Meriduniya11 Header
Home> Tips >

 

 

 

 

 

Coffee

Coffee and tea both is the favorite drink of mostly people. Coffee and tea has many different types and taste. Tea and coffee has a chemical component in it, it is called caffeine. Caffeine should use 550 mg only, it is safe for you. But other research said that Caffeine is dangerous for the weakness and fracture of Bones, because it is absorb the calcium of bones. American Aiwa proved the research of 27,000 ladies since fifteen years, that those peoples who take 2 or 3 cup coffee daily, so she is safe of heart wall problem. Center Science for Public health America prepared the report for the importance and advantages and disadvantages of Coffee. Anti oxidant of Coffee is control the diabetes. Please first take advice to your Doctor then apply any type of tips. In this page, you can read Coffee benefits in Urdu (Coffee Ke Faide) In Hindi.

Coffee In Urdu,Hindi

Coffee Image

Coffee aur tea dono pasandeeda mashrobaat hain. Is ke peene walon ki tadad duniya ke mukhtalif hisson mein mukhtalif ho sakti hai. Kyun ke in mashrobaat ki pasandeedgi aur zarorat par duniya ke mukhtalif khitton ke mausam, rehan sehan aur auqatkaar asar andaaz hote hain. Maslan apne khittey yani barre sagher pak o hind ko he lijiye jis ke mausamon mein garmi ka tanasub ziyada hai aur yahan ke rehne walon ka tarz e zindagi abhi maghrabi mumalik ke bashindon jaisa machinery aur tez raftaar bhi nahi hai. Yahan tea ke rasiya afraad ki aksariyat hai. Is ke bar aks aap maghrabi aur European Country ko lijiye wahan coffee ke aik cup ke bagher logon ki aksariyat ke liye apni subha ka aaghaz karna mushkil hota hai. Bal ke din ke darmiyani aur aakhri hisse mein apni quwwat kaar ko bahaal rakhne ke liye inhe coffee ke mazeed 2 se 3 cup bhi darkaar ho sakte hain. Jis tarha hamare han dafatir aur business marakiz mein sara din Peon hazraat tea pohnchane ki zimmedari par mutaiyan hote hain. Wahan par coffee banana ki khudkaar machines sara din logon ki zarorat ko bakhobi pora karti hain. Arabian Countries aur mashraqi wastee ke bashinde sara din Arabian qehwa ya coffee ke bagher doodh aur sugar ke juraa juraa peete aur is ki talkhi ko khajoron ke sath kam karte nazar aate hain. Coffee aur tea duniya ke jis mulk ki bhi ho aur jis andaaz se bhi pi jae. Apni chemiyai haeyt aur asraat mein mukhtalif nahi hoti aur mukhtalif tareeqon se insane sehat par asar andaaz ho sakti hai. Haal he mein center Science for public health America ne coffee ki ghizaai aehmiyat aur is k fayde (Faidy) o nuqsanaat ke mutalliq aik nihayat jamaa report murattab ki hai, jis mein mundarja zeyl inkashafaat kiye gaey hain.

Coffee Caffeine and Its Effects In The Human Body

1-Coffee mein aik chemical madda caffeine barhi miqdar mein paya jata hai, is liye aik taweel arsey se logon mein yeh aam khayal paya jata tha ke yeh mashrobaat urine aawar hain. Lekin jaded tehqeeqat ke mutabiq 550 mg tak caffeine ki miqdar ka istemal aap ke liye faide mand hai. Wo log jo daily 575 mg ya is se ziyada miqdar mein caffeine ko istemal karenge, unhe bar bar urine aane aur be khuwabi ka marz lahaq ho sakta hai.

