Header
Home>News

 

 

 

 

Sachin Tendulkar

Sachin Tendulkar was born on April 24, 1973 in Mumbai. He is an Indian Cricketer and greatest Batsman. He married with Anjali Tendulkar. Sachin has one son Arjun Tendulkar and one daughter Sara Tendulkar. He played his last test match in Wankhede Stadium on Saturday 16 November 2013. Sachin Tendulkar retired from International Cricket after playing his final test. India had completed a victory by an innings and 126 runs against West Indies team. He played 200th test matches in his career. Sachin Tendulkar received Bharat Ratna Award from the Indian Government. Srilanka Government also gave the special trophy to Sachin Tendulkar. In this page, you can see the information and news about the Greatest Indian Cricketer Sachin Tendulkar. Sachin Tendulkar News In Hindi.

Sachin Tendulkar News In Hindi

Namnaak Aankhon Ke Sath Sachin Tendulkar Cricket Ki

Duniya Se Rukhsat

Sachin Tendulkar Photo

International cricket council ne players ki test ranking jari kar di. Little master Sachin Tendulkar ke test career ka ikhtetam 18 no. par hua. International cricket council ki janib se jari players ki test ranking ki pehli aur dosri positions par Pakistani shahino ko dhool chatane wale South Africa ke players qabza kiye hue hain. Bats men ki ranking mein pehle no.par ABD Wilier aur dosre no.par Hashim Amla jab ke ballers ki list mein Del Stein pehle aur Vernon Flounder dosre no.par barajman hain. Best bats men ki ranking mein 3rd no.par West indies ke Chandar Paul, 4th no.par Srilanka ke Kumar Sangakara, 5th no.par Australia ke Michel Clark. 6th no.par India ke Chateshver Pujara, jab ke 7th no.par Pakistani Captain Misbah ul Haq aur Younas Khan 9th no.par hain. Test matches ki double century karne ke bad cricket ko kher bad kehne wale Indian cricket ke little master Sachin Tendulkar best batsmen ki list mein 18th no.par hain. Test matches ke best ballers ki list mein South Africa ke Del Stein 1st aur Vernon Flounder 2nd no.par hain. Jab ke Srilanka ke Rangana harath 3rd, Pakistan ke Saeed Ajmal 4th aur India ke Ravi Ashwan 5th no.par hain. Best ballers ki list mein Paksitan Abdur Rehman 12th, jab ke Umar Gul ka 22nd no.hai.

Sachin Sachin Ke Falak Shugaf Naaro’n Ne Tendulkar Ko Bhi Jazbati Kar Diya :

Career ki ikhtetami taqrib mei khitab karte hue Tendulkar ne aik mauqey par kaha ke main apni aakhri saans tak shaiyqeen ki janib se apne liye lagae jane wale naarey Sachin Sachin sunna chahta hon. In ki is bat par wahan maujood hazaron logon ne zor zor se in ke naam ke naarey lagana shuru kar diye. Shaiyqeen ke radde amal ne batsmen ko jazbati kar diya tha, is mauqey par inho ne apne career ke dauran bharpor coverage diye jane par media, photographers aur deegar afraad ka bhi shukriya adaa kiya.

Cricket ki duniya ke betaaj badshah Sachin Tendulkar ka 24 saal ka shandar career Saturday ko stadium mein ikhtetam pazeer ho gaya. West indies ke khilaf 2.5 day mein team ki innings aur 126 runs se fatah ki soorat Dhoni 11 ne master blaster ko bharpor khiraj e tehseen pesh kiya. Stadium se sathi players ke God of Honor mein pavilion lootne wale Tendulkar ki aankhen bhi numm thin. Wo sir jhukaey aajzi o inkesari ke sath har aik ka shukriya ada kar ke game se rukhsat ho rahe the. Cricket ki tareekh mein un ginat records ke malik Tendulkar ka mawazna asar hazir he nahi, bal ke tareekh ke kisi bhi barhe players se nahi kiya ja sakta. Inho ne cricket ki duniya mein us waqt centuries banai, jab Waseem Akram, Waqar Younus, Murli Dharan, Shan Warn aur Mack gara jaise namwar ballers ka totaa bolta tha. Tendulkar ko test aur one day matches mein sab se ziyada runs aur centuries banane ke ilawa 200 test khelne wale duniya ke ab tak wahid player ka aezaaz bhi mila. Match ke ikhtetam par in ki jazbati taqreer ko stadium mein maujood tamam shaiyqeen ne barhe inehmaak se suna. Jis mei inho ne apne aehl e khana, apne bachpan ke sathiyon, sathi players, team physio aur Doctor ke ilawa Indian cricket board ka shukriya ada kiya. Inho ne apne ibtedai coach Ramakant Acharikar ka bhi zikar kiya aur cricket se jurhi apni dilchasp yadon ko awaam se share kiya.

