Meriduniya11 Header
Home> Tips  

 

 

 

 

Importance of Clean and Fresh Air

Fresh and clean Air is very important for us. It is very healthy for our body, skin and blood. Polluted Air is very dangerous for our health. We should walk daily in fresh and clean Air early in the Morning. We can walk and run in the park, it is very best way to give fresh and clean Air. The most important thing in the air is oxygen for humans and animals also. In this page you can see the information about Importance of clean and Fresh Air in Urdu ( Sehat Ke Liye Tips).

Fresh Air Image

Fruits Benefits For Eyes In Urdu

Sehat Ke Liye Tips

Khush haal sehatmand tawanai se bharpor zindagi guzarne ke liye fresh aur saaf hawa jismani nizam ke liye intehai zarori hai. Agarcha gandi hawa mein saans lene se fori taur par maut waqeya nahi hoti, lekin jism o jaan ki aab o tab slow slow mutasir ho kar sehat kharab rehne lagti hai.

Fresh Air

Saans lene kea mal se jism ki waredon ( Neeli ragon ) mein jo siyah o kaseef khon hota hai wo fresh aur saaf hawa ke lateef ajzaa se saaf ho kar surkh rang mein tabdeel hota hai aur phir yeh surkh rang ka shaffaf khon, sharyano ( Laal Ragon ) ka tamam branches mein pohanch kar jism ke tamam azaa ki parwarish karta hai. Is liye jitni ziyada saaf hawa saans ke zariye jism mein dakhil ho gi isi tanasub se jism ka kaseef o siyah khon saaf ho kar jism ke azaa ko parwarish kar ke in ko taqat bakhshega. Chunache ziyada se ziyada saaf aur fresh hawa ko jism ke ander pohnchana sehatmand zindagi ke liye zarori hai.

Air Pollution

Saans ke zariye kharij hone wali hawa se fiza mein aalodgi peyda hoti hai. Is ke ilawa bhi deegar chezon maslan gard o gubhar, buses aur cars se nikalne wala Fog, karkhano ki chimniyon se nikalne wali zehrili gases aur korhe karhkat se peyda hone wale taafun se bhi fiza zehar aalod hoti hai. Musalsal is qisam ke mahaul mein rehaiysh se bhi sehat bohat mutasir hoti hai.

Environment of Nature

Fiza har waqt aik qudrati nizaam ke tehat saaf hoti rehti hai. Hawa chonke hamesha mutehrik rehti hai aur yeh harkat he hawa ki aalodgi ko saaf karne mein muaawin hai. Is liye rehne ki jaghon maslan rooms, offices aur houses mein air ki aamd o raft ka khas khayal rakhna chahiye. Agar rooms mein air ki aamd o raft ka intezam munasib na ho aur rooms mein hujoom ziyada ho to is se bhi pollution barhti hai. Aise mahual mein saans lene se insaan ki tabiyat jo jism ki muhafiz aur us ki quwwat hai, weak parh jati hai aur jism bemariyon ka shikar ho jata hai.

Greenery

Sabzadaar plants aur trees air ki har qisam ki pollution ko saaf karte hain. Is liye parks, gardens aur khuli jagah par gehri gehri saans lene se fresh air jism mein khob achi tarha absorb hoti hai. Cities aur khusosan gunjan areas mein aabad logon ko subha ke waqt daily parks aur khuli hui jagah par walk karna chahiye. Kyun ke subha ke waqt air, gardogubhar, garhiyon ke fog waghera har qisam ki aamezish se paak hoti hai. Tez chalne ya running ke amal se saans ki speed tez hoti hai. Aesi halat mein mou band kar ke nose ke zariye gehri saans lene se saaf hawa ziyada miqdar mein jism mein jazb ho kar blood ki ziyada miqdar ko jism mein jazb karegi, jis se tabiyat qawi ho gi aur sehat par numaya asar ho ga.

Air

Wo air jo saans lene ke natije mein bahar nikalti hai aur jism ke masamat se kharij hoti hai wo ghaleez aur zehrili hoti hai. Aur aesi air mein germs bhi khob phalte pholte hain. Is liye jis jagah par majmaa ho maslan garhiyon, buses aur rooms waghera mein wahan windows khol dena chahiye ta ke ghaleez aur zehrili hawa bahar nikal sake aur fresh air andar aa sake.

Weather

Summer weather mein log aam taur par rooms ki windows khol kar he sote hain. Lekin is ke baraks Winter season mein rooms bilkul band rakhe jate hain. Jab ke fresh air ki need jism ko har waqt rehti hai. Is liye winter mein bhi fresh air ki aamd o raft ke liye windows aur doors ko thora sa khol lena chahiye. Warna gandi hawa mein maujood germs saans ke zariye andar pohanch kar tangi tanaffus jaise aarzaa ka baiys bante hain.

Acquisition of Clean and Fresh Air

1. Har room mein air ki amd o raft ke liye aik window aur oonchai par aik roshandaan ka hona zarori hai. Ta ke fresh air window se andar aa sake aur gandi hawa roshandaan ke zariye bahar nikal sake.

2. House ke andar din mein kisi waqt roshni aur dhoop ka aana bhi zarori hai ta ke ghar ke andar ki gandi air mein maujood germs khatam ho jaey aur air saaf ho jae.

3. Jo log cities aur ghani aabadiyon mein rehte hain unhe sabqa nuqsan ki talafi aur saaf air ki dastiyabi ke liye subha ya sham ke waqt khuli hui jaghon par zaror tehalna chahiye.

4. Room mein ziyada chiragh ya lamp jalane se bhi air mein kasafat peyda ho jati hai.

5. Aab o hawa ki tabdeli ke liye mountains, sahil e samandar, dehaton ki khuli fizaaon aur hawadar jaghon par batuar seyr o tafreeh chand roz ke liye zaror qeyam karna chahiye. Is se behtar sehat ke liye umeed afzaa nataiyj hasil hote hain.

6. Din ke auqat mein jahan tak mumkin ho fresh mein saans lena chahiye aur raat ko jis room mein soey is ki windows khuli rakhna chahiye ta ke ziyada air easy se andar na aa sake.

7. Din mein kae baar lambi saansen lene ki aadat dalen.

8. Jahan tak mumkin ho, gard aalod aur ghaleez air mein saans lene se bachna chahiye.

9. Hamesha naak se saans lena chahiye ta ke ghard o gubhar ke zarrat andar na ja saken.

10. Sote waqt mou dhak kar nahi sona chahiye. Mou dhak kar sone se gandi air he bar bar jism ke andar aati jati hai jo Lungs aur body ke liye nuqsan dey hai.

11. Air ko saaf rakhne ke liye ghar ke andar safai ka bohat khayal rakhna chahiye. Fruits ke chilke, vegetables ke danthal, korha karhkat aur maweshiyon ke gobar waghera ko gharon ke andar nahi chorna chahiye.

12. Brain ko har waqt fresh and clean air ki farahmi ke liye aamada rakhna chahiye. Band jaghon aur makano mein ziyada dair tak nahi rehna chahiye.

 

 

More Links

 

Copy Right 2012-2015 www.Meriduniya11.com