Header
Home> News  

 

 

 

 

Reshma (Singer)

Famous folk singer Reshma died on 3 November. Reshma was also known as Nightingale of the desert. Not only in Pakistan but also in Reshma was famous in India too. Reshma has performed in many parts of world America, Canada, Middle East and Europe. Different actors and singers form Pakistan and India paid tribute to the Wonderful singer Reshma. Reshma was a very polite and simple woman and these of her qualities ware in her singing too. Reshma has awarded “sitar e Imtiaz” by the government of Pakistan. Reshma was surfing from throat cancer and she was in coma since one month. In this page you will read Pakistani Singer Reshma News In Urdu.

 

Pakistani Singer Reshma News In Urdu

Reshma Singer Photo

Bar e Sagheer Pak o Hind ki maroof gulokara Reshma 67 baras ki umar mein taweel alalat ke baad inteqal kar gaein. Bulbul e sehra ka khitab pane wali golokara Reshma 1947 mein Rajastan mein paida hoein, Reshma ka taluq Bekaner ke aik khana badosh khandan se tha. 1947 mein jab Pakistan wajood mein aya to Reshma ki family apni baradari ke humrah Pakistan mein Karachi mein abad hoi. Reshma ne jab hosh sanbhala to unhon ne ird gird basne wale baradri ke logon ko riwayati folk geet gungunate dekha. Reshma ne musiqi ki baqaidah tarbiyat nahi le thi magar Reshma jab kisi muqam par perform kartein to saman bandh jata. Yehi wajah hai ke Reshma ke chahane wale Pakistan aur Bharat mein hi nahi balke maghribi mumalik mein bhi  bari tadad mein baste hain. Reshma ne jis tarah folk gaiki mein apni pehchan banayi aur phir is ki badolat duniya bhar mein raj kiya is ki koi dosri missal humein Pakistan aur Bharat mein nahi milti. Wo jitni bari fankara thein itni hi bohabat karne wali insan bhi thein. Reshma ke paristaron mein Pakistan hi nahi Bharti film industry ke azeem fankar bhi shamil the.

Reshma ne apne taweel fani safar ke doran Pakistan aur Bharat ke sath sath America, Europe, Canada, Middle East samet duniya ke beshtar mumalik mein Pakistan ki numaindagi ki aur unhen behtaren performances par bohat se izazat aur khitabat se nawaza gaya. Reshma ke mashor ganon mein “lambi judai, damadam mast qalandar, nahi lagda dil mera, Reshma charge di mithi mith kok , main chori chori tere nal lalaiyan akhan, akhyan no rahn de, meri hum joliyan” samet degar maqbol geet shamil hain.Reshmaki waft par mukhtalif fankaron ne apne khayalat ka izhar karte howae Reshmako kharaj e tehseen pesh kiya hai.

Golokara Surriya khanam ne kaha ke Reshma folkaur sufi gaiki samet ideal insan thein, wo haqiqi zandagi mein jis tarah sada aur hansmukh thein Reshmaki gaiki mein bhi yehi sadgi aur mithas nazar aati thi. Golokara Taranum Naz ne kaha ke bulbul e sehra ke khitab ki wo sahi haqdar thein. Bharti adakara Sira Bano ne kaha ke Reshma jesi fankara sadyon mein peda hoti hain, wo boat sada tabyat insan thein lekin Allah ne unhen fan ki dolat se mala mal rakha tha. Mahesh bhat ne kaha ke wo aik methi aur sache suron wali gaika thein.

Hospital zaraye ke mutabiq Reshma 1980 se gale ke cancer mein mubtala thein aur guzishta aik mah se wo ghashi ki halat mein thein aur usi mein inteqal kar gaein. Unhen Shahardah ke qareb Ali park mein namaz e janaza ke bad muqami qabrustan mein supurd e khak kar deya gaya. Hukumat e Pakistan ne Reshma ki fani khidmat ke iteraf mein unhen “sitara e imtiaz” se bhi nawaza tha. 

MQM ke quaid Altaf Huassin ne Reshma ke inteqal par gehre dukh aur afsos ka izhar kiya hai aur golokara Reshma ke inteqal ko Qomi nuqsan qarar deya hai. Altaf ne kaha ke mumtaz golokara Reshma mosiqi ki duniya mein munfarid andaz rakhti thein aur un ki mufarid gaiki na sirf Pakistan balke Bharat samet duniya bhar mein maqbol thi aur un ke inteqal se duniya bhar mein muqeem  un ke madahon ko dili sadma pohancha hai.

Sabiq Saddar e Pakistan Asif Ali Zardari ne mashur golokara Reshma  ki wafat par shakht rang o gham ka izhar kiya hai. Sabiq sadder ne aik paygam mein kaha ke Allah Taala ne Reshma ko intehai khubsorat aur surili awaz se nawaza tha, musiqi sune wale unhen aik taweel arse tak yad rakhein ge. Sabiq sadder ne kaha ke mahoma ki wafat par un ki hamdardiyan aur duaein sogwar khandan ke sath hain. Qaim Ali Shah, Sehbaz Sharif, Imran Khan ne bhi golokara Reshma ke inteqal par afsos ka izhar kiya hain aur un ke leye dua e maghfirat bhi ki.  

 

Malala Yousafzai

Registered Voters

Altaf Hussain

Sandy Toofan

Benazir Bhutto

Baldiyati Election 2013

Fozia Wahab

Dollar Rate In Pakistan

Zimni Election 2013

 

Copy Right 2012-2014 www.Meriduniya11.com