Meriduniya11 Header
Fruits Vegetables

 

 

 

 

Coconut (Nariyal)

Coconut (Nariyal) is also known as the Tree of Life. It is use as a medicines for Asthma, Chest, problem, flu, cough, fever, scurvy, burn injuries, skin diseases, menstrual problem, throat soiling, toothache, tumor, hepatitis, typhoid, ulcer, weakness etc. 100 Gram Coconut has 0.066 mg vitamin B, Thiamin (B 1 ), 0.02 mg Riboflavin ( B 2 ), 0.54 mg Niacin ( B 3 ), 3.3 mg vitamin C, 2.43 mg iron, 14 mg calcium, 113 mg phosphorus, 34.7 mg fats, 15.23 gram carbohydrates, 3.4 gram protein, 9.0 gram fiber, 29.70 gram cholesterol, 32 mg magnesium, 356 mg potassium and 1.1 mg zinc. It is a best anti oxidant. In this page, you can see benefits of Coconut , Coconut Oil In Urdu (Nariyal Ke Faide, Coconut Oil Ke Fayde) In Hindi.

Benefits Of Coconut In Urdu

(Nariyal Ke Faide)

Coconuts Benefits Image In Urdu

Dduniya ke beshtar countries Nariyal (Coconut) ki ghizaai faide se mustafeed ho rahe hain. Nariya ka gooda, juice, milk, oil aur chaal bhi istemal mein layi jati hai. Island wale mumalik mein jahan nariyal (coconut) ke trees kaseer tadad mein paaye jate hain, wahan buniyadi ghizaai zaroriyat nariyal (coconut) he se pori ki jati hain. Aik mohtaat andazey ke mutabiq duniya ki mukammal abaadi ka aik tehaai hissa apni ghizaai aur muaashi zaroriyat ke liye nariyal (coconut) ki kasht par inhesar karta hai.

Nariyal (Coconut) mein fiber, vitamins aur minerals maujood hain, ise kaseer ul maqasid fruit bhi kaha jata hai. Kyun ke nariyal ke faide latadad hain. Barre sagher pak o hind aur kuch Asian Countries mein coconut oil khana pakane ke liye he nahi bal ke mutadid bemariyon ke ilaj mein bhi istemal kiya jata hai.

Behr ul kahil ke island mein rehne wale qadeem bashindey ise The Tree of Life kehte hain, kyun ke is ki tibbi afadiyat tareekh daano ne bhi tasleem ki hai. Riwayati adwiyat sazi mein nariyal (coconut) damey, ganjpan, seene ki jakrha, cough, jale hue zakhmon, bukhar, nazla, scurvy, skin diseases, mahana nizam ki beqaiydgi, halaq ki sozish, soilin, danton ke dard, tumor, hepatitis, kidney ki pathri, typhoid, ulcer, kamzori aur zakhmon ke andmaal ke liye bataur medicine istemal kiya jata hai.

Jadeed adwiya sazi mein yeh nazariya mustehkim ho chukka hai ke nariyal (coconut) apne tree se le kar chaal tak mufeed hai. Is ke mukhtalif hisse mukhtalif bemariyon ke ilaaj ke liye akseer hain. Mundarja bala bemariyon ke ilawa jadeed science ise zeyl mein di gai bemariyon ke liye bho faiydemand manti hai.

1-Nariyal (Coconut) un viruses ka khatma karta hai jo influenza, Measles, chicken pox, hepatitis C, aids aur deegar bemariyon ka sabab bante hain.

2-Nariyal (Coconut) un bacteria ka khatma karta hai jo ulcer, throat infections, urine intestine infection, gums diseases, pneumonia, ganwarya ka sabab bante hain.

3- Coconut Skin diseases ke ilaj ke liye istemal hota hai maslan fungus aur yeast ke infections mein mufeed rehta hai.

4-Joron ke dard ka mukammal khatma karta hai.


Benefits of Coconut Oil In Urdu (Coconut Oil Ke Fayde):

1- Coconut Oil fori taqat hasil karne ka aeham zariya hai.

2- Jismani fa’aliyat barhata hai.

3-khuraak mein maujood vitamins, minerals aur amino acids ko absorb aur digest karne ki aehliyat mein izafa karta hai.

4- Nariyal Ka Tail (Coconut Oil) Blood mein sugar ki miqdar barhne nahi deta.

5- Pancreas aur jism ke enzymes system ki fa’aliyat barhne lagti hai.

6- Ghiza ke namunasib injazab aur science se mutalliq amraaz ke imkanaat kam hote hain.

