Meriduniya11 Header
Home> Tips  

 

 

 

 

Cancer Ka Desi Ilaj

Anti Cancer Agents In Urdu

Cure of Cancer

Cancer is a very dangerous and harmful disease. It has many different kinds. The famous company of Herbal medicines in China gave the advice for the cure of cancer patient. One magical juice cures against the cancer. Take one beetroot, one carrot and one apple. We can make the juice of these three fruits in juicer blender without peel off, and then drink thoroughly in one minute. We can mix the lemon juice also for the taste. This juice is very healthy for you. It is remedy for cancer patients. This juice is also useful for liver, kidney, ulcer problem, heart attack, high blood pressure, lungs diseases. It is useful for eyesight, constipation, digestion problem, throat infection and skin complexion etc. In this page, you can see the information and cure of Cancer diseases in urdu Beetroots Apple and Carrots Juice (Cancer Ka Desi Ilaj) In Hindi.

Cancer Infprmation Banner

Cancer Ka Desi Ilaj

Beetroot Apple And Carrot Juice

Is juice ko karishmati aur maujzati juice kaha ja raha hai aur yeh taweel arsey se zeyr e istemal hai. Yeh juice is qabil hai ke is barey mein sab ko bil khasoos cancer ke patients ko bataya jae. Aik famous personality Mister Steve hain jo is juice ki afadiyat ki qasam khate hain. Wo chahte hain ke sab ko is barey mein pata chalet a ke in logon ko faiyda ho jo cancer jaise mouzi marz mein mubtila hain. Yeh juice body mein nuqsan dey khuliyat ( cancer ke khuliyat ) ki tashkeel ko rokta hai aur agar aise khuliyat ban he jaey to in ki mazeed afzaiysh par qaboo pata hai.

Mister Steve ko lungs cancer tha. China ki herbal adwiyat ki aik famous company ki janib se inhe yeh mashroob istemal karne ka mashwara diya gaya. Inho ne 3 months tak is juice ko baqaiydgi se istemal kiya aura b in ki sehat khasi had tak behtar hai aur wo khasi had tak sehatmand zindagi guzaar rahe hain. Is juice ke barey mein aap ko batate chale key eh muzir asraat se paak hai.

Mazey ki baat yeh hai ke aap ko yeh mashroob khareedne ki zarorat nahi, bal ke aap ise khud tayyar kar sakte hain. Is juice ke liye aap ko 1adad beet root ( chuqandar ), 1 adad carrot ( gajar ), 1 adad apple ( seyb ). In teeno fruits ko mila kar aap is ka juice tayyar kar sakte hain. Sab se pehle in ko achi tarah se wash karen aur phir bina peel off kiye chote chote pieces mein cut kar len. Is ke bad juicer blender mein in ka juice nikaal len aur fori taur par pee len. Is ko zaiyqedaar banane ke liye is mein lemon juice bhi mila sakte hain. Yaad rakhen ke juicer se nikalne ke bad fori ise peena hai, 1 minute ki bhi dair na karen. Is juice se aap ko faiydey honge wo darj zeyl hain.

* Cancer ke khuliyat banne se rokega aur in ki afzaiysh bhi nahi hone dega.

* yeh jigger, gurdey aur lablab eke amraaz ki rok tham ke ilawa ulcer ke liye bhi shifa bakhsh hai.

* Lungs ko mazboot banaega aur heart attack aur high blood pressure ko bhi rokega.

* Madafati nizaam ko mazboot karega.

* yeh eyesight ke liye bhi mufeed hai aur aankhon ko khushk hone se bachata hai.

* Exercise ke bad hone wala dard aur phatton ka dard ko bhi khatam karne mein madad deta hai.

* Jism se fasid madda kharij karta hai, qabz khatam karta hai aur skin ko khobsurat aur chamakdaar banata hai.

* Keel, jhaiyyon ko khatam karne ke liye intehai mufeed hai.

* Digestion problem and throat infection se bachata hai.

* Yeh muzir asraat se paak hai aur ghizaeyat se bharpor hone ke sath sath fori taur par digest ho jata hai.

* Weight kam karne ke liye yeh teer behdaf hai.

* Sirf 2 week ke istemal ke baad app dekhenge ke aap ka madafati nizaam pehle se behter ho gaya hai.

