Meriduniya11 Header
Home> Tips  

 

 

 

 

Almond Beauty Benefits

Almond is a dry fruit and everyone likes the almond to eat. Almond is a very famous dry fruit of Subcontinent. This dry fruit has been using in many different and queer works at the time of ancient time. The main thing about the almond, the almond powder is unflinching as cement. In addition, Almond is known as the King of all dry fruits. Almond has distinctive status in all dry fruits. It performs an important role for the growth of the human body. Almond is a concentrative food. Almond has water, fats, fiber, calcium, phosphorus, iron, sodium, potassium, vitamin B 1 and B 2 and nicotine acid. We can use almond for the rough and dry skin, glowing and charming of the face, eyes, teeth and gums, hepatitis, lisping, hairs and brain. In this page, you can see the information about Almond Beauty Benefits In Urdu (Badam Beauty Benefits) In Roman Hindi.

Desitreatments Banner

Badam Beauty Benefits (Almond Beauty Benefits)

Almond (Badam) aik maiwa hai or sab he log ise bohat maze le le kar khate hain. Badaam barr e sagher ka mashoor maiwa hai. Pakistan dry aur juicy fruits ki paidawar mien aik khas imtiaz rakhta hai. Dry fruits ko Urdu mien maiwajaatbhi kehte hain. Almond ghiza ka nihayat aeham juzo hai aur khushk phalon mien bhi badaam ko imtiazi hesiyat hasil hai. Badaam aise hayat bakhsh ajzaa e bhara hua hai jo jismani saakht ki tameer aur darazi umer ke kafeel hue hain aur daily routine ki ghiza mien aik buland maqam ke haqdar hain.

Ghizai aitebar se badaam mien 20 % se ziyada maqad lamha protein hota hai, jo khoon ki paidaish aur jism ki tameer mien aeham hissa leta hai. Almond mien protein ki miqdar meat and fish se ziyada hoti hai. Is mien 53 % se ziyada zod hazam qisam ka roghan hota hai aur 4 % nashasta aur qaleel miqdar mien natural sugar bhi hoti hai.

Jism ke fa’aal ko durust rakhne wale aur sehat ke muhafiz ajzaa bhi badaam mien nihayat wafer miqdar mien paae jate hain. Is mien cow meat se 10 guna Vitamin B 6 Thiamin aur eggs se double miqdar mien vitamin B 2 Riboflavin aur salim gandum ke barabar Niacin hoti hai. Is ke andar khafeef miqdar mien vitamin J aur vitamin H bhi paai jati hain.

Minerals ke hisaab se is mien doodh se double miqdar mien calcium hota hai. Jo bachon auir 9 umer ki haddiyon aur daanton ke istehkam aur nashonuma ke liye lazmi hai. Nez hamla aurton ke hifz e sehat aur baleedgi ke liye nagurez aur jawano aur bhorhon ke qalb ko tawana rakhne ke liye nihayat zarori hai. Is calcium mien cheese ke barabar phosphorus bhi hota hai aur iron ki miqdar coe meat se bhi ziyada hoti hai.

Almond aik murtakiz ghiza hai. Ise miqdar mien istemal karna, na to mali aitebar se munasib hai aur na hazma ke aiteba se durust hai. Almond ke maghaz par jo patla surkhi maiyl chilka hota hai wo hazam nahi hota. Is liye is ko utar dena chahiye. Yeh chilka badaam ko thori dair pani mien bhigo kar utara ja sakta hai.

Almond sirf ghiza ke he taur par istemal nahi kia ja sakta, bal ke yeh aik behtareen dawa bhi hai. Tib mashraqi mien badaam ko dimagh ki taqwiyat ke liye aik besh baha chez samjha jata hai. Garmiyon mienise pees kar thandai ke taur par aur jarhon mien harerey ke taur par istemal kiya jata hai. Gale ki khushki mien is ko chew karna, galey ko saaf karta hai. Milk ki kam yabi ki soorat mien almond milk ka behtareen badal hai. Bal ke doodh se bhi acha hai.

