Header
Home>News  

 

 

 

ICC Big Three

In early times England and Australia rules on cricket and they have the veto power. At that time, Pakistan played an important role to end the possession of these two. Now India, Australia and England had formed big three to rule on the ICC and they got success in their aim. In this page, you will read Zaka Ashraf Latest News In Roman Urdu.

Zaka Ashraf Latest News

ICC aur big three aik hi sikke ke do rukh sabit ho chuke hain. Aik zamana tha ke cricket par England aur Australia ka na sirf qabza tha balke un ko veto power bhi hasil thi lekin us waqat bhi Pakistan ne un donon ka qabza khatam karane mein kalidi kirdar ada kiya tha jab ke is martaba Bharat ne England aur Australia ko sath mila kar ICC par shab khoon mara hai. goke Zaka Ashraf ne PCB ke chairman ki hesiyat se big three ke phele hamle ko nakam bana diya tha. Tahum New Zealand ka naram gosha rakhne jabke Bangladesh ke dagha de jane aur Zimbabwe, Sirilanka aur west Indies par big three ke zabardast dabao ke bad sorat e hal tabdeel ho gait hi. Magar achanak hi South Africa ke palat jane se mamla big three ke haq mein ho gaya hai aura b cricket ki duniya par sirf teen boards ka raj ho ga.

Patron in chief of PCB Muhammad Nawaz Sharif has dissolved the covering board of PCB and dismisses the chairman PCB Zaka Ashraf from his post. Now 11 members comity has formed. 11-member comity consist of Najam Sethi, former PCB chairman Shehariyar Khan, Naveed Akram Chima, Zaheer Abbas, Shakeel Khan, Chaudhary Ijaz, Faiyaz Ali Shah, Tariq Baloch and Aman Aziz Sidiqi. After taking the charge of chairman PCB Najam Sethi called a meeting of management comity.

Big three ke mamle par Pakistan ko tanha kar dene ki padash mein Pakistan cricket board ke patron in chief Wazir e Azam Muhammad Nawaz Sharif ne Pakistan cricket board ke aain mein aik shiq ki tarmim karte howae PCB ka covering board tahlil kar diya hai aur Chaudhary Zaka Ashraf ko Chairman PCB ke uhde se hata diya gaya. Jis ka wazarat ben ul sobai rabta ne baqaidah notification bhi jari kar diya hai, PCB ke mamlat ko sudharne ke leye 11 rukuni ubori comity qaim ki gai hai. Big three ke mamle ke bad Pakistan cricket board ke chairman Chaudhary Zaka Ashraf par kafi halqon ki janib se dabao tha aur PCB ke patron in chief Muhammad Nawaz Sharif ko bhi is hawale se reports mili thein ke board ke mamlat sahi andaz mein nahi chal rahe aur Zaka Ashraf big three ke mamle mein apna moqif sahi tareqe se pesh nahi kar sake. 11 rukuni intezami comity mein sabiq chairman Najam Sethi, sabiq PCB chairman Shehariyar Khan, Naveed Akram Chima, Zaheer Abbas, Shakeel Khan, Chaudhary Ijaz, Faiyaz Ali Shah, Tariq Baloch aur Uman Aziz Sidiqi shamil hain.

Pakistan Cricket board ne Najam Sethi ko dobarah chairman cricket board bana diya hai. Tarjuman PCB Nadeem Sarwar ne media se guftugo karte howae kaha ke 8 rukuni add hock management comity ne Najam Sethi ko chairman ko chairman muqarar kar diya hai. Najam Sethi ne chairman PCB ka uhda sanbhal liya hai, uhda sanbhalne ke bad Najam Sethi ne management comity ka ijlas bhi aaj talab kar liya hai. Chairman muntakhib hone ke bad media se guftugo karte howae Najam Sethi ne kaha ke Pakistan international cricket mein tanha reh gaya hai, PCB ne big three ke mamle mein nakami dikhai is mamle ko durust tariqe se nahi nimtaya gaya. Sabiqa aain aik shakhs ke haq ke leye bana ab sab ke leye ho ga. Unhon ne kaha ke Zaka Ashraf ke durust faslon ko barqarar aur ghalat faslon par nazar e sani ki jaye gi. Wazir e Azam ne apne aaini ikhtiyaraat ke tehat ikhteyaraat istemal keye hian. PCB ke bartaraf chairman Zaka Ashraf ne kaha ke sirf aik shakhs ke leye cricket board mein marshal law laga diya gaya, jamhori hukumat ne jamhori cricket board ka qatal kiya hai, agar patron in chief ko mujhe se koi shikwa tha to mil beth kar baat ho sakti thi, apni ghair mujodgi mein banne wali comity ki hesiyat ko challenge karon ga. Qanoni mushawarat kar raha hun aur apne khilaf uthaye jane wale iqdamaat ka notification milne ke bad adalat jane ka fasla karon ga.

Pakistan Awami Tehreek leader Dr. Tahir ul Qadri had oppose dismiss of PCB chairman Zaka Ashraf, he said that the decision of Zaka Ashraf dismiss had been taken when he was not in the country. Tahir ul Qadri said that Zaka Ashraf had fight in a good way at the matter of big three and he had been punishing for his good work.

