Header
Home> Tips  

 

 

 

 

Anaemia (Khoon Ki Kami)

Anaemia is the disease of lack of blood. It is also known as the lack of hemoglobin. In simple language, it is called the lack of red cells. Anaemia is a common disease in human diseases. The half quantity of the blood of arteries and veins is consisting on red cellular’s, who takes oxygen. Blood cellular’s needs iron, protein, vitamins, mostly folic acid and vitamin B 12 for the incorporation. The age of one cellular is almost 120 days. A healthy person should have 15-gram hemoglobin in blood. 1 ml of blood has almost five lac red cellulars. We can use Vitamin B 12, beetroot, fenugreek, lettuce, spinach, soya bean, almond, sesame, and honey for the best treatment of Anaemia. Please first take advice to your Doctor then apply any type of cure or tips. In this page, you can see the information about Anaemia home treatment, (gharelu Ilaj) Khoon ki kami ka ilaj In Urdu and Roman Hindi.

Desitreatments banner

Blood Ki Kami (Khoon Ki Kami)

Khoon ki kami ka ilaj

Khoon (Blood) ki kami se murad Khoon (blood) mein haemoglobin ki kami hai. Ise simple language mein surkh zarrat ki kami kaha jata hai. Khoon (Blood) mein red cellulars ya zarrat ki aik makhsoos miqdar maujood rahe to ise sehatmand kefiyat kehte hain. Insani amraaz mein Khoon (blood) ki kami aik aam marz hai.

Hamari arteries aur veins mein daurne wale Khoon (blood) ki half miqdar ( kam o besh ) surkh khuliyon par mushtamil hoti hai jo oxygen liye hue hote hain. Daily almost 100 million new Khoon (blood) cells bones ke goodey bante hain. In ki tashkeel ke liye khaam maal ke taur par iron, protein, vitamins, khusosan folic acid aur vitamin B 12 ki zarorat hoti hai. In zarori ajzaa mein iron aur protein red cells yani haemoglobin ki tayyari mein nagurez hain. Aik red cells ki umar taqriban 120 din hoti hai. Is ke kahtmey par new cell is ki jagah le leta hai. Aik sehatmand fard ke 100 ml Khoon (blood) mein 15 gm haemoglobin hone chahiye. Counting ke aitebar se aik ml blood mein almost 5 lah red cells hote hain.

Causes and Symptoms:

Anaemia ke patient ko weakness, thakawat, tawanaai ke fuqdaan aur sir chakrane ki shikayaat la haq hoti hain. Deegar symptoms mein is ka utra hua face, qabal az waqt jhurriyan bujhi bujhi aur thaki thaki hui aankhen, kamzor yad’dasht, jald saans charh jana, sir dard, zakhmon ka dair se mandmal hona aur tez dharkan hai. Skin zard nazar aati hain.

Anaemia ke bunyadi asbaab mein haddiyon ke goodey mein nuqs paida ho jana ya khoon ki kami, vitamins aur protein par mushtamil ghizaon ki kami hai. Baz auqat blood kisi wajah se ziyada miqdar mein waste ho jata hai. In wajohaat mein khoon (blood) piles, kasrat heyz ya zakham waghera numayan hain. Meyde mein hydrochloric acid ki kami peyda ho jaye to bhi Anaemia lahaq ho jata hai. Kyun ke yeh acid iron aur protein ke inehzaam ke liye zarori hota hai. Intestines mein insects ki maujodgi bhi aik sabab hoti hai kyun ke yeh Khoon (blood) aur vitamins par palte hain.

Anaemia Home Treatment (Gharelu Ilaj)

(Khoon Ki Kami Ka Ilaj)

Vitamin B 12:

Anaemia se mehfooz rehne ke liye vitamin B 12 ki zarorat hoti hai. Yeh vitamin aam taur par heywani gosht khusosan kaleji aur kidneys mein paai kati hai. Protein ki dosri soortein bhi vitamin B 12 muhayya karti hain. Jin mein milk aur milk ki masnoaat shamil hain.

Beetroot:

Anaemia ke ilaj mein beetroot bohat mufeed rehte hain. Beetroot ke juice mein potassium, phosphorus, calcium, sulphur, iodine, iron, copper, carbohydrates, protein, chiknaai, vitamin B 1, 2, 6, niacin aur vitamin B paey jate hain. Chun ke is mein iron ki miqdar ziyada hoti hai, is liye beetroot red cells banane mein madad deta hai. Beetroot ka juice jism ki quwwat madafat barhata hai aur bachon aur naujawano ko la haq hone wale Anaemia ka sabit shuda ilaj hai. Bachon aur naujawano main Khoon (blood) banane wale deegar aamil bhi baaz auqat nakaam ho jate hain.

Fenugreek:

Fenugreek ke patte Khoon (blood) banane mein khob madad dete hain. Naukhez ladkiyon ko Khoon (blood) ki kami se mehsoos rehne ke liye meythi ke patton ka salan zaror istemal karna chahiye. Kyun ke baloghat ki aamad ke sath kasrat heyz unhe Anaemia ka shikar kar deti hai. Meythi ke seeds bhi iron ka ansar rakhte hain, is liye inhe bhi Khoon (blood) ki kami ke tadarik ke liye istemal karte hain.