Tendulkar ne kaha ke mujhe yaqeen nahi aa raha hai ke mera yeh shandar safar khatam ho chuka hai. Tendulkar ne is match mein 2 overs balling bhi ki lekin wo koi wicket hasil nahi kar paey. Meri zindagi 2 wickets ke darmiyan 24 saal se thora ziyada muddat par muheet rahi. Mere liye yeh yaqeen karna mushkil ho rha hai ke mera safar khatam ho rha hai. Meri zindagi mein sab se aeham shakhsiyat mere walid ki hai aur main 1999 mein un ka inteqal hone ke bad se unhe bohat ziyada yaad karta hon. Taqreer ke ikhtetam par apni family aur bharti team ke kandhon par sawar ho kar inho ne ground ka chakkar laga kar nashaston par bethe apne paristaron ka bhi shukriya adaa kiya. Is mauqey par wo Bharti Taranga bhi lehrate rahe. Duniya bhar mein sabiq cricketers ne in ke sataiysh karte hue Tendulkar ke alvidah ko shandar bana diya. Sachin ne kaha ke mere liye ab cricket ke bagher zindagi guzarna mushkil ho ga. Tahum inho ne wadah kiya ke wo ab apni family ko ziyada se ziyada waqt denge.

Sachin Tendulkar Ko ICC ka Khiraj e Tehseen :

ICC ne Tendulkar ko 664 ben ul aqwami matches khelne aur centuries ke sath 34357 runs banana par khiraj e tehseen pesh kiya. World Governing body ke chief executive David Chard son ne kaha ke Tendulkar wo makhsoos khiladi hai the, jinhe in ki salahiyat, game ke muzahire aur zabardast muqabley ke liye apne zamane ke cricketers, team ke players, hareef players aur duniya bhar mein phele cricket ke shaiyqeen ki janib se sab se ziyada izzat mili.

Cricket Ke Bina Tendulkar Ki Zindagi Ka Tassawur Karna Bhi Mushkil Hai :

Sachin ki wife Anjali ne kaha ke mere liye yeh tassawur karna mushkil hai ke cricket ke bina Tendulkar ki zindagi kaise guzregi. Hamare liye in ke career ka aakhri month bohat mushkil raha. Sachin cricket se bohat ziyada dilchaspi rakhte hain. Cricket in ka oorhna bichona rahi hai. Inhe jab kabhi mauqa milta wo apne bête Arjun ko le kar Gym pohanch jate aur us ke sath practice mein masroof rehte.

Sachin Tendulkar Ke Liye Indian Ratna Ke Award Ka Aelaan Aezaaz Pane Wale Pehle Sports Man Bane :

Bharti hukomat ne Saturday ko Sachin Tendulkar ko Bharat Ratna Award dene ka aelan kar diya. Wo mulk ka aala civil aezaaz pane wale pehle sports shakhsiyat honge. Mumbai test ke ikhtetam par jari hone wale sarkari aelamiye ke mutabiq Indian President Parnab Mukherjee ne record saaz batsman ko mulk ka aala civil award dene ka faisla sadir kar diya. Guzishta din Indian singer Lata Mangeshkar ne Tendulkar ko mulk ke liye inki khidmat ke pesh e nazar inhe Bharat Ratna Award diye jane ka mutalba kiya tha.

Rohit Sharma Ka Kehna Hai Tendulkar Se Mawazna Thek Nahi :

Mumbai test ke ikhtetam par West indies ke khilaf man of the series qarar pane wale Rohit Sharma ne kaha ke Sachin Tendulkar se mera mawazna munsifana baat nahi hai. Team in ki rehnumai ki kami mehsoos karegi. Tendulkar jaisa koi aur nhi ho sakta. Ab Tendulkar dressing room mein hamare sath nahi honge. Mujhe andaza nahi ke team ke deegar players ab mushkil soortehaal mein kaisa radd e amal zahir karenge. Inke hamare darmiyan maujodgi hamen bohat se muaamlaat mein madad farahum karti thi. Tendulkar ne apne career ke ikhtetam par jazbati taqreer ki. Sachin ne apni zindagi se jurhe har fard ka shukriya adaa kiya, jo in ki shakhsiyat ka he khasa hai.

Wazarat e Khel Mustaqbil mein Tendulkar Ke Tajurbey Se Istefaad Ki Khuwahan :

Bharti Wazeer e khel Jatindra Singh ne 24 sala cricketer career ke kamiyab ikhtetam par Sachin Tendulkar ko mubarakbad pesh ki hai. Inho ne kaha ke wazarat e khel o amoor naujawan mustaqil mein game ke farogh ke liye in ki khidmat se istefada karenge. Inho ne mazeed kaha ke Tendulkar National Hero hain aur game mein in ke chahne wale maujood hain aur mulki games ke farogh mein qabil misaal kirdar adaa kar sakte hain.

Srilanka Government Ki Janib Se Bhi Tendulkar Ko Khusosi Trophy Pesh Ki Gai :

Srilanka ki hukomat ki janib se Tendulkar ko Special Trophy pesh ki gai. Is ke ilawa Maharashtra police ki janib se bhi inhe yadgar ke taur par trophy di gai. Wazeh rah eke master batsman Tendulkar ke walid is department se kuch arsey ke liye munsalik rahe thay.

 

 

 

 

Copy Right 2012-2014 www.Meriduniya11.com