Header
Home> Tips  

 

 

 

 

Boils On Skin (Skin Infection)

Infection of skin hair follicles creates the boils on skin, mostly affect on fingers, nose and ear. It is very painful skin disease. Boils affect mostly teenagers male and female both on face, neck, hips and thighs. Sometimes it is very irritating. We can use onion and garlic, bitter gourd, milk cream, paan leaves, Luke tree leaves, black cumin seeds and turmeric powder for the better home treatment of boils. It causes of constipation problem. We should use fruits and vegetables juices. We can take anima once in a week with lukewarm water for steam. We need the fresh air, breath exercise for healthy body. In this page, you can read Boils Causes Symptoms Treatment, Boils on Skin Treatment , Boils In Urdu and Roman Hindi. Please first take advice to your Doctor then use any type of tips and treatment.

Boils On Skin In Urdu

Boils on Skin Treatment Image In Urdu

Skin ke hairs ke follicles mein infection se jild mein soojan aur peepdaar daney nikal aate hain. Jin maqamat per jild androni bafton ke bohat qareeb hoti hai. Wahan par daney aur phorhe bohat takleef dey hote hain. In maqamat mein nose, ear aur fingers shamil hain. Daney aur phoda phunsiyan amoman naukhezi ki umer mein larhkon aur larhkiyon ki jild par khusosan face, neck, hips aur thighs par nikalte hain.

Boils On Skin Causes and Symptoms

Ibteda mein jild par red color ke takleef dey ubhar namodar hote hain. Phir yeh barh jate hain aur barhe hone par darmiyan mein se phot parhte hain, jahan peep jamaa hoti hai. Patient ko shadid kharish aur kharash mehsoos hoti hai. Mehaz aik phorha ya bohat se daney aik he waqt mein mukhtalif hisson mein namodar ho sakte hain. Yeh bikhre hue guchche ki soorat mein bhi hote hain. Sozish aik he follicles tak mehdood ho sakti hai ya bohat se follicles is ki lapeyt mein aa sakte hain. Jab phorhey pak jate hain to un se peep phot nikalti hai. Kuch logon ko un ke sath bukhar bhi lahaq ho jata hai.

Phorho (Boils) ka sabab bunyadi taur par stuffy lococus nami jaraseem hote hain. Jo jild ke paseene wale ghudodon ya balon ke follicles mein dakhil ho jate hain. Chunache is bighar ka sabab bacteria bante hain. Tahum balon ke follicles mein bacteria ki nashonuma ke liye bohat se awamil environment tayyar karte hain. In mein se aeham tareen khoon mein zehriley maddey hain, jo ghalat ghizaon ke ilawa tez tarz e hayat ke natije mein payda hote hain. Phorhe amoman us waqt nikalte hain jab gher sehat mandana mahaul ghalob aa jata hai.

Boils On Skin Treatment In Urdu

Onion and Garlic

Phorhe (Boils) phunsiyon ke ilaj ke liye mukhtalif gharelo nuskhon mein onion aur garlic intehai maussir sabit ho chuke hain. Onion ya garlic ka pni nichore kar phore phunsiyon par lagane se jild (Skin) pak kar phat jate hain. In dono vegetables ke pani hum wazan miqdar mein le kar mutasira jild (Skin) par lagana mufeed nataiyj baraamad karta hai. Garlic ki 2 ya 3 tariyan khano ke dauran daily khana bhi ache nataiyj muhaiyya karta hai.

Bitter Gourd

Blood se bhare phoron ke liye bitter gourd bhi maussir gharelo dawa hai. Is sabzi ka fresh juice ka aik cup len. Is mein 1 tea spoon lemon juice milaeyn aur choti choti chuskiyon ke sath piyen. Daily subha khali pait is mashroob ko chand maah tak peena mustaqil taur par marz se chutkara dila deta hai.

Milk Cream

Phoron (Boils) ke ilaj ke liye milk cream bhi faiyda deti hai. 1 teaspoon milk spoon, half tea spoon vinegar aur chutki bhar safoof haldi zabardast qisam ka pluts banata hai. Yeh blood se bhare phoron ko pakane mein madad dene ke ilawa unhe septic bane bagher mandmal karta hai.

