Header
Home> Tips >

 

 

 

Fruits Benefits For Eyes In Urdu

Fruits Benefits for Eyes

Here we are talking about the eyesight effects, causes and symptoms. After 40 years of age, the weakness of mostly human eyes is start. Therefore, they need a lens and glasses. According to American Optometric Association that 28 crore peoples are effecting the symptoms of white cataract, that is the main problem is people’s have to face the blindness. It causes of oxidation and inflammation of weak eyes. According to the research Vitamin C, Vitamin E, Zinc, Omega 3, Fatty Acid, Leotene is most important for the better eyesight. We can use Cabbage, Cauliflower, Spinach, Corn, Eggs and Orange. Please take good care of your eyes, because it is a Godsend gift from the ALLAH PAK for us. In this page, you can see the information about the Eyesight.

Fruits Benefits For Eyes In Urdu

Quwwat e Basarat Barhane Wale Phal aur Sabziyan

Mushaede aur tajurbey ke bad yeh haqiqat wazeh hui ke aam taur par aik tandurust insaan ki nazar 40 saal ki umer ke bad kamzor hona shuru ho jati hai. Jis ke baad glasses ya lens ki zarorat parhti hai. Baaz afraad ki door aur baaz afraad ki qareeb ki nazar mien kami beshi ho jati hai. Tamam logon ki yehi khuwahish hoti hai ke sari zindagi nazar durust aur 6 into 6 he rahe, magar aisa mumkin nahi hai. Haan aisa mumkin hai ke khuraak aur munasib aehtiyat ke zariye nazar ki kamzori ke asbaab ko mazeed peeche dhakail diya jaey.

American optometric association ke mutabiq duniya ke taqriban 28 crore afraad barhti umer aur white cataract waghera jaise amraaz ki wajah se blindness ka shikar ho jate hain. In mien se ziyada tar afraad ki umer 55 baras se zaiyd hai. Yeh blindness ya intehai kamzor basarat oxidation aur inflammation jaise awamil ki wajah se hoti hai. Research ne yeh sabit kiya hai ke vitamin C, vitamin E, zinc, omega 3, fatty acid, leotene ajzaa ki hamil sabziyan aur phal umer barhne ke sath sath aankhon aur basarat ko lahaq hone wale amraaz se mehfooz rakhte hain. Aaj hum aap ko kuch aesi sabziyon aur phalon se mutarif karwate hain ke jin ke khuraak ke sath baqaiyda istemal se na sirf aap ki basarat ta dair durust rahegi, bal ke aap ki aankhen mukhtalif amraaz e chasham se bhi mehfooz rahengi.

1. Cabbage : Cabbage aik intehai mufeed sabzi hai, jis mien cance ke khilaf mudafat karne wale vitamins aur anti oxidants paaey jate hain. Is ko bataur saladm phalon ke sath aur chips waghera ke sath istemal kiya ja sakta hai. Yeh aik to cancer ke khilaf intehai karaamad hai, jab ke aankhon ke amraaz aur basarat ki kamzori ko bhi rafaa karti hai.

2. Corn : Yeh aik aesi neymat khudawandi hai ke jis ko kae tariqey se khaya ja sakta hai. Maslan boil kar ke, aag par bhoon ke, handiya mien paka kar waghera waghera. Is mien maujood leutene basarat aur amraaz chasham ke khilaf maussir hathiyar hain. Is ko yakhni aur soup waghera mien bhi istemal kiya ja sakta hai.

3. Spinach : Spinach aik sehat bakhsh aur zaiyqedar sabzi hai. Is ko alehda ya gosht mien mila kar pakaya jata hai. Is mien bhi leutene ki qabil e zikar miqdar maujood hoti hai. Is ko bataur salad aur sandwich ke sath bhi istemal kiya ja sakta hai. Agar ise paka kar khaya jaey to is mien maujood sehat bakhsh ajzaa ziyada zod hazam ho jate hain.

4. Cauliflower : Cauliflower ya shaakh wali gobhi vitamin C se bharpor hoti hai. Jab ke basarat ko jila bakhshne wale aur aankhon ke amraaz se mehfooz rakhne wale ajzaa leutene bhi is mien qabil e zikar had tak maujood hote hain. Is ko aap bataur sabzi paka bhi sakte hain. Ise ta’aam ke sath bataur salad bhi istemal kiya ja sakta hai. Jab key eh boil kar key a fry kar ke bhi istemal ki ja sakti hai.

5. Eggs : Sehat ke liye eggs ki aehmiyat se kis ko inkaar hai. Duniya ke ziyada tar insaan nashte mien eggs zaroor istemal karte hain. Kyun ke yeh tawanai se bharpor hota hai. Egg mien leutene, vitamin E aur omega 3 jaise ajzaa paeey jate hain. Jo bilamoom sehat bakhsh aur bil khusoos aankhon ki sehat ke liye bunyadi kirdar ke hamil hain. Farm ke eggs ki nisbat desi eggs mien mundarja bala ghizaai ajzaa ziyada nisbat mien paaey jate hain. Daily aik egg ka istemal aap ke jism ko tawanai aur bemariyon ke khilaf madafat farahum karta hai.

6. Orange : Orange, malta, Keeno, Mausmi, waghera aik he khandan ke phal hain. In mien vitamin C bakasrat paya jata hai. Jo aankhon ke tissues ki nashonuma aur sehat ke liye be had mufeed hai. Umer barhne ke sath sath basarat ki kamzori door karne ke liye yeh aik turyaq ki si hesiyat rakhta hai.

 

More Links

 

Copy Right 2012-2014 www.Meriduniya11.com