Header
Home>> News >

 

 

 

Independence Day (Youm e Azadi)

Today Pakistan is celebrating 67th day of independence. The main ceremony of Parcham kushaie will be held in Islamabad convention and the chief guest of ceremony will be Secratary General of United Nations Ban Ki Moon. There will be holiday in all over the country. At government and private level there will be holding big and small celebrations of independence. The day will start from special dua about Pakistan. At the event of independence all, the big and small buildings are decorated with national flags and lights. The ceremony of changing of guards will be held at tomb of Quaid e Azam Muhammad Ali Jinnah. The Prime Minister and Presidents congratulate country for 67th independence.

Youm e Azadi Pakistan In Urdu

Youm e Azadi Image

Karachi samet mulik bhar mein watan e aziz ka 67th youm e azadi aj Wednesday ko pore qumi aur mili josh o jazbe se manaya jaye ga. Mulik bhar mein aam tatil ho gi, sarkari aur niji satah par chote bare shehron aur qasbon mein taqrebat munaqid hon gi, sakari satah par parcham kushayi ki markazi taqreb convention center Islamabad mein ho gi, Pakistan ke dore par aye hoye United Nations ke secratary general Ban Ki Moon taqreb ke mehman e khusosi hon ge, Wazir e Azam Nawaz Sharif is moqe par hazareen ke sath mil kar qomi tarana gayein ge, Wazir e Azam youm e Azadi ke hawale se qoam se khitab bhi karein ge.

Youm e Azadi par Karachi mein Baba e Qoum aur Lahore mein mufaqir e Pakistan Allma Iqbal ke mazaron par bhi ahem shakhsiyat aur awam hazri de kar unhan khiraj e tehseen pesh karen ge, Panjab hukumat ne 14 August youm e azadi par aik roz ke leye metro bus safri saholat faraham karne ka fesila kiya hai. Din ka agaz namaz e fajar mein muliki salamti,taraki khush hali aur mulik ko dehshat gardi, tawanai samet degar bohranon se nejat ke leye khusosi duayon se ho ga, Wefaqi dar ul hukomat mein 31 aur charon subai dar ul hukomat mein 21 topon ki salami di jaye gi, mulik bhar mein youm e Azadi par amarton ko qomi parchamaon aur jhandiyon aur barki ququmon se sajaya gaya hai. Jab ke chohrayon, galiyon aur sarkon ko bhi qomi parchamon se khas tor par sajaya gaya hai. Mulik bhar mein azadi ki taqribad munaqid hon gi, tamam shaharon mein reallyan bhi nikali gayen gi. Radio aur T.V par khusosi program hon ge, jin mein fankar mili nagmat peash Karen ge. Akhbarat khusosi addition shaya karen ge.

Youm e Azadi par Karachi samet mulik bhr mein taqribat mein Bani e Pakistan Muhammad Ali Jinnah ko khiraj e tehseen peash kiya jaye ga, jin ki wawala angez qayadat mein quom ne azad watan hasil kiya. Mazar e Quaid par Youm e Azadi ke silsele mein guards ki tabdeli ki taqreb bhi ho gi. Jashan e Azadi ki taqrebat ka aghaz 21 topon ki salami se ho ga, Namaz e Fajar mein mulik ki salamti aur taraqi ke leye khusosi duaein mangi jayein gi. Karachi mein markazi taqreb Mazar e Quaid par subha 9 baje munaqid ho gi.

Youm e Azadi Mubarak

67th Youm e Azadi ke muqe par Sadar Asif Ali Zardai aur Wazir e Azam Nawaz Sharif ne pori Qaum ko Mubarak baad dete hoye kaha hai ke tamam ehle watan aur beron e mumalik mein muqem Pakistaniyon ko Youm e Azadi ke sath sath jamhori andaz mein intaqal e iqtedar ki khushiyan bhi mubarak hon, hum bahesiyat qoum is azam ka ayadah karte han ke aendah kisi ko bhi jamhoriyat par shab khun marne ki ijazat nahi den ge. Jab ke bahesiyat qoum hum sab mil kar dehsatgardi samet tamam challenges aur mulik dushman anasir ke khilaf nematne ke leye tayar hain.

Youm e Azadi ke muqe par jari apne bayan mein Sadar Asif Ali Zardari ne kaha ke humein is khushi ke muqe par ye ahed bhi karana chahiye ke hum Pakitan ko sahi maino mein aik jaded mutaharik taraqi pasand aur jamhuri reyasat banayein ge. Wazir e Azam Nawaz Sharif ne kaha ke hum sab ki mushtarka zimedari hai ke hum mil kar Pakistan ko is muqam tak phonchayein ge jis ka khuwab humare islaf ne dekha tha. Watan e aziz ki sakh kharab karne wale anasir ko kisi surat bardasht nahi kiya jaye ga. Is ke elawa Governor Ishrat ul Ebad aur Wazir Aala Qaim Ali Shah ne qoum ko dili Mubarak bad peash ki.

 

More Links
Abdullah Shah Ghazi
Farman Fatehpuri
Malala Yousufzai
Karachi Main Barish
Barack Obama
Sandy Toofan
Wajihuddin Ahmed
Shahid Afridi
Yash Chopra
Nawaz Sharif
Air Marshal MM Alam

 

 

Copy Right 2012-2015 www.Meriduniya11.com