Is juice se sehatyaab hone wale cancer ke sabiq patient Steve ne bataya ke jab ise pehli bar kisi ne ilaj ke barey mein bataya to ise yaqeen na aya. In ka khayal tha ke beshumar totkon aur tamak toiyon ki tarha yeh bhi mehaz aik muft mashwara ho ga. Wo shuru mein sust rawi ka shikaar rahe aur juice ke istemal se gurez karte rahe. Lekin aakhirkaar inho ne is juice ko aazmane ka faisla kiya. Mister Steve ke mutabiq jab inho ne ise istemal karna shuru kiya to pori baqaiydegi aur bharpor tareeqey se istemal kiya. In ka khayal tha ke zara si kotahi ya kami beshi sari mehnat akarat kar sakti hai. Juice ke istemal ke bad wo apni sehat mein numayan behtari dekhne lage. In ki tawanai bahaal hone lagi aur inhe bhook bhi lagne lagi. In ki thakan kam ho gai. Steve ne Doctors ko is juice ke barey mein bataya to in ke test dobara kiye gaey. Tests ke mutabiq Steve ke cancer ke khuliyat mein numayan had tak kami aa chuki thi. Mazeed tests se pata chala ke Cancer ke khuliyat ki afzaiysh raftaar bhi kam ho chuki hai. Mister Steve ke mutabiq wo is maujzey par dang reh gaey aur ab wo dosron ko bhi advice dete hain ke wo yeh juice istemal karen. Is juice ko ghar mein khud banaey. Is juice ko aazmatey hue yeh zaroor sochen ke agar is ka faiyda na ho to nuqsan bhi na hoga.

Anti Cancer Agents In Urdu

Agar hum cancer ko farogh dene wali ghizaeyn khaeyge to is ka matlab yeh hua ke hum cancer ka beej bou rahe hain. Rasoli ko barhne se rokne wali ghizaeyn anti cancer aur anti promoters kehlati hain. Maghrabi tarz e zindagi aur khurak, ziyada dangerous promoters ho sakte hain. Khayal hai ke 10 thousand cancer ke khuliyat mein se aik rasoli bana sakta hai. Asian afraad mein bhi yeh beej yani micro tumors maghrabi bashindon jitney he hote hain, lekin yeh khatra nahi bante. Science ke teacher ne surgeon Stephen Paget ke nazariye ki tasdeeq kar di hai ke cancer ke intehai jaraah khuliyat ko bhi agar saazgar environment se mehroom kar diya jae yani sozish peyda karne wale awamil kam kar diye jaey to cancer nahi phel sakta. Hum darasal khud bemariyon ko barhne ya phalne pholne ka saazgar mahaul farahum kar dete hain. Cancer na ho tab bhi is se bachao wali khuraak lena mufeed hai. La ilmi mein cancer na apnaeye, kya kha rahe hain is ka pata rakhen.

1- Refine Sugar is a Sweet poison, Do not Use It : Yeh white sugar natural hargiz nahi hai, aap brown sugar istemal karen. Yeh cancer rasoliyon ki afzaiysh karti hai. Sugar ke bohran ki wajah se is ka istemal kam karne ke khayal ko tibbi nuqta nazar se janchne ki koshish karen. Phir aap 2 spoon sugar wali tea peena tark kar denge.

2- Olives (Zaitoon): Yeh beshtar mulkon mein green tea kehlata hai. Agar hum Mediterranean khuraak khaeyn to in mein maujood degenerative bemariyon ke khatrat nihayat kam hote hain.

3- Soya : Khawateen (Women) mein natural taur par estrogen paai jati hai. Agar wo aoya ka istemal karen to breast cancer se bacha ja sakta hai. Magar jab aik dafaa cancer ho jaey to is miqdar faiyda nahi karti. Agar shuru mein he soya khaya jaey to chemicals ke zariye jism mein jane wale artificial estrogens ke khatarnaak asraat se bacha ja sakta hai. Khas taur se agar anti cancer ajzaa yani vegetables waghera khuraak mein shamil hon. Soya mein taqatwar fyto chemicals hote hain. Jo cancer ke khilaf mahaz banate hain, inhe soflavones kaha jata hai aur is mein aik aeham juzo fito estrogens niswani hormone estrogen se ba had mushaba hote hain. Breast cancer mein izafey ki aik wajah artificial hormones ki ziyadti ho sakti hai. Soya use us waqt mutawazin kar sakta hai. Jab kam umri he mein is ka istemal shuru kar diya jaey. Soya bean aur aoya bataur sabzi apne bachon ko bachpan he se khane ki targheeb dena zarori hai.

