Tassaduq Hussain Jillani
Tassaduq Hussain Jillani will be the new Chief Justice of Pakistan. The notification will be issue in few days. The present Chief Justice of Pakistan Iftikhar Muhammad Chaudhry is retiring on 11 December 2013. The oath ceremony of the new Chief Justice will be held on 12 December 2013 in President House Islamabad. Mr .Justice Tassaduq Hussain Jillani was born on 6 July 1949. He started his career as a lawyer from Multan. In 1983 Tassaduq Hussain was appointed as the Advocate General Punjab, on 7th August 1994 he became the Judge of Lahore High Court and on 31st July 2004 he was appointed as the Judge of Supreme Court. In this page you can read Tassaduq Hussain Jillani, Mr.Justice Tassaduq Hussain Jillani news and Biography In Urdu.
Mr.Justice Tassaduq Hussain Jillani
Sader e Pakistan Mamnoon Hussain ne Supreme Court ke senior tareen Judge Justice Tassaduq Hussain Jillani ko Pakistan ka naya Chief Justice banane ki manzori de di hai, tahum is ka notification chand roz mein jari kiya jaye ga. Justice Tassaduq Hussain Jillani 6 July 1949 ko paida howae. Tassaduq Hussain Jillani ne junobi punjab ke shehar Multan mein bator wakeel apni practice ka aghaz kiya. Tassaduq Hussain Jillani ne 1983 mein Advocate General Punjab ke uhde par tainat kiya gaya. 7 August 1994 mein Lahore High Court ka Judge aur 31 July 2004 mein Supreme Court ka Judge tainat kiya gaya. Baad azan Justice Tassaduq Hussain Jillani ko Lahore High Court se taraqi de kar Supreme Court ka Judge tainat kiya gaya. Supreme Court ke registrar Dr. Faqeer Hussain ne bataya ke unhon ne naye Chief Justice ki taqaruri ke leye hukumat ko khat likha tha. Is ke elawa naye Chief Justice ki half bardari ki taqreeb ke leye Sader se waqat bhi manga gaya hai.
Naye Chief Justice ki half bardari ki taqreeb 12 December ko Ewan e Sader mein ho gi. Mojudah Chief Justice Iftikhar Muhammad Chaudhry 11 December ko retire ho rahe hain. Tassaduq Hussain Jilani un Judges mein shamil hain jihein sabiq foji Saddar Pervez Musharaf ne 3 November 2007 mein mulk mein emergency ke nifaz ke bad gharon ko bhej deya tha, tahum wo March 2008 mein wokla bahali ke leye long march ki wajah se Chief Justice samet bahal hone wale degar Judges mein shamil nahi the. Justice Tssaduq Hussain Jilani ko Justice Abdul Hameed Dogar ke dor mein hi dobarah half lene ke bad bahal kar deya gaya tha. Justice Tassaduq Hussain Jillani 7 mah tak Chief Justice ke uhde par faiz rahein ge. Justice Tassaduq Hussain Jillani is waqat qaim muqam Chief election commissioner bhi hain. Yad rahe ke aain ke article 175 ki shiq 3 ke tehat Supreme Court mein Judges ki tainati Judicial commission aur parlimani committee ki sifarishat ki roshani mein ho gi jab ke Chief Justice ka uhda khali hone par Supreme Court ke senior tareen Judge ko is uhde par faiz kiya jaye ga. Tassaduq Hussain Jillani ka chief Justice ka uhda sanbhalne ke bad Justice Nasir ul Malik Supreme Court ke senior tareen Judge hon ge is ke bad Justice Jawad S Khuwaja dosre senior tareen Judge hain.