Header
Home> Tips  

 

 

 

 

Benefits of Marriage Research

It is be found out by pervious medical researches that people who marry had less chances of heart disease and if they had cancer then they had more chances to survive, but now in new researches it is discover that marriage is good for bones of men. Man who get married after 25 years, they have much strong bone then those man that married before 25 years. In this article you can read about this benefits of marriage research (shadi ke Fayde ) in Urdu and Roman Hindi in detail.

Benefits of Marriage Research ( Shaadi Ke Faide)

Sabiqa tibi jaizon se ye malom ho chukka hai ke jo log shadi karte hain, un ki zindagi dil ki bemariyon se mehfoz rehti hai aur agar khuda na khuwasta cancer mein mubtala hon to zindagi bach jane ke imkanat hote hain. Ab aik naye tibi jayeze mein ye inkeshaf kiya gaya hai ke shadi, mard hazrat ki hadiyon ke leye bhi achi cheiz hai bashart ye ke wo 25 saal ki umar ke bad shadi Karen. Researches ne apni tehqiq mein daryaft kiya hai ke jin mardon ki shadiyan mustehkam aur taweel arson par muhit hoti hain, yani jihein talaq ya alehadi ka mazi mein samna nahi karna para tha, un ki hadiyan un mardon se ziyadah mazbot hoti hain, jin ki azdawaji zindagi ghair mustehkam hoti hai.

Is ke baraks jin ki shadiyanmustehkam bunyadon par istawar hoti hain un ki hadiyan ghair shadi shudah afrad ke muqable mein kai ziyadah mazbot hoti hain, tahum mardon ki shadi (marriage) ki umar bhi is mein aham kirdar ada karti hai. ye dekha gaya hai ki jin mardon ne 25 saal ki umar se phele shadi ki thi, un ki hadiyan 25 saal ke bad shadi karne walon ke muqable main kamzor thein. Ye tibi jaiza jo “Osto process international” mein shaya howa hai, is mein bataya gaya hai ke shadi shudah khawateen ki hadiyon par agarcha is qism ke asrat nahi dekhe gaye lekin sarsari jaizon se ye zaror malom howa hai ke jin khawateen ke shohar un ki mawnat karte hain ya un ko khush rakhte hain aur un ke kaamon ki tariff karte hain, un ki hadiyan kam khush nasib khawateen se ziyadah mazbot hoti hain. Researchers ne ye bhi dekha hai ke jin mardon ne 25 saal ki umar ko pohanchne se phele pheli shadi (marriage) ki thi, un ki reerh ki hadiyon ki mazboti numayan tor par kam thi aur 25 saal se jitna phele unhon ne shadi (marriage) ki thi, ussi munasbat se un ki hadi kamzor dekhi gai. Yani 24 saal ki umar mein shadi (marriage) karne wale mard ke muqable mein 23 saal ki umar mein shadi karne wale ki hadi ziyadah kamzor nikli. Is jayeze ki sharik musanifa aur professor of medicine Dr. Aaron Karla Mangla ne bataya ke mardon ki agar bohat phele shadi kar di jaye to is se un ko muqsan hota hai kyun ke khandan ki zimedariyan uthane ke silsile mein unhein zehani dabao ka samna ho sakta hai aur is ki wajah ye ho sakti hai ke jawan hote hi un ki shadi kar dene se un ki taleen adhori reh gai ho ya unhein kam tankhuwa wali mulazimat par guzarah karna par raha ho kyun ke wo matluba talimi qabiliyat hasil na kar saka. Is jayeze ki senior musanifa Dr. Karolin Crandall ne bataya ke ye pheli martaba howa hai ke azdawaji halat aur shadi shudah zindagi ke mayar se hadiyon ki sehat ka taluq jorne ki koshish ki gai hai aur sehatmand hadi par samaji iqtesadi awamil ke elawa samaji awamil bhi asar andaz hote hain, is bare mein bohat kam malomat logon ke pas hain.

Is se ye bhi pata chalta hai ke achi sehat ka inhesar sirf ache sehatmadana rawaye maslan sehat bakhas khurak khana aur cigarette na pena waghairah par nahi hota balke zidagi ke degar samaji pehlo maslan izdawaji zindagi ki sorat e hal aur azdawaji taluqat bhi sehat ki behtari mein kirdar ada karte hain. Researchers ne ye bhi kaha ke humari tehqiq se ye bhi pata chalta hai ke shadi ke tibi fawaid mardon aur auraton ke leye yaksan nahi hote. Mardon ka shadi na karna, khula yafta hona, widower ho jana ya biwi se alehdgi hona un ki hadiyon ko kamzor kar deta hai jab ke azdawaji zindagi agar khushgawar na guzre to khawateen ki hadiyan bhi kamzor ho sakti hain. Is tehqiq ke leye researchers ne United States ke “Mid Life” ke data istemal keye the jis ne 1995-96 mein 25 aur 75 saal ki darmiyani umar ke shurka ka taqarur kiya tha. Is study ke shurka ka 2004-05 mein dobarah interview kiya gaya tha. Researchers ne hadiyon ke thospan ko janchne ke leye scanners bhi istemal kiye aur un awamil ko makhlot rakha jo hadiyon ki sehat ko mutasir karte hain, jese mukhtalif dawaon ka istemal, chalne phirne, uthne bethne aur kaam karne ka andaz, nez khawateen mein sanyas ka marhala. Shadi aur sehatmand hadi mein taluq reerh ki hadiyon mein to dekha gaya lekin kolhe ki hadi mein ye asar nazar nahi aaya. Bohat mumkin hai ke hadiyon ki tartib is ki wajah ho.

 

 

 

 

Beauty Tips

Teenage Makeup Tips

Hair on Face

Summer Skin Care

Exercise Tips

Make up According To Season

Homemade Mask

Eyebrows In Urdu

Aankhon Ki Hifazat

Waxin In Urdu

 

Copy Right 2012-2014 www.Meriduniya11.com