Meriduniya11 Header
Home> Tips  

 

 

 

 

Machli Ka Tail

Fish Oil or Omega 3

Fish oil or omega 3 (Machli ka Tail) is very healthiest thing for our health mostly in winter season. Fish oil is a way of to get omega 3. Omega 3 is a component of different kinds of fatty acid that is why Omega 3 is very essential for the health of human. Omega 3 fats are not dander for heart. Omega 3 is playing an important role in reducing inflammation throughout the body in the joints and blood vessels. Omega 3 has an important component DHA; it is found in Mother Feeds only. It is circulate the blood in the vessels. Omega 3 gain the sugar level in the blood, so please sugar patient first take advice to your Doctor then use omega 3. Vegetarian people can take walnut, pumpkin, canola and soya bean oil for omega 3. It should be use during the lunch or dinner, it is easily to digest. In this page, you will read Fish Oil or Omega 3 Questions and Answers in Urdu (Machli Ka Tail ) In Roman Hindi.

Desitreatments Banner

Fish Oil Omega 3 in Urdu

Questions And Answers In Urdu

Fish Oil Omega 3 Image In Urdu

Deegar waqton ki baat hai idher sard hawa chali, mausam mein thandak ka tanasub barha, sath he ghar ki buzurg khuwateen ne mausam e sarma ke istaqbal ki tayyariyan shuru kar di. Pehnawo aur orhniyon ke sath sath khuraak mein bhi changing dikhai dene lagti hai. Halwiyat o maghziyat ke ilawa bachon aur barhon ko daily fish oil (machki ka tail) ke capsule bhi khilae jate hain, kyun ke inhe sardi aur is se peyda hone wali bemariyon se bachao mein mousir samjha jata hai.

Yeh to baat thi gaye waqton ki. Jab ke science uloom aur mukhtalif professions mein tehqeeqi kaam ka nuqta aaghaz tha aur yeh daur hai 21 century ka jab ke zindagi ke har meyda bil khasos ghiza aur ghizaeyat par tehqeeqi kaam urooj par hai aur nat nae scientific techniques aur in se hasil hone wale nataiyj har khas o aam ko mukhtalif ghizaon ke khawas aur nuqsanat se aagahi bakhsh rahe hain. Inhe mein aik ghizai juz omega 3 ka aaj kal bohat ziyada charcha ho raha hai. Khas taur par agar aap super market mein cooking oil kharedne chali jaye to har dosri brand mein omega 3 ki maujodgi ka wazeh aelan kiya jata hai.

Question : Omega 3 kiya hai ?

Answer : Purane zamane ke buzurg ko sirf is baat ka ilm tha ke machli ka tail (Fish Oil) sehat ke liye acha hota hai. Lekin aaj scientist batate hain ke yeh omega 3 hasil karne ka sab se barha zariya hai aur 1970 ki dehai tak scientist ko in haqaiyq tak rasaai hasil ho chuki thi ke wo aqwaam jin ki khuraak mein fish ka tanasub ziyada hota hai. Is mein dil ki bemariyon ka tanasub, deegar European aqwaan se bohat kam tha. Khas taur par Japan aur Bahria Rome ke ilaqey mein aabad qaumen jo ke olive aur fish ka ba afraat istemal karti hain.

Omega darasal wo chiknaiyan hain jo ke jism mein ja kar jamti nahi hain. In ko insane sehat ke liye intehai aeham yani essential samjha jata hai. Lekin jismani nizam in ko khud peyda karne se qasir hain. Is liye in ki zarorat is khurak ke zariye pori ki jati hai, jo ke omega se bharpor ho. Omega 3 ke ilawa omega 6 and omega 9 bhi paey jate hain. Lekin omega 3 in mein sab se aeham role ada karta hai.

Question : Omega 3 kiya kaam karta hai ?

Answer : Omega 3 darasal kae iqsaam ke fatty acid ke majmooa hai, jo ke jismani sehat ke liye be had zarori hai. Yeh fatty acid jism mein maujod khulyat ke ird gird aik aesi jhilli qaiym kar dete hain, jis ke zariye wo khuliyat ke andar aur bahar aane wale ajzaa ko control karte hain aur khuliyat ke darmiyan rabtey ko behtar banate hain. Wo tamam afraad jin ke jism mein omega 3 matloba miqdar mein paey jate hain wo zehni aur jismani taur par ziyada kar kardgi ka muzahira karte hain. Yehi wajah hai ke mukhtalif qisam ke zehni awariz maslan Depression aura dam taujhi ke shikar patients ka omega 3 ke zariye ilaaj karne par tawajja di ja rahi hai. Aik new technique ne aaj kal scientist aur tibbi mahireen azlaat ki weakness aur is se peyda hone wali bemariyon par omega 3 ke asraat ka jaiyza le rahe hain. Khuraak ya supplement ke zariye hasil hone wale izafi omega 3 na sirf transplant ke patients ki bahali mein mufeed sabit hote hai. Bal key eh chest, colon aur prostate ke cancer ke khilaf quwwat e madafat bhi peyda karta hai. Omega 3 ki latadad fawaiyd ki bina par deegar bematiyon maslan Damaa, agzyma, shez o ferenia, takleef dey aayam aur aanton ki sozish mein ilaaj ke liye mazeed tehqeeq ki ja rahi hai.

Question : Omega 3 ke dil par kiya asraat parhte hain ?