4- Green Tea (Subz Chai): Yeh duniya bhar mein pani ke bad sab se ziyada istemal hone wala mashroob hai. Riwayati tibbi ilaj ke sath sath yeh tea 2 se 3 cup yumia li jae to cancer rasoli ki nae ragein banne ka amal sust hote hote khatam bhi ho sakta hai. Yeh mutehrik tareen anti cancer agent juice hai. Is mein aise taqatwar molecules paey jate hai, jo cance rke khuliyon ko taqatwar nahi hone dete. Green tea he siyah tea mein tabdeel ki jati hai, lekin siyah banana ke chemically amal mein behtareen ajzaa waste ho jate hain. Yeh tea jism ko detoxify karti hai. Japan mein breast cancer mein jin ladies ko 3 cup green tea yumia di gai. In mein cancer ka khatra un ladies se 57 % kam ho gaya jo yumiya sirf aik cup tea peeti thin. Prostate cancer mein mardon mein bhi 50 % khatrat kam hote dekhe gaey.

5- Turmeric Powder (Haldi): hamare riwayati masalon mein yeh sirf handiyon ki rangat aur zaiyqe he ko behtar nahi banati bal ke sozish ke khilaf shandar fawaiyd deti hai. Is mein shamil aik juzo curcumin sab se aeham hai, jo bohat se iqsaam ke cancer ko rokta hai. Pakistan aur India mein is masaleh ka istemal ziyada hota hai. Yehi wajah hai ke hamare hann baaz iqsaam ka cancer kam hota hai. Halan ke barre sagher hindu paak mein mahauliytai aitebar se ziyada zehriley ajzaa ka samna karna parhta hai.

6- Onion And Garlic (Piyaz Aur Lehsun): China mein 16 thousand baras pehle in do sabziyon ko anti cancer agent tasleem kar liya gaya. Yeh meyde ke cancer ke khilaaf maussir khuraak hai. Yeh anti oxidants ghizaon mein shamil hain. In mein selenium, protein, vitamin C aur B6 cancer ke khuliyon ko banne se rokte hain.

7- Flour (Aanta): Bagher chana hua flour fiber ki mukammal dastiyabi ka wadaah pora karta hai. Maghrabu mulkon mein barhi aant, prostate, breast aur reham ke cancer ki aik wajah white flour ki bread ka ziyada istemal hai. Hamare han abhi chakki ke aatey ke istemal ki riwayaten maujood hain. Yeh intestine ke cancer ke liye sazgaar mahaul farahum nahi karta. Yeh kamil anaaj ke zamrey mein aata hai.

8- Pomegranate Juice (Anar Ka Ras): Is mein shamil estrogen ( niswani hormone ) cancer ki afzaiysh ko rokne ki salahiyat rakhti hain. Yeh bhi anti oxidant ke husool ka zariya hai.

9- Plum, Tomato, Cauliflower and Cabbage (Aalocha, Tamatar, Gobi aur Karam Kalla) : Yeh manaey takseed yani anti oxidants khuraak hain. Yeh tamam khuliyat ki hifazat karte hain aur phir medicines ke sath mil kar jism ko tawanai muhayya karte hain.

10- Melon, Papaya, Mango and Carrot (Kharbooza, Papita, Aam, Gajar): In tamam mein vitamin A, C aur E ke ilawa beta carotene kae bemariyon se tahaffuz deta hai. Yeh amraaz e qalb, falij aur cancer ke saddebaab karte hain.
11- Citrus Fruits (Lemoni Phal): kae Science ke sabot vitamin C ke anti cancer hone ki taiyd karte hain. Santara, Malta, Grape fruit, lemon, strawbeery, black berry, blue berry aur narangi in sab fruits mein yeh salahiyat hai ke cancer ke sabab banne wale free radicals se jism ko mehfooz rakhta hai.

12- Mushrooms : Daily 10 gram fresh mushrooms khane walon ko breast cancer ka khatra 64 % kam ho sakta hai. Yeh research China mein ki gai hai. Kyun ke is sabzi mein paey jane wale ajzaa millennium and magnesium ke chemical maddey cancer ki guthliyan nahi banne dete.

13- Milk Without Cream and Egg (Doodh, Bay Malaye aur Ande Kam): Ta ke Jism farbahi ki taraf maiyl na ho aur fats na banne paey. Doodh ko boil kar ke malaai alehda kar ke barhti hui umer ke bachon ko khila di jae to behter hai.

 

 

 

Copy Right 2012-2014 www.Meriduniya11.com