Badaam ki aik qisam karhwi bhi hota hai. Is mien talkhi Prussic acid ki shamoliyat se paida hoti hai. Talkh badaam ko agar ziyada miqdar mien khaya jae to zehrila asar paida ho sakta hai. Jism ko taqat dene ke liye aur zehan ki nashonuma ke liye maghaz badaam ko hasb e zail tareeq par istemal karna chahiye. Maghaz badaam sheren 12 ya 15 daney, ksihmish sabz 2 toley, raat ko pani mien uar agar ziyada munasib samjhe to Arq e Gulab mien bhigo den. Subha pani ya arq e gulab phenk den aur badaam o kishmish ko nosh jaan kar den aur dil chahe to doodh bhi pi len.

Almond zamana e qadeem emin kin kin ajeeb kamon mien istemal kia jata raha hai. Haqiqat yeh hai ke badam pise hue safoof mien cement ki si pukhtagi hai aur is mien yeh khasiyat hai kw wo kabhi kharab nahi hota aur waqt guzarne ke sath sath is ki pukhtagi aur quwwat mien izafa hota jata hai. Baaz qadeem misri aur yunani saheefon mien is maiwey ko nihayat muqaddas darja diya gaya hai aur is ka istemal sirf badshahon aur un ke amraa ke liye mehdood kar diya gaya tha. Awaam is ke zaiqe se qatan mehroom thi.

Shahi darbaron mien bhi almond ki azmat ka sikka chalta raha hai. Khalifa Mutasim Billah ne Spain ke Esaai hukmaran ko tohfay ke taur par aik chess board bheja jo badaam ki giryon se banaya gaya tha. Shehansha Akber parha likha hua to na tha, lekin business hukomat mien is ka zehan khob chalta tha. Is ki wajah khud Akber ne yeh batai ke wo musalsal badaam istemal karta raha hai. Barr e sagher ke azeem mufakkir Janab Shah Waliullah Rehmatullahe ke mutalliq mashoor hai ke wo daily almond ke 21 daney subha ke waqt istemal kia karte the.

Musalman to almond ko sweets aur halwon ke ilawa gosht ki baaz iqsaam mien bhi istemal karte hain. Lekin Hindus ke han badaam ko aik khas mutabarrikh hesiyat hasil hai. In ka aqeeda hai ke in ke jitney bhi autaar hue hain, un sab ki ghiza ka aika eham tareen juzo badaam the. Is liye Hindus ke charhawe mien badaam iltezaam se maujood hote hain.

Badami aankhen hamre shoraa ka mehboob mauzoo rahi hai. Qadmaa mien se kisi ka shair hai…
“ Qabar mien bhi humen to chain nahi lene deti,,,
Barhe fitne jagae hain teri badami aankhon ne… ”
Almond Plum aur Apricot se zara garam areas mien kaasht kiya jata hai. Is ke paudey phool sab se pehle yani March mien aate hain. Us waqt badaam ka darakht barha he haseen maloom hota hai, is ke paudey ko sardi ke asraat se mehfooz rakhna parhta hai. Warna phool murjha jate hain. Badaam ko aam taur par badaam he mien paiwand kiya jata hai. Lekin zameen ki mauzoniat ke mutabiq plum aur peach se bhi paiwand lagaya jata hai. Yeh junoob e maghrabi Asia mien kasrat se paida hota hai. Is waqt ise sab se ziyada baraamad karne wale Mulk mien Italy, Spain, America, Iran, Portugal, aur Morocco hain.

Pakistan mien bhi badaam hota hai, lekin itna nahi ke mulk ki maang pori ho sake. Is liye bahar se bhi daraamad kiya jata hai.

Kinds of Almond:

Agarcha badaam ki bohat si qismein hain, magar aam taur par yeh 2 he ziyada famous hain. Badam e Sheren aur Badam e Talkh, yani meetha badam aur karhwa badam.

Badam Sheren : Urdu mien meetha badaam ki, Persian mien badam e sheren, Arabian mien lozahalo, Punjabi mien miththa badam, Sanskrit mien Dataar.

Badam Sheren ki Mahiyat : Badam ke darakht ki lambai kuch ziyada nahi hoti. Is ka darakht 8 ft lamba hota hai. Darakht ki chaal surkhi maiyol hoti hai, patte lambe lambe dandi se jurhe peach ke patton ki tarah darmiyan se chaurhe aura age peeche se patle hote hain. Phool white hote hain. Yeh phool tehniyon par aik aik aur do do ke hisab se lagte hain.