Pakistan Awami Tehrik ke quaid Dr. Muhammad Tarhi ul Qadri ne Chairman PCB ki batrafi ki muzamat karte howae ese corrupt hukumat ka aik aur karnama qarar diya hai. unhon ne kaha ke bartarfi ka fasla Zaka Ashraf ke beron e mulk dore ke doran ho gaya tha ye hukumranon ka purana tariqa hai. Cricket board bohat pesa dene wala idara hai, hukumat ab yahan bhi esa corrupt bandah layein ge jo mulk ke haq aur cricket ki behtari ke leye shor na machaye aur hukumranon ka wafadar ban kar rahe. Zaka Ashraf ne big three ke khilaf ache andaz mein case lara unhein is ki saza di gai.

After dismiss of PCB chairman Zaka Ashraf PCB had taken a U turn about the decision of big three. New managing comity will give vote in favor of big three.

Chairman PCB Zaka Ashraf ki uhde se bartarfi ke bad PCB ne big three ke mamle par U turn le liya. PCB ubori intezami comity ICC ke aaindah ijlas mein big three ko vote de gi. Zaraye ne bataya ke Wazir e Azam Zaka Ashraf se Bharat ki big three mein support na karne par barhum the aur ab Bharat Nawaz Najam Sethi is zimedari ko pora karein ge.

Big Three Issue

Zaka Ashraf wasted golden chance to become national hero. If he handled big three issue responsibly then conditions will be different for Pakistan. Now it is responsibility of new chairman PCB Najam Sethi that takes PCB in right direction and makes some powerful decision that can take back Pakistan position in international cricket. Najam Sethi has huge responsibility in his shoulders.

Big Three Issue In ICC

ICC mein Pakistan ki izat bahal ho gai. Bharat, Australia aur England ke bad Pakistan ko bhi cricket ke baron mein shamil kar liya gaya. PCB mein mafad paraston, khushamadiyon aur darbariyon ke tamam raste band kar dite gaye, Chairman ka uhda bhi siyasi bunyadon par nahi balke jamhori taqazon ke mutabiq kiya jaye ga. Aik ya do, do test khelne wale cricketers ab 50 se ziyadah matches khelne wale cricketers ki qismat ke fasle nahi Karen ge, sabiq cricketers zati lalach ke bajaye quomi fariza jan kar cricket ki khidmat Karen ge. Kisi wazir, musher, jagirdar ya sanatkar ke bajaye ab garib bachon ko bhi aage aane ka moqa mile ga lekin afsos sad afsos ye haqiqat nahi balke khuwab hai, esa khuwab jo mere jese is mulk ke lakhon cricket shaiqeen dekhte hain, wo ye tak bhool jate hain ke PCB aur aqraba parwari darya ke wo do kinare hainjo aik dosre ke sath sath chalte hain. Na jane hum ye kyun faramosh kar dete hain ke Pakistan cricket board to sone ki wok an hai jis mein dakhil hone wale ki panchon ingliyan ghee mein hoti hian. Caroron arbon kef and un ki sawabdid par hote hain, ghair mulki doron par VIP protocol milta hai, to lakhon caroron dilon par raj karne wale cricketers is kea age piche phirte hain aur phir kisi bhi arre ghaire ko lakhon rupe mahana tankhuwa, luxury gari samet mutadid samet dosri saholiyat se nawazna to Chairman ke dayein hath ka kaam hai. Is leye to Pakistan cricket ke aghaz se le kar ab tak PCB ki sarbarahi ka taj pehanne walon ki dor lai hoi hai lekin kehte hain ke jis ki lathi us ki bhens yani jis ki hukumat aayi us ne siyasi rishwat ke tor par cricket board ke chairman ki kursi par ese shakhs ko bitha diya jis ki zaat ki wajah se usse siyasi faidah howa.

