh mask khushk jild kay liye hai.

Shahad Ka Mask

Yeh mask naram jild aur jhuriyon kay liye hai. is kay liye shahad mein chand qatray limon ka araq achi terha milalain. Aur 20 minute kay liye chahray par laga rehnay dain.
Phir skin tonic ki madad say ruee kay sath saf kardain.

Hassas Jild Kay Liye Mask
Aik hissa kolain aur aik hissa kailamine lotion mein araq gulab milain aur sirf das minute chahray par lagain. Jild khushk honay par utarlain.

Khushk Jild Kay Liye Mask

Multani matti baldi aur teen qatray zaitun ka tail aur skin tonic kay chand qatray mila kar 15 minute tak chahray par laga rehnay dain ya badam ko peec kar dudh mein mila kar chahray par lagain. 20-minute bad chahra dholain.

Normal Jal Kay Liye Mask

Aik hissa kolain aur multani matti mila kar cream ki surat mein istemal karaina ur 15 minute tak chahray par lagain.

Ghaiyon Kay Liye Mask

Badam, haldi, dudh aur lemon istemal karain. Badam peec kar is mein haldi aur dudh mila paste banalain. Aur chand qatray lemon kay dal lain. Yeh mask bohot mufid hai.

Kailoon Kay Mask

Limon kay ras ko nichor kar shahad mein mila kar chahray par malain. 15 minute bad chahray dholain ya zaitun kay tail mein balaee cream mila kar das minute malish karain ya phir badam peec kar lap karain. Bohot mufid mask hai.

Mooli Kay Bijon Ka Mask
Hasbe zarurat muli kay bijon ka powder banalain aur phir is mein ham wazan basan ki miqdar shamil karlain aur dudh mein ghol kar chahray par lagain. Is say chahray kay dagh dhabbay door hojain gay. Is kay alawah nim garam dudh hasbe zarurat miqdar lay kar ruee ki madad say chahray par laganay say dagh dhabbay khatam hojatay hain.

Chahray Ki Jhuriyan Door Karnay Ka Mask

Matti ki aik kori piyali mein aik chamcha balaee aur do tin badam achi terha dhokar saf karnay kay bad is say chahray ki halki phulki malish karain phir ruee ko ahista ahista chahray par phairain. Aur phir baqi marham laga kar sojain. Subha uth kar basan say mun dholain. Ya phir bakri ka kacha dudh lay kar is mein adha lemon nichor lain. Dudh phat jaiga. Is phatay huway dudh ko sotay waqt achi terha chahray par mal lain. Yeh cahray ki jhuriyan door karnay ka shartiya tariqa hai.

 

More Links

 

 

Copy Right 2012-2013 www.Meriduniya11.com