Lettuce:

Blood ki kami ke marz mein lettuce bhi bahali ke liye madad dete hain. Kyun ke in mein iron ki miqdar kafi hoti hai. Chunache inhe Anaemia ke liye maussir tonic ke taur par istemal kiya ja sakta hai. In mein maujood iron aasani se juzoo badan ho jata hai.

Spinach:

Leaves par mushtamil yeh sabzi aala darjey ka iron farahum karne mein la jawab hai. Hazam hone ke bad yeh red cells aur haemoglobin ki tashkeel mein madad deti hai. Yehi wajah hai ke yeh khoon ki tameer ke liye mufeed aur blood ki kami mein maussir ilaaj ke ilawa is marz se tahaffuz ke liye karaamad hai.

Soya Bean:

Iron ka ansar rakhne mein soya bean ka shumar behtareen ghizaai zaraey main hota hai. Chunke blood ki kami ke shikar patient digest ki weakness main bhi mubtila hote hain. Is liye inhe soya bean halki soorat main khilaya jana chahiye. Bil khasoos soya bean ka milk nikaal kar dena chahiye, kyun ke yeh aasani se digest ho jata hai.

Almond:

Almond ke 100 gram mein copper 1.15 mg tak hota hai. Copper, iron aur vitamins ke sath mil kar haemoglobin ban jata hai. Is liye Anaemia ke ilaaj mein almond ka istemal muaalijeen ka khasosi mashwara hota hai. 2 hours tak 7 almond pani mein bhigoey rakhne ke bad us ke chilke utar kar khoob achi tarha pees liya jae. Yeh simple maajoon daily subha 3 month tak khana mufeed hai.

Sesame:

Black sesame iron ka wafer zariya hain. Inhe Anaemia ka marz door karne ke liye bhi istemal kiya jata hai. 1 tea spoon sesame neem garam pani mein 2 hours tak bhigoey rakhen, phir inhe pees kar chaan len aur aik cup milk mein sugar mila kar istemal karen. Yeh khoon ki kami ke patients ke liye bohat mufeed hai.
Honey : Juzo badan ban kar haemoglobin banane mein honey qabil e zikar kirdar adaa karta hai. Is afadiyat ka sabab honey mein paaey jane wale iron, copper aur manganese jaise anasir hain.

Deegar Ghizayein:

Mazkora fruits aur vegetables ke ilawa kae aur aesi ghizaeyn hain jin mein iron paya jata hai. Chunache yeh Anaemia ke maussir ilaaj sabit hoti hain. In ghizaon mein ziyada aeham Banana, black pepper, aalo Bukhara, Strawberry, Raisins, Onion, Karhi leaves, aur tomato shamil hain.

Ghizai Tarjihaat:

Anaemia aur khoon (blood) ki kami ke ilaj mein ghiza ko san se ziyada aehmiyat hasil hai. Saaf shuda khano mein safed roti, meyda polish kiye hue rice, sugar waghera badan ko zarori iron se mehroom kar dete hain. Iron ko tarjeeh taur par is ki qudrati namiyati shakal mein ghizaon ke zariye lena chahiye. Ghizaon mein ziyada zoor kachi vegetables aur fresh fruits par dena chahiye kyun kein mein iron khob hota hai.

Patient ko ilaj ke taur par ibteda mein 5 days tak din ke teeno khano ki jagah fresh fruits ke juice peena chahiye. Teeno waqt sirf fruits ka juice piya jaey, phir is ke bad agle 15 days tak fruits aur milk par mushtamil ghizaeyn len. Bad azaa batadreej mutawazin ghizaeyn apnaai jaey jo seeds, phalliyon, anaaj, vegetables aur fruits par mushtamil ho.

Deegar Iqdamat:

Anaemia mein thande pani ke ghusal ka mashwara diya jata hai. Patient ko ibteda mein aehtiyat ke sath din mein 2 dafa thnda ghusal karna chahiye aur phir pani ki thandak barhate chale jana chahiye. Is dauran haftey mein 5 se 10 minute hot Epsom bath aur kabhi kabhar steam bath bhi lena mufeed hai. Dhoop ka ghusal bhi mufeed rehta hai. Kyun ked hoop surkh khuliyon ki peydawar ko tehreek deti hai. Deegar aeham awamil jo Anaemia ke ilaj mein madadgaar sabit hote hain. In mein gehre saans lena aur peydal chalne jaisi exercises hain. Yoga ke sath sath massage bhi mufeed rehta hai.

 

 

 

 

Acne Ka Ilaj

Teenage Makeup Tips

Hair on Face

Summer Skin Care

Exercise Tips

Make up According To Season

Homemade Mask

Eyebrows In Urdu

Aankhon Ki Hifazat

Waxin In Urdu

 

Copy Right 2012-2014 www.Meriduniya11.com