Badaam ke phal ki 2 qismein hain. Kaghazi aur katha ya kaththa. Kaghazi ya bastani badaam takham rezi ke teesre, chauhte saal bad le aata hai aur barson tak samarbar rehta hai. Is ka sabs e oper ka chilka makhmali ya rooidar hota hai. Jo badamon ki bahmi raghar se jhar jata hai. Is ke niche aik aur chilka hota hai. Chilka patla aur mota 2 qisam ka hota hai. Patle chilke wale badaan ko kaghazi kehte hai aur mote jhilke wale badaam ko Katha kehte hain. Badaam sheren pehle darje mien garam aur pehle darje mien tar hota hai.

Badam Talkh : Urdu mien karhwa badaam, Persian mien badam talkh, Sanskrit mien katto dataar, Arabian mien lozalmar, Punjabi mien korha badaam, English mien bitter almond. Is ka darakht bhi sheeren badaam ki tarah hota hai. Magar is ka darakht aur patte is se chote hote hain.

Roghan Badam : Hamesha apna tayyar kiya hua rogham badam istemal karna chahiye. Ya kisi mutabbir dawa khane se liya jaey. Jis par aap ko pora aitebar ho. Warna aaj kal bazaar mien mamoli oils (tail) mien mehaz badaam ki bou ko paida kar ke farokht kia ja raha hai. Delhi ke rogham badam tayyar karne wale roghan sazon ne apne fun mien yahan tak kamala paida kia hua tha, k jab koi shakhs in se oil (tail) khinchane aata hai. To wo maghaz badaam se nisf oil (tail) baraamad kar ke dete the. Halan ke oil (tail) teesre hissa andaaz mien nikalta hai. Tajjub to yeh hai ke is daghabazi se maghrabi mumalik ke log bhi mehfooz nahi hai.

Almond Beauty Tips

Sharbat Badam : Yehi haal sharbat badam ka hai. Is mien bhi na badam shmil kiye jate hain aur na he badamon ka koi juzo, mehaz doodh, khashkhash ya kisi dosri cheez se artificial whiteness paida kar ke sharbat badaam tayyar kar liya jata hai. Gharz yeh ke dhoka ki khob garam bazari hai.

Is naimat se bharpor faida uthane ke liye zarori hai ke is ko mausam ki munasbat se sahi tariqe se istemal kiya jaey, ta ke sahi tarah hazam aur jazb ho kar juzo badan ban sake. Atbaa karam ne badaam ko androni aur beyroni taur par kae tariqon se istemal karwaya hai, jis ki tafseel darj zail hai.

Rough and Dry Skin : Jild ki kharabi khas taur par hathon ki jold ka yeh masla khas taur par un khuwateen ko darpesh hai, jin ko kitchen mien ziyada kaam karna parhta hai. Khas taur par sardiyon mien yeh ziyada dekhne mien aata hai. Jild ki hifazat ke liye badaam se mutalliqa aam taur par, 1 spoon badam roghan, 1 spoon honey, aur 1 spoon egg yolk, achi tarah mila kar raat ko sone se pehle hathon par lagaey aur ziyada behtar nataiyj ke liye oper se sooti gloves pehne ja sakte hain. Subha uth kar neem garam pani mien 1 spoon vinegar mila kar wash kar len. Dosra tariqa yeh hai ke 1 spoon milk ki balaai, 1 spoon roghan e badaam, 1 spoon lemon juice achi tarah mix kar len or is mien half half spoon glycerin aur arq e gulaab mila kar raat ko jild aur hathon par lagaey. Subha neem garam pani se wash kar len.

Beauty of Face : Face par marks, rangat, jhurriyan aur dhoop ki shoaan se jild ka jal jana aam masaiyl hain. Khas taur par in khuwateen ke liye jin ki jild hassas ho. Pehla tariqa yeh hai k, 1 spoon roghan e badam, 1 spoon fresh lemon juice aur 1 spoon cucumber ka juice ko mila kar lehsun daal akr lae banal en aur half an hour tak face par laga rehne den aur is ke bad neem garam pani se wash kar len. Dosra tariqa yeh hai ke, 1 spoon roghan e badam, 1 spoon egg yolk ko mila kar make up karne se pehle 1 hour tak face par laga rehne den aur bad mien arq e gulab se wash kar len. Teesra tariqa yeh hai ke, 20 almond raat ko pani mien bhigo kar rakh den, subha uth kar in ka chilka utar kar white maghaz ko pani mien pees kar lae bana len, is mien 1 spoon honey mila kar hands, neck aur face par laagey aur 1 hour bad nahae.

Eyes and Almond : Nazar ki kamzori aur aankhon ki gird sayah halqon ke liye atbaa karam badaam ko istemal karwatehain. Aankhon ke gird sayah halqon ke liye roghan badam, fresh lemon juice aur cucumber ka juice barabar miqdar mien mila kar aankhon ke gird lagane se siyahi door ho jati hai. Jab ke nazar ki kamzori ke liye taqriban 7 adad maghaz badaam aur 3 adad kali mirch le kar pees len. Thori si sugar mila kar khae, yeh tariqa nazar ki tezi ke liye kafi aazmoda hai.

Teeth, Gums and Almond : Cigarette, paan, sweets, thandi chez ke forum bad garam aur garam ke bad thandi chezon ke istemal aur sahi taur par danton ki safai na karne ki wajah se danton aur gums ki bemariyan janam leti hain. Is ke liye Chilka badaam 1 kg, white sandal 2 gram. Phitkari baryan 5 gram, khurdni namak 5 gram, clove 10 gram, mushk kafoor 2 gram, is tamam chezon ko achi tarah pees kar bareek kaprhe se chaan len, jo bareek powder hasil ho, use subha aur khas taur par raat ko sone se pehle teeth saaf karne ke liye istemal karen. Manjan ko 1, 3 minute tak teeth par laga rehne den aur bad mien kulli karen.

Hepatitis : Yarqan ki kae aik wajohat beyan ki jati hain, jin mien aik jigar ki kharabi hai, chon ke jigar bile ratobat paida karta hai. Hepatitis se bachao ke liye aik simple aur maussir nuskha jo istemal karwaya jata hai, us mien maghaz baaam 8 adad, choti ilaichi 5 adad aur dry dates 2 adad mitti ke bartan mien raat ko bhigo den. Subha maghaz badam ka chilka, ilaichi ka chilka aur dry dates ki gutli nikal dena ur achi tarah pees kar is mien 50 gram sugar aur 50 gram cow ka butter mila kar kheer bana len au rise subha sham aik aik spoon istemal karwae. Dosre din he urine ka color thek ho jaega aur chand din daily istemal se bemari se bach sakte hain.

Lisping : Aam taur par bachon mien totlapan dekhne mien aata hai, lekin agar yeh tutlahat 8 ya 10 saal ke bad bhi maujood rahe to is ke liye atbaa karam yeh tarkeeb istemal karwate hain. Maghaz badaam 50 gram, warq nuqrah 10 gram, maghaz pista 20 gram, zafran 5 gram, honey 200 gram, clove 5 gram, darchini 10 gram. Tamam chezon ko pees kar honey mien mila len aur phir totle bachon ko subha sham 3 ta 5 gram doodh ke sath khilaey.

Care of Hairs : Agar baal aakhri siron se phat kar 2 hisson mien taqseem ho jaey ya rough aur be ronaq lagen to roghan badaam ka sir mien massage be had faidemand hai aur agar is ke sath wazan roghan sarson, roghan giri, roghan olives mila len to baal chamakdaar aur mazboot ho jaenge.

Almond the food of Brain : Jadeed research ke mutabiq potassium ko dimagh aur aesaab ki taqat ke iye zarori qarar diya ja raha hai. Aam insaan ko 1 din mien 1875 se 5635 mili gram potassium ki zarorat hoti hai. Jab ke 100 gram maghaz badaam mien jaisa ke jadool mien diya gaya hai, taqriban 700 se 800 mili gram potassium paya jata hai.

Yani badaam ka istemal dimagh aur aesaab ke liye aik behtareen tonic ki hesiyat rakhta hai. Is chez ke liye aik mashroob tayyar kiya jata hai. Jis ke liye doodh 1 kg, maghaz badaam 20 adad, khashkhash 1 spoon, maghaz resha 15 adad, pisi ilaichi ½ spoon, saunf 1 spoon, doodh ki balai 2 spoon, honey 1 spoon. In tamam ashiya ko achi tarah doodh mien pees len aur thanda kar ke piye, yeh mashroob na sirf tabiyat ko thanda rakhta hai, bal ke tawanai ka behtareen zariya bhi hai.

 

 

Copy Right 2012-2014 www.Meriduniya11.com