Paan ke Patte

Paan ke patte phoron (Boils) ke ilaj mein madad dete hain. Aik patte ko mamoli sa garam kiya jaey ta key eh naram ho jaey. Phir is par aik halki si teh castor oil ki laga den, ab us patte ko phoron par bicha kar bandhe. Chand ghanton ke bad utar kar naya patta lagaey, 2, 3 patte badalne se phore phat jaenge aur fasid mawad pori tarha kharij ho jaega.

Black Cumin Seeds

Black Cumin seeds bhi phore phunsiyon ki dawa hain. Black cumin seeds pani mein pees kar is ka marham bana kar phoro par lagane se mufeed nataiyj muyassar aate hain.

Neem Leaves

Phore (Boils) phunsiyon ke tadrak ke liye neem ke patte bhi maussir rehte hain. Inhe pluts joshande ya marham ki soorat mein istemal karte hain. Joshanda banane ke liye 15 gram neem ke patte, 500 ml pani mein us waqt tak boil karen, jab tak pani aik tehai na reh jaye. Joshanda peene se khoon saaf hota hai aur phore phunsiyan beth jate hain.

Prajmoda

yeh jild (Skin) ki sozish aur phoron ke ilaj mein prajmoda nehayat maussir sabit hoti hai. Ise boil pani mein itni dair bhigoe ke yeh naram aur lesdaar ho jaey, phi rise phoron ya sozish par neem garam halat mein kisi saaf linen ke kaprhe mein rakh kar bandh diya jaey.

Turmeric Powder

Phoron (Boils) par turmeric powder ka safoof lagane se andmaal ka amal tezho jata hai. Nae phoron ki soorat mein haldi ki khushk roots bhoon kar in ki raakh aik cup pani mein ghol den aur phir mutasira hisson par yeh pani lagaey. Yeh solution phoron ko pakne aur phatne mein madad deta hai.

Ghizaai Tarjihaat

Phoron (Boils) se nijaat ke liye jismani nizaam ki mukammal safai zarori hoti hai. Aaghaz mein patient ko 3, 4 din tak malt eke juice par mabni juice fast par rakhen. Fast ke dino mein malte ke juice aur pani aadha aadha mila kar pilaey ya phir 5, 7 din tak patient ko sirf juicy fruits par mushtamil ghizaey dein.

2, 3 dino ke juice fast ya fruits par mushtamil ghizaon ke baad patient ko mutawazin ghizaey apnani chahiye. Jis mein salim anaaj, kachi sabziyan aur fresh fruits hon. Kuch dino ke waqfey ke baad juice fast ya fruits par rehne ka amal phir dohrana zarori hota hai. Lekin is ka inehsar patient ki jismani halat aur marz ki kefiyat par hota hai.

Patient ko tea aur coffee se parhez rakhna chahiye. Nashastedaar aur meethi ghizaey khusosan cake, pastries, sweets,chocolates, white sugar aur white flour se gurez karna chahiye. Masalehdaar ghizaon,chatniyon aur achaar se bhi ijtenaab zarori hai.

Deegar Iqdamaat

ibtedai juice fast ya fruits ki ghizaon ke dino mein daily aik dafa neem garam pani ka anima zarori hai. Is se intestines ki safai mein madad milegi. Sozish zada hisson par garam pani ki pattiyon ka senk bhi senk bhi din mein 3, 4 martaba karna chahiye. Is se phore pak jate hain aur in ke phot kar beh jane mein madad milti hai. Epsom salt mile neem garam pani ka ghusal bhi patient ke liye week mein 2, 3 bar zarori hai. Jab tak phore maujood hain. Yeh amla jari rakhen. Jild (Skin) sehatmand ho jane ke baad 2 months tak week mein 1 baar zaror yeh ghusal karte hain.

Phoron (Boils) ke ilaj mein madadgaar deegar iqdamaat mein daily subha ke waqt dry massage aur phir thande pani se labrez sponge ka istemal shamil hai. Fresh air, saans ki exercise aur masbat jismani sargarmiyan jismani nizaam ko durust rakhne ke liye zarori hain. Kabhi bhi khud ko qabz mein na mubtila hone den. Is ko door karne ke liye tamam iqdamaat behretaur Karen.

 

 

Copy Right 2012-2015 www.Meriduniya11.com