Header
Home>  

 

 

 

 

Reshma (Singer)

Reshma Ji was born on 1947 in a village of Loha. She belonged to the Hindu musician family. Reshma Ji was a folk singer of Pakistan. She was very talented and had a great voice. Reshma’s Father Haji Mushtaq was a trader of camels and horses. Her family accepted the Islam and then migrated to Karachi after the separation of Pakistan. That time Reshma Ji was only 1 month old. Reshma Ji did not receive the education and sung the songs in the tomb of Sindh Sufi’s since childhood. She started her career from Radio at the age of 12 and her first song was Laal Meri... Reshma Ji participated in the concerts of on Country and Foreign Country also. After the Attaullah Khan Essa Khan Helvi, she got second no. in the cassette industry. In 1980, she diagnosed throat cancer. Her last album released on 2005. Reshma Ji had a very critical condition day by day, so that is why she admitted in the hospital in 6 April 2013. After that, Reshma Ji had gone to coma in October 2013 and finally she died on 3 November 2013. In this page, you can see very great folk singer Reshma Biography In Urdu .

Reshma Singer Biography

Reshma Singer Photo

Dukhtar sehra ki aaaz kaano mein gonjti to yun lagta, jaise waqt aik jagah thehar gaya hai. hawa mein bikhrne wali tamam awazein saakt ho gai hain aur sirf aik he goonj sunai de rahi hai. Is awaaz ka safar aik mazar se shuru hua. Aur dekhte he dekhte wo pori duniya par chaa gai. Un ke pas na he taleem thi aur na he husun ke daulat. Bas awaaz he in un ka sarmaya thi, lekin in ke maddahon mein hukmaran, sarkari officers, filmsaaz, radio aur TV ke producers, naqqad aur duniya bhar mein phele hue beshumar shaiyqeen shamil hain. Aik arsey tak awaaz ki duniya par raaj karne wali yeh bulbul hamesha ke liye khamosh ho gai hain aura b fizaaon mein in ki goonj kabhi nahi sunai degi.

Early Life : Folk singer Reshma Ji 1947 mein bekanir ke aik village Loha mein peyda hui. In ke talluq banjaron ke khandan se tha. In ke walid Haji Mushtaq camels aur horses ki tijarat kiya karte the. Reshma Ji ke qabeele ne Hindu mazhab chor kar Islam qabool kar liya tha aur qeyam e Pakistan ke forun bad he yeh qabila hijrat kar ke Karachi aa gaya. Us waqt Reshma Ji sirf aik maah ki thin. Inho ne baqaiyda school ki taleem hasil nahi ki aur bachpan se he sindh ke soofiya e karam ke mazaron par songs shuru kar diya.

Shohrat ki Janib Safar : Jab Reshma Ji 12 saal ki thin to inhe radio aur TV ke aik producer ne Hazrat Laal Shahbaz Qalander ke mazar par gaