Header
Home> Health Tips
 

 

 

 

 

Headache (Sir Dard)

Headache (sir dard) is a common problem. Everyone face the headache in routine time. It contact with the changes of brain organism. Actual pain is relate from provocation in spastic fibers, that is shoulders, neck and muscular of skull. Allergy, emotional pressure, burden on eyes, high and low blood pressure, drugs actions, infection, tension, depletive and virus masses in the body, they all are the causes of Headache. We can use lemon, apple, henna, cinnamon sticks, marjoram and rosemary for the better home remedy of headache. In this page, you can see Headache Treatment in Urdu (Sar dard ka Ilaj ) In Urdu and Roman Hindi.

Headache In Urdu (Sir Dard)

Headache (Sir dard) se kisi na kisi waqt har aik ka zaror wasta parhta hai. Ziyada tar sar dard jismani karkardegi mein aarzi beqaiydegi ka natija hota hai. Chunache is ka talluq dimagh mein peyda hone wali namiyati tabdiliyon se nahi hota. Aksar auqat yeh fitrat ki taraf intebahi ishara hota hai ke jism mein kahin koi garbarh hai. Haqiqi dard albatta shoulders, neck aur khopri ke pathon se munsalik aesabi reshon mein ishtea’al se peyda hota hai. Isi tarha khon ki naliyon ke ird gird paaey jane wale hamwar patthon mein heejan ka natija hota hai.

Headache Causes and Symptoms:

Sar dard ke amomi asbaab mein allergy, jazbati dabao, aankhon par bojh, high blood pressure, nashe ke asraat, infection, low blood pressure, ghizaeyat ki kami, tanao aur jism mein fasid aur zehrile maddon ki maujodgi shamil hai. Allergy aksar auqat sir dard ka gher mashkook sabab hoti hai. Aesi ghizaey jin se kuch logon ko allergy hoti hai aur sir dard peyda kar sakti hain. In mein doodh, doodh ki masnoat, chocolate, chicken meat, kaleji, alcohol aur cheese numayan hain. Allergy ki mazeed alamaat cheenken aur isha’al hain.

Headache Treatment In Urdu (Sar Dard Ka Ilaj)

Lemon:

Mukhtalif qisam ke sar dard ke liye mutadid gharelo ilaj hain. Lemon is ke ilaj mein mumtaz hai. Aik cup tea mein lemon ke 3 ya 4 qatley nichore kar peena, sir dard se nijaat dila deta hai. Is se fori aafaqa hota hai. Lemon ka chilka jise amoman bekar samajh kar phenk diya jata hai. Garmi se lahaq hone wale sir dard mein bohat mufeed hota hai. Lemon ke chilke ko kisi hawan mein achi tarha koot kar bareek paste tayyar kar len aur use plaster ki tarah peshani par lagaey. Aik lemonka fresh, zard rang ka chilka kanpatiyon par malna bhi sehat deta hai.

Apple:

Har qisam ke sir dard ke liye aple mufeed hai. Is ka chilka aur seeds wala sakht hissa alag kar ke subha khali pait thore se namak ke sath khana shafi rehta hai. Yeh amal aik hafta tak jari rakhna chahiye.

Henna Flowers:

Dhoop ki shiddat se lahq hone wale sir dard ka itmenan bakhsh ilaj mehndi ke phool hain. Henna ke pholon ko vinegar mein raghar kar peshani par lagaey, dard se forun nijaat milti hai.

Cinnamon Sticks:

Thandi hawa lagne se sir dard chirh jae to daar chini ka istemal mufeed rehta hai. Cinnamon stick ka safoof pani mein mila kar leyp tayyar kar len aur sir dard mein peshani aur kanpatiyon par lagaey, forum araam milega.

Marjoram ( Murwa ):

Aesab ki wajah se hone wale Sar dard ka ilaj murwa se kiya jata hai. Is ke patton se banaya gaya joshanda achi medicine sabit hota hai.

Rosemary:

Sardi se lahaq hone wale sar dard mein yeh booty maussir ilaj sabit hoti hai. Muththi bhar booty ko 1 liter pani mein boil kar ke kisi bartan mein dalen. Sir ko towel se lappet kar is pani se uthne wali bhaap mein saans len. Is amal ko us waqt tak dohrate rahen jab tak sir dard kafoor na ho jaey.

Ghizaai Hikmat e Amli:

Sar dard se bachne ka behtareen tariqa yeh hai ke munasib ghiza, jismani exercise aur masbat zehni rawaiyya ke zariye jismani mazahmat ko mazboot tar kiya jaey. Pehle qadam ke taur par mareez ko aik 2 roz ka mukhtasir sa roza rakhna chahiye. Fast ke dauran subha 8 baje se raat 8 baje tak har 2 hours ke bad tursh fruits ka juice pani mein mila kar liya jaey. Fasts ke bad mareez ko aesi ghizaey maslan chapatti, anaaj, rice ya potato wagherz kache salad ke sath raat ke khane mein khai jaey. Spices, pickle, khatthi lassi aur oil wali ashiya se mukammal parhez kiya jaey. Garmiyon mein aik glass thanda pani aur sardiyon mein neem garam pani honey 1 tea spoon mila kar subha khali pait piya jaey. Din mein wafir miqdar mein pani peene ka mashwara bhi diya jata hai.

Other Efforts:

Sar dard ke ilaj mein madadgaar deegar iqdamat mein 37 degree cellos garam pani ka anima liya jaey ta ke intestines aalaiysh se paak rahen. Neck par thande pani ki pattiyan istemal ki jaey. Neck ke pichle hisse par garam pani mein towel dibo kar nichorne ke bad bar bara rakha jaey. Sir aur face par thande pani ki pattiyan rakhi jaey ya back bone par bari bari thande aur garam pack istemal kiye jaey. Sone se pehle pait par senk karna bhi sir dard se nijaat deta hai. Pait par senk se aise sir dard mein aafaqa hota hai, jo meyde aur jigar ki kharabi ke sabab lahaq ho.

Purane sir dard mein garam pani se paon dhona, bal ke kuch dair diboe rakhne se bhi aafaqa hota hai. Mareez ko kisi tub ya bucket mein 40 se 45 degree cellos garam pani mein 15 minute tak paon aur tangon ka kuch hissa diboey rakhna chahiye. Yeh amal raat ko sone se pehle apnana munasib rehta hai. Ise 2 se 3 weeks tak jari rakhna chahiye.

 

 

 

 

Copy Right 2012-2014 www.Meriduniya11.com