Header
Home>News >  

 

 

Sikandar Sanam

Sikandar Sanam was born 21 September 1960 in Karachi. He is a renowned Comedian of Pakistan, who was suffering from Liver cancer from 3 Months. He was the King of Comedian. He worked in theater drama and comedy serial. Sikandar Sanam was a parody film maker also. Sikandar Sanam died on 5th November 2012 , Monday. In this page you will read Pakistani Comedian Sikandar Sanam death new in Urdu and Roman Hindi.

Sikandar Sanam In Urdu

Sikandar Sanam Photo

Maroof comedian Sikandar Sanam 3 maah se jigar ke marz mein mubtila the, Monday ki sham maqami hospital mei dunya se kooch kar gae. Bharti film Tere Naam ke mazahiya remake se in ki shohrat ka graph urooj par pohncha, ghajini aur dabang ka remake bhi kisi se kam nahi raha. Aur bhi kafi Bharti films ke remake banae aur behtreen adakari se sab ke dilon par cha gae.

Sikandar Sanam ki namaz-e-janaza 5 November Monday ko bad Namaz-e-Esha, ALLAH wali Masjid, chona depo Ranchor Line mein ada ki gai. Jab ke tadfeen Korangi ke qabrustan mein hui. Namaz-e-janaza mein comedy theater ke maroof adakaron ne bhi shirkat ki aur nehayat afsoos ka izhaar kiya. Sab ki aankhen apne dost ko kho dene ke gham mein nam thin. Sikandar Sanam Liver cancer ke marz mein mubtila the, in ka Karachi ke maqami hospital mein ilaaj ho raha tha, jahan wo inteqal kar gae. Muskurahaten bikherin, roton ko hansaya, sab ka dil lubhaya, jis ne unhe dekha, un se mila, khushi ka qehqaha lagaya. Sikandar Sanam stage ke maroof fankar sab ko hansane wale is dunya se rukhsat ho kar apne paristaron ko udaas kar gae. Unho ne sabit kar diya tha ke wo Comedy ke king hain. Sikandar Sanam ke maqbool stage dramon mein Bebiya Moin Akhter qabil-e-zikar hain, jis mein inho ne hakeem ka yadgaar kirdar ada kiya tha.

Sikandar Sanam Ke Inteqal Par Altaf Hussain Ki Taziat

Sikandar Sanam ke inteqal par Muttehida Qaumi Movment ke Quaid Janab Altaf Hussain ka yeh kehna tha ke Sikandar Sanam ke inteqal se roshan sitara bujh gaya. Pakistan stage ke liye un ki khidmaat ko hamesha yaad rakha jaega. Un ke inteqal se jo khala peyda hua hai, wo kabhi pur nahi kiya ja sakta. Altaf Hussain ne in ke inteqal par gehre ranj-o-gham ka izhar kiya. Altaf Hussain ne marhoom ke tamam soogwar lawahiqeen aur paristaron se dili taziyat-o-hamdardi ka izhar karte hue unhe sabar ki talqeen ki aur kaha ke Pakistan stage ek bohat barhe fankar se mehroom ho gaya hai. Unho ne Sikandar Sanam ko zabardast khiraj-e-aqeedat pesh kiya. Daren asnaa MQM ki Rabta Committe ne bhi Sikandar Sanam ke inteqal par dili taziyat ka izhaar kiya.

King of Comedy

150 se zaiyd stage drama Sikandar Sanam ke credit the. Bharat ke ilawa kae dosre mumalik mein bhi apne fun ka loha manwaya. Mazah nigari adakari ke zariye pesh karne ka hunar khob jante the. Un ka shumar Pakistan ke behtreen comedian mein hota hai. In ke fun ke paristar sirf Pakistan tak mehdood nahi, bal ke Bharat aur dosre kae mumalik mein bhi Sikandar ne apni salahiyaton ka loha manwaya. Yeh maroof sitara Karachi ke ilaqey Korangi mein peyda hua. Factory mein mulazmat ki, lekin fankarana salahiyaten inhe stage dramon ki taraf le gaen. Aur wo udaas chehron par muskurahaten bikherte rahe. Shohrat ki bulandi ki janib barhte rahe. 150 se zaiyd stage dramon mein pazeerai pane wale Sikandar. Comedy ki dunya ke Sikandar ban gae. Karachi mein hone wale har stage dramey ki zaroorat ban gae.

 

Malaila Yousafzai
Raja Pervaiz Ashraf
Bashir Khan Qureshi
Mehdi Hassan
Rajesh Khanna
Abida Parveen
Fozia Wahab
Lehri
Sher Afghan Niazi
Yash Chopra

 

Copy Right 2012-2014 www.Meriduniya11.com