Mulki tarikh mein pheli bar 2013 mein PCB ko jamhori rang mein rangne ka aghaz howa to umeed ki kiran nazar aana shuru ho gai kea b board ke fasle aamirana nahi balke jamhori andaz mein hon ge lekin afsos Zaka Ashraf ne aain ki bunyad hi baddiyanati aur dhoka dahi par rakh di aur chairman PCB ki pur kashish nashist hath se nikal jane ke dar aur khof se Lahore aur Karachi samet 9 regains par add hock laga kar 4 naye regains bana diye jis se aain ki shafafiyat par shuru hi mein sawaliya nishan lag gaya, bad azan mutasirah regains ke sath jari adalti mohaz aarai ki wajah se Zaka Ashraf ko ghar ki rah lena par gai aur un ki jagah Najam Sethi ne PCB ki nai Kaman sanbhali. Adalti fasle ke bad Zaka Ashraf 15 January ko dosri bar Chairman PCB banne to aik bar phir mafad paraston ke makhsos lotte ne unhein pori tarah ghere mein le liya aur big three issue par un se esa fasla karwa diya jis ka tadaruk ICC ki agli meeting mein na kiya gaya to na jane is ka khamyaza humein kitna bhogatna pare. 8 February ko Singapore mein hone wale ICC ke ijlas mein shirkat se aik roz qabal Zaka Ashraf ne governing board ke sath meeting ke bad press conference ki, jis ke bad raqim ne Zaka Ashraf ko governing board ke chand arkan ki mojudgi mein big three ke bajaye big four ki tajwiz di. Mera ye kehna tha ke aap ke baqol PCB ke osoli moqif ki wajah se Bharat, England aur Australia back foot par aagaye to aap is ka bhar pur faidah uthaen, unhein bataein ke humein aap teenon boards ki hakmiyat qabol hai lekin humario bhi aik shart hai ke Pakistan, Sri Lanka aur South Africa mein se aik board har do saal ke leye rotation policy ke zarye circket ke baron mein shamil ho ga aur bog three ki tarah 4th rukun board ko bhi veto power ke istemal ka haq hasil ho ga. Zahir hai ke 10 mein se 8 vote milne ke sabab big three ka masodah manzor nahi ho sake ga aur cricket ke teenon baron ko na chahate howae bhi big four ki tajwez manni pare gi. Ye tajwez ICC mein pesh karne se phele Pakistan, ko Sri Lanka aur South Africa ke sath aik tehriri muhaidah bhi karna chaheye ta ke kisi board ke wade se phirne ki koi gunjaish baqi na rahe. Zaka Ashraf ne us waqat to meri baton se itefaq kiya lekin afsos bad mein apne mushiron ki baaton mein aakar ICC ke ijlas mein sharik howae aur sab kuch har kar wapas aagaye. Zaka Ashraf sahib kash aap ne us waqat danishmandi ka muzahirah kiya hota to aaj aap quom ke hero hote, agar PCB ke patron in chief aap ko cricket board ki sarbarahi se farigh karne ki jasarat karte to pori quom aap ke sath is tarah khari hoti jis tarah awam ne dictator General Perveez Musharaf aur apne waqat ke mazbot tareen sadder Asif Ali Zardari ke khilaf sabiq Chief Justice Iftekhar Muhammad Chaudhary ka sath diya tha.

Najam Sethi sahib qudrat ne aap ko dobarah board ka sarbarah kar apni mazi ki ghaltiyon ko sudharne ka aik aur sunehri moqa farahum kiya hai, go aap ne management comity ke phele ijlas mein mutadid aham fasle kiye tahum abhi aur bohat se inqalabi iqdamaatuthane ki zarorat hai. aap ko harkiz ye baat faramosh nahi karni chaheye ke Pakistan Olympic association ke do dharon ki wajah se mulki kheel tabahi aur barbadi ke akhiri kinare par khare hain. Olympics samet mutadid almi events mein medal hasil karna to dar kinar ab to in mega events tak rasai milne ko hi ghanimat samjha jane laga hai. In halat mein aik game sirf aur sirf cricket hi baqi reh jati hai jahan se namasaid halat ke bawajod ab bhi shaiqeen ko achi khabarein sunne ko mil jati hain aur cricket hi wok heel hai jo is mulk ke 20 caror awam ko tasbih ked anon ki tarah apas mein jore howae hai. Aap ko ye bhi jan lena cheheye ke PCB mein guzishta aik ashre se ese aala afrad uhdon par faiz hain jin ki chikni chupri baaton mein aakar board ke mutadid chairman ghar ki rah le chuke hain lekin koi un ka bal bhi bika nahi kar saka. PCB ke un mafad parast mushiron ki wajah se mulki cricket tabahi aur barbadi ke is dahane par pohanch chuki hai ke jis ki mazi mein koi nazir nahi milti. Big three issue par Bharat, Australia aur England ne humein out class kar ke rakh diya, cricketers aik dosre par ilzamaat laga rahe hain, saniah Lahore ke bad guzishta 5 barson se mulki grounds sune pare hain, ye PCB ki nakami nahi hai to aur kiya hai, agar kuch aur nahi to Punjab sports board ko hi dekh len jahan wazir e kheel Rana Mashhod Ahmed aur director general sports board Punjab Usman Anwar ki badolat mulki aur inter national khilariyon ka mela laga howa hai aur jahan is mulk ke nojawan Genies Book of World Record mein apna naam likhwa kar mulk ki neknaami ka bais ban rahe hain. Janab chairman yad rakhiye ke waqat ka paiya bara zalim hota hai jo kisi ko maf nahi karta, log aate jate rehte hain lekin tarikh un shakhsiyat ko yad rakhti hai jin ke pas karname hote hain. Qismat ne aik bar phir aap ke darwaze par dastak di hai, dekhna ye hai ke aap is moqe se kitna aur kis had tak faidah uthate hain.


 

More Links

Malaila Yousafzai

Sikandar Sanam

Shahid Afridi Sixes

Mehdi Hassan

Rajesh Khanna

Abida Parveen

Fozia Wahab

Lehri

Raja Pervaiz Ashraf

Barack Obama

 

Copy Right 2012-2015 www.Meriduniya11.com