Header
Home> Health Tips  

 

 

 

 

Gall Bladder Disorders

The big symptoms are irritation and stones problem to affect the gall bladder. Digestion and gastric problem, constipation, vomiting, acne and boils etc, jaundice, anemia are also the symptoms of gall bladder disorders. Carbohydrates mostly use of sugar is cause the gallbladder disorders. We can use beetroot, pear, olive and sunflower oil, and kasni herb for the better home remedy of gall bladder disorders. If the stone in gall bladder is big in size and you having pain day by day, so it must remove from the operation. First take advice to the specialist of gall bladder, and then you can take any decision. It is very harmful and painful disease. In this page you can see Gallbladder Treatment In Urdu (Pitta Ka Ilaj) In Hindi.

Pitte Ki Pathri Banner

 

Gallbladder In Urdu

Gall Bladder (Pitte) ko mutasir hone wale barhe asbaab mein sozish aur pathriyan hain. Gall bladder ki sozish ziyada arsey rahe to yeh pathri banane ka mujjab ban jati hai. Aam taur par pathri safra ki wajah se banti hai.

Gallbladder Causes and Symptoms:

Pitte (Gall Bladder) ki bemari ki barhi alamat pait mein waqfey waqfey se hone wala shadid dard hai. Baad hazmi, gas, khana khane ke bad pait mein upharey ka aehsaas, qabz aur matli bhi is ki alamatein hain. Chiknai na bardasht ka sakna, sir shakrana, yarqan, khon ki kami, acne aur phore phunsiyan bhi is ki alamatein hain.

Pitte (Gall Bladder) ki bemariyon ka barha sabab carbohydrates khusosan sugar waghera ka ziyada istemal hai. Ziyada ghizaeyat cholesterol ke ikhraj ko barhati hai. Ziyada chiknaai wali ghizaon se pitte ka dard ka hamla ho jata hai. Deegar asbaab mein purana qabz, kamzor sehat , maurosi asraat aur dabao shamil hain. Sugar hukmaa pitte (Gall Bladder) ki bemariyon ka talluq gusse ke jazbaat se qarar dete hain.

Gallbladder Treatment In Urdu (Pitta Ka Ilaj)

Beet Root:

Chuqandar ka fresh juice, carrot auir cucumber ke juices mein mila kar dene se pitta (gallbladder) saaf ho jata hai. Teeno juices 100, 100 ml mila kar din mein 2 bar pilana pitte (Gall Bladder) ki bemariyon ka acha ilaj hai.

Pear:

Pitte (Gall Bladder) ke amraaz mein nashpati bhi umdah ilaj sabit hota hai. Is ka juice agar mareez khob peeta rahe to mufeed nataiyj nikalte hain. Pitte (Gall Bladder) ki tamam bemariyon mein shifa bakhsh hai, jis mein pitte ki pathriyan bhi shamil hain.

Kasni Herb:

Kasni ke flowers aur roots jiger aur pitte (Gallbladder) ke amraaz ke ilaj mein akseer hai. Phool, seeds aur roots ka joshanda agar 30 se 60 ml daily mein 3 dafa istemal kiya jaey to gall bladder ke amraaz ki islaah karta hai. Kasni ka juice kisi bhi aur juice mein mila kar daily piya jaey to safra ka ikhraaj barh jata hai. Chunache yeh jigar aur pitte (Gallbladder) dono ki karkardegi behtar banata hai.

Kaan Phool:

Jigar aur pitte ki chiknai ko tehleel ke fail mein taqwiyat dene mein kaan phool bohat madadgaar hai. Jigar aur pitte (Gallbladder) ke amraaz mein kaan phool ka istemal intehai mufeed rehta hai. Ise salad aabi ke juice ke sath aur aesi ghiza ke sath istemal karen, jis mein gosht na ho ya ziyada sugar aur nashasta na ho ti jigar aur pitte ke fail ko bahaal karta hai aur aesabi nizaam par khushgawar asar bhi dalta hai. Kaan phool aur salad aabi ke juices har aik 125 ml din mein 2 bar istemal kiye jate hain.

Olive and Sunflower Oil:

Pitte ki pathriyan kharij karne ke liye hukma aur ilaj bilghiza ke experts oil se ilaj ka mashwara dete hain. Is ke liye kacha, qudrati nasaaf olives ya sunflower oil ka istemal kiya ja sakta hai. Tariqakar yeh hai ke 30 ml vegetable oil, tarjeehan olive oil subha ke waqt sab se pehle yani khali pait peen eke bad 120 ml grape fruit ya lemon juice peena chahiye. Yeh ilaj kae roz tak aur agar zarori ho to kae hafton tak jari rakha ja sakta hai.

Ghizaai Hikmat e Amli:

Pitte ki choti choti pathriyon (stones) ko amoman ghizaai ilaj ke zariye kharij kiya ja sakta hai. Pitte ki sozish ka marz shiddat liye hue ho to mareez ko 2 ya 3 dino tak roza rakhna chahiye. Yahan tak ke marz ki shiddat kam ho jaey. Is dauran pani ke ilawa kuch na khaya jaey. Roz eke bad chand dino tak patient ko vegetables ke juices diye jaey. Carrot, beet root, grape fruit, pear, lemon ya grapes ke juices munasib rehte hain. Bad azaa mareez ko khob mutawazin ghiza par laya jaey. In ghizaon mein bhi kachi aur pakai hui sabziyan, fruits aur vegetables ke juices aur fruits aur seeds ke matadal honi chahiye. Yogurt, ghar mein bani hui cheese aur khane ka aik chamcha olive oil bhi daily 2 bar ghizaon mein shamil karna chahiye. Patient ko eggs, meat, heywani fats, fried hui aur muraghan ghizaon, sharab, sugar se bani hui ghizaon, coffee, pickle aur masahlon se parhez karna chahiye. Pitte ke mareez ko din mein 3 barhe khano ke bajae chote chote waqfon se thora thora khana khate rehna chahiye.

Deegar Iqdamaat:

Pitte ki pathri (Gall Bladder Stone) ki wajah se lahaq hone wale dard se aafaqa ke liye pait ke balai hisse par garam pattiyan ya senk kiya jaey. Jism ke temperature ke mutabiq neem garam pani ka anima qabz ki soorat mein intestines saaf kar dega. Jismani exercise bhi daily zarori hai. Agar gall bladder ki pathriyon ki jisamat barhi ho ya ziyada arsey se maujood hon to operation zarori ho jata hai.

 

 

Copy Right 2012-2014 www.Meriduniya11.com