7- Nariyal ka tel (Coconut Oil ) Body mein calcium aur magnesium absorb karne ki aehliyat barhti hai.

8- Nariyal ka tail (Coconut Oil) se Bones aur teeth mazboot hote hain.

9- Osteoporoses se mehfooz rakhta hai.

10-Pitte ki bemariyon ki rok tham karta hai.

11-Ulcer banane wale acidic maddon ka khatma karta hai aur nizam e hazam aur intestines ke cancer se bachata hai.

12- Paththon ki lachak bahaal karta hai.

13- Sehatmand dil ke liye cholesterol ke tanasub ko mamool par lata hai.

14- Behtareen anti oxidant hai.

15-Umar ke asraat se skin ki hifazat karta hai.

16-Ghiza ke aeham juzo jazb karne ki aehliyat mein izafey ke sath essential fatty acids ko bhi jism ke liye kargar banata hai.

17-Kidneys aur masano ki bemariyon mein is ke istemal se afaqa hota hai. Kidney ki pathri ghul jati hai.

18-Thyroids ke nizam ko sahara deta hai.

19-Jism ke metabolism ko fa’aal kar ke weight ko qaboo mein rakhta hai.

20-Sardiyon mein jild ka massage karne se khushki aur jhurriyon se nijaat milti hai.

21- Skin ka qudrati chemiyai tawazun barqarar rakhta hai.

22-Balon mein baqaiyda massage karne se khushki, baal jharne band ho jate hain.

23- Nariyal ka tail (Coconut oil) khalis ghizaai murakkab hai yeh nuqsan dey sirf us sorat mein hai, jab aap motapey ka shikaar ho ya cholesterol ki ziyadti ho chuki ho.

24- Daily 2 tea spoon coconut oil ghiza ka hissa banane se vitamin E ki darkar miqdar pori ki ja sakti hai.

Advantages of Coconut :

Yeh muntaqa hara par paya jane wala fruit hai. Is mein protein ka zakheera hai. Bazari ghizaon ke istemal se intestines mein maujood tufeli bacteria ke mukammal khatmey ke liye coconut ka gooda be had mufeed hai. Is ka pani kidney aur urine ki naali ke infection mein akseer hai.

Coconut Water (Nayal Ka Pani) :

* Kam Carbohydrates.

* 99 % fats se paak.

* Nariyal ka pani (Coconut water) organic sehatbakhsh ajzaa se bharpor qudrati khalis tareen mashroob bepanah fawaiyd ka hamil hai.

* Jism ka temperature ko qaboo mein rakhta aur mausami shiddat se bachata hai.

* Dehydration ki shikayat mein is ke chand ghont jism mein apni ki satah bahaal karte hain.

* Khuliyat ko ghizaeyat aur oxygen farahum karta hai.

* Metabolism fa’aal karta hai.

* Weight ghatata hai.

* Immune system behtar karta hai.

* Jism se zehriley maddon aur virus ka ikhraj karta hai.

* Diabetes ke patients ke liye behtareen mashroob hai.

* Jism ka PH level mutawazin kar ke cancer ke khuliyat ki nashonuma rokta hai.

* Milk ke muqabley mein naryal ka pani (coconut water) ki ghizaeyat bharpor hai kyun ke is mein fats aur cholesterol nahi hota.

* Kam hararon ki wajah se Narangi ki juice se bhi ziyada mufeed hai.

* Bachon ke liye tayyar kiye gaey formula milk se kae guna ghizaeyat bakhsh hai. Kyun ke is mein Lauric acid maujood hai jo Maa ke milk mein bhi paya jata hai.

* Nariyal ka pani (Coconut water) qudrat ka bharpor ghizaai program hai jo jism ko darkar sgar, salt aur vitamins ki fori rasd karta hai. Artificial energy drinks ke muqabley mein 294 mg potassium coconut water mein maujood hai.

*Sports drinks jin mein 41 mg aur energy drinks mein 200 mg sodium shamil kiya jata hai. Nariyal ka pani (Coconut water) mein natural taur par sirf 25 mg sodium maujood hai.

* Energy aur sports drinks mein artificial sugar 10 C 25 mg jab ke coconut water mein natural sugar ka tanasub 5 mg hota hai.

* Nariyal ka pani (Coconut water) mein 118 mg chloride hoti hai aur sports drinks mein 39 mg se ziyada shamil nahi ki jati.

 

 

 

 

Copy Right 2012-2013 www.Meriduniya11.com