Answer : Achi ya buri chiknai baraherast insane jism ke dauran e khoon aur dil par asar andaaz hoti hai. Aesi tamam chiknai jo jamne ki khasiyat rakhti hon blood vessels mein ja kar jam jati hain. Vessels ki tangi ke baiys blood ke bahao mein rukawat peyda hoti hai aur dil ke daurey ke khatraat barh jate hain. Khush qismati se omega 3 ka shumar un chiknaiyon mein hota hai jo insane sehat ke liye danger nahi. Is ki awwaleen wajah shohrat bhi hai. Kyun ke is ka istemal dil ki tamam bemariyon mein mufeed hota hai. Heart attack ke khatrat ko kam kar deti hai aur agar phir bhi dil mein takleef ki shikayat ho to is ki shiddat mein izafa nahi hone deti. Is ke ilawa yeh blood mein tri glaroids ke level ko bhi neecha rakhne mein madagar hoti hai. Omega 3 ka mustaqil istemal dil ke dharakne ki rafter ko mamool par rakhta hai aur vessles ke tanao ki kefiyat se bacha kar khon ke dabao ko kam karta hai.

Dil ke ilawa omega 3 nau maulood bacho mein dimaghi khuliyat ki nashonuma mein bohat aeham role ada karta hai. Shayad yehi wajah hai ke qudrat ne fish ke ilawa Maa ke dodh mein omega 3 ke aeham juz DHA ko shamil kiya hai.

Question : Omega 3 ki yumiya khuraak kiya honi chahiye ?

Answer : Experts ghizaeyat ke mutabiq daily khuraak se omega 3 ki kuch miqdar hasil ho jati hai. Lekin wo murawwaja ghizae rules ke mutabiq na kafi hoti hai. Aik taza tareen Australian tehqeeq ke mutabiq mardon ko daily 610 mg aur khuwateen ko 430 mg EPA aur DHA chiknaiyan apni khurak mein shamil karnii chahiye. Yeh matloba miqdar week mein 2 dafa chiknai se bharpor fish ki iqsaam maslan, Salmon, Hearing, mackerel waghera se hasil ki ja sakti hai. Aise tamam khuwateen o hazrat jin mein dil ki bemariyon ke khadshat maujood hon, unhe samandari zaraey se hasil hone wale omega 3 ki ziyada miqdar ki zarorat hoti hai. Kyun ke research se sabit hua hai ke dil ke mareez agar daily aik gram omega 3 capsule ki shakal mein kha len to wo apni sehat mein numaya farq mehsoos karenge. Mustaqil bunyadon par is ka istemal heart attack se hone wali halakaton mein taqriban 25 % kami kar sakte hain.

Question : Omega 3 kahan se hasil kiya jaey ?

Answer : Aesi tamam fishes jo chiknai se bharpor hon maslan, salmon aur sardine omega 3 ke husool ka behtreen zariya hain. Is ke ilawa yeh dosri samandari fishe aur prawns se bhi hasil kiya ja sakta hai. Fish se agar in ka husool mushkil ho to qudrat is soorat mein insaan ki madiyon karti hai ke is ne mukhtalif plants maslan, canola aur soya bean se ulsi ke seeds khushk fruits ko is johar e qabil se mala maal kar deta hai. Is waqt market mein mukhtalif qisam ke oil, eggs, juices aur milk bhi dastiyab hain, jin mein izafi taur par yeh ghizaae juz shamil hai. Is qisam ki koi bi masnoaat kharedne se pehle in mein maujood deegar ghizai ajzaa ka tanasub dekhna na bholiye. Kyun ke baaz auqat is tarha ki ghizaon mein hararon aur sodium ki ziyada miqdar omega 3 se hasil hone wale fawaiyd par ghalib aa sakti hai.

Agarcha khuraak se hasil hone wale omega 3 behtreen hote hain, lekin agar in ki matloba miqdar khuraak ke zariye se hasil na ki ja sake to phir fish oil se bane capsules behtar mutabadil ho sakte hain. Jin mein amoman 300 mg tak omega 3 shamil hota hai. Lehaza 2 capsules din mein khane se omega ki zarorat pori kar sakte hain. Sabzi khor afraad ke liye omega 3 hasil karne ka behtreen zariya walnut, pumpkin, canola aur soya bean oil ho sakte hain.

Question : Kya omega 3 muzir bhi ho sakta hai ?

Answer : Heart patients ke liye bil khasos aura am afraad ko achi sehat barqarar rakhne ke liye omega 3 farahum karne wali ghizaeyn zaror khani chahiye, lekin diabetes ke patients au raise tamam ashkhas jo ke khon behne ke marz mein mubtila hon, unhe doctor ki advice ke bagher aesi ghizaeyn istemal nahi karni chahiye. Agracha omega 3 blood ko vessels mein jamne se rokta hai, lekin blood mein sugar ki tadad mein izafa karne ka baiys bhi ban sakta hai. Fish oil supplement baaz auqat bad hazmi ka sabab bhi ban jate hain. Lekin agar in ko khan eke dauran khaya jae to behtar nataiyj baraamad ho sakte hain. Is ke ilawa jo log fish ya khushk fruits ( Nuts ) se hasasiyat ka shikar hon, unhe bhi inghizaon se omega 3 hasil karne mein aehtiyat baratni chahiye. Baaz auqat is se bani ghizaai ashiya dosri dawaon ke sah mil kar jism mein nuqsan dey radd e amal peyda kar sakti hain. Isi tarha omega 3 ke zarorat se ziyada istemal se sehat ko kae khatrey lahaq ho sakte hain.


 

 

 

Vitamins

Waxing

Dry Fruits

Exercise Tips

Pimple and Pore

Dulhan Makeup

 

Copy Right 2012-2014 www.Meriduniya11.com