2-Heart patient aur khas taur par wo afraad jinhe is bemari ke sath buland fushar khoon ya high blood pressure ki shikayat bhi ho kuch arsey pehle tak in ki muaaljeen (Doctor) coffee k ziyada istemal se manaa karte the, lekin 4 lakh logon par ki gai aik research ke mutabiq caffeine ki mamool mein li gai miqdar in ki dil ki bemari par kisi tarha bhi asar andaaz hoti nahi paai gai bal ke American riyasat Aiwa mein 15 years ke arsey mein 27,000 khawateen (Women) par research ne sabit kiya hai ke wo aurten jo din mein 2 ya 3 cup coffee ke peeti hain, in mein dil ki sharyano ki bemari ka khatra dosri aurton (Women) se 24 % kam paya gaya hai.

3- Caffeine aap ke dauran e khoon mein izafa kar sakti hai, magar yeh izafa bohat mamoli aur waqti hota hai. Taqreeban 1lakh 55 hazar nurses par ki gai research ke bad yeh pata chala ke caffeine ke sath aur caffeine ke bagher coffee peene wali khawateen (Women) mein Hypertension ka tanasub taqreeban aik he tha, is ke bar aks Cola mashrobat mein maujood caffeine ki miqdar yaqinan aap ko hypertension ke khatrey se bohat ziyada do chaar kar sakti hain.

4- Kuch tajziyati tehqiqaat mein yeh baat samne aai hai ke caffeine wale mashrobaat ka ziyada istemal bones ki weakness aur fracture ke khatrat mein izafa kar sakta hai. Kyun ke caffeine bones mein se calcium ko absorb karti hai lekin is qisam ke cancer ki tadad bohat he mamoli hai.

Carrington University ke professor Doctor Robert Henry ke mutabiq Caffeine ke calcium par negative asraat ko aap apne mashroob mein doodh ki miqdar shamil karne se kam kar sakte hain. Doctor Robert ne coffee aur tea ke shauqeen hazraat ko apni khuraak mein calcium ki daily tajweez karda miqdar shamil karne ka mashwara diya hai. Is se caffeine ke calcium par negative asraat par qaboo paya ja sakta hai.

In tamam baton se qatan nazariya bhi aik haqeeqat hai ke caffeine ki taqreeban 200 mg miqdar daily aap ke mood kaam karne ke salahiyat aur zehni karkardegi ko khatir khuwa had tak barha deti hai. Khas taur par neend ki kami ke shikar afraad din ke auqat mein coffee pi kar istadadkaar barha sakte hain. Is ke ilawa aerobic exercises ke dauran yeh aap ke hausley ko barhati aur dard ke aehsaas ko kam karti hai. Jism mein caffeine ki maujodgi aap ke jism mein eindhan ke taur par carbohydrates ke bajae fats kojalane mein madadgaar sabit hui hai.

5-Caffeine ki tajwwez karda miqdar daily istemal karne se aap Parkinson bemari aur type 2 diabetes se bhi apna bachao kar sakte hain. Ghaliban coffee mein maujood anti oxidant diabetes ko control karne mein madad dete hain. Kaha jata hai ke koi chez achi ya buri nahi hoti. Bal ke yeh is ke istemal karne wale par munhasir hota hai, ke wo is ko kis tarha aur kitni miqdar mein istemal karta hai. Yeh haqeeqat coffee aur tea ke istemal par bhi lagoo ki ja sakti hai. Kyun k jaded tehqeeq ke mutabiq jahan is ke kuch muzir asraat paaey gae hain wahin par insane jism par is ke masbat asraat bhi samne aae hain. Har chez ki ziyadti yaqeenan dangerous hoti hai. Agar aap bhi coffee aur tea se behtar tariqey se lutf andooz hona chahte hain to is ke istemal mein ziyadti se parheyz karen aur is ke musbat asraat se bharpor faiyda utha kar apni zindagi ko pur lutf banaeye.

 

 

Beauty Tips

Teenage Makeup Tips

Hair on Face

Summer Skin Care

Doodh

Olive Oil Benefits

Homemade Mask

Eyebrows In Urdu

Aankhon Ki Hifazat

Waxin In Urdu

 

Copy Right 2012-2014 www.Meriduniya11.com