Header
Home>News

 

 

 

Sandy Storm

Sandy Storm (Sandy Toofan) is a very dangerous Storm. All Newyork area, airports, schools, stock market and Transport were shuttered. It was the first time that the Newyork Stock Exchange was closed. The President Barack Obama had cancelled campaign plans in Ohio. Obama said, this is a tough time for a lot of people. In this page you will read Sandy Stome (Sandy toofan) in America Tofaan news In Urdu and Roman Hindi.

Sandy Toofan In Urdu

Sandy Storm Photo

American States Virginia doobne lagi. 6 crore Americans samundari tofan se mutaasir honge. Lakhon afrad mehfooz maqamaat ki talash mein hain. Newyork ( Monitoring Desk ) samandari toofan Sandy America ke sahilon tak pohanch gaya hai. Virginia ke kae ilaqon mein pani dakhil ho gaya hai. Mutaadid riyasaton main emergency nafiz hai. Public transport aur school band kar diye gae hain. Sandy Toofan ka America ke sahilon tak pohanchte he Virginia ke shehar Norfolk ki sarhken zer-e-aab aa gae hai. Kae imarton mein pani bhar gaya hai. Transport muaattal hai. Jab ke toofani hawaon se bijli ka nizaam bhi kafi asar andaaz huwa hai. Mashraqi sahili ilaqon mein emergency nafiz kar di gae hai, ta ke kisi bhi qisam ke khatre se pehle he alert ho jae.

 

 

America Toofan se sardi barhne ke sath sath barish aur sailaab ka bhi khatra hai, jo ke bohat khatre ka baiys ban sakta hai. Is toofan ki wajah se kae kaam bhi ruk gaye hain, hazaron parwazen mansookh kar di gai hain. Nichle sahili ilaqon se bhi lakhon logon ki naqal makani jari hai. Newyork stock exchange mein bhi karobar band kiya hua hai. New York par khane peene ki zaroori ashyaon ke liye logon ki taweel qataren lagi hui hain. Aik andaze ke mutabiq agar dekha jae to croron jane mutaasir ho sakti hai. Sandy se 6 November ko hone wale America ke sadarti intekhabaat bhi mutaasir hone ka khatra hai, kyun ke aeham intekhabi riyasaten Florida, Ohio bhi toofan se qareeb tar hai. Is ke sath sath toofan se jo riyasaten mutaasir ho sakti hai, un mein Newyork, New jersey. Massachusetts, Pennsylvania, North Carolina, aur connecticut shamil hain.

Maryland aur Washington Dc bhi Sandy toofan ki zad main aa sakte hain. Toofan sandy ke baiys America ki 9 riyasaton mein emergency nafiz kar di gai hai. Newyork main samandari toofan Sandy ke baiys Aqwam-e-Muttehda aur Stock exchange ke dafatir bhi band rahenge. 27 saalon mein pehli baar stock exchange mein karobaar band rahega. Newyork, washington aur Philadelphia mein transport ke sab se barhe nizaam subway stations bhi band kar diye gae hain. Jis se ek crore se zaiyd musafir asar andaaz hue hain. Newyork ki sarken sunsaan nazar aa rahi hain aur logon ka stores par gher mamooli rush nazar aa raha hai. Jo ziyada se ziyada ashya kharedne gharon aur dukanon ko mehfooz banane main masroof dikhae de rahe hai. Gher mulki khebar agency ke mutabiq samandari toofan Sandy ke baiys America ke shehar Philadephia mein transport service band kar di gae hai. America ke sadar Obama ne samandari toofan ke pesh-e-nazar america ki riyasat Ohio mein nikali jane wali intekhabi reyli mansookh kar di gai hai. America ke sadar Obama ne kaha hai ke Samandari toofan Sandy slow slow aage barh raha hai. Sadar ka kehna hai ke Sandy toofan se kafi mushkilaat ka samna karna parhega. Ye aik bohat barha toofan hai. Shil ke kinaren rehne wale insaan is ko sanjeedgi se len.

Idhar dosri janib ek gher mulki khebar agency ne bataya hai ke Bahria Caraban mein tabahi machane ke bad samandari Sandy toofan America ki mashraqi riyasaton ke qareeb pohanch gaya hai. Andaze ke mutabiq kae Americans mutasir honge. Gher mulki khebar agency ne mazeed kaha hai ke riyasat north Carolina se Maine tak croron afraad high alert par hain. Samandari toofan ke pesh-e-nazar lakhon log mehfooz maqamaat par muntaqil hue hain. America ke mashraqi sahili ilaqon mein toofan ke khadshe ko dekhte hue kae parwazen mansookh kar di gae hai. Gher mulki khebar agency ne bataya hai ke Domestic airlines ki sekrhon parwazen mansookh kar di gae hain. Is ke ilawa Newyork ki Metropolitan Transportation authority ne bhi transport band karne ka faisla kiya hai. Sahili riyasaton mein tamam Oil Refineries band kar di gai hai. Toofan 150 kilo meter fee ghanta se aage barh raha hai aur America ke Media ke mutabiq kisi bhi waqt pori quwwat ke sath mashraqi sahilon se takraye ga.

 

 

More Links

 

Copy Right 2012-2013 www.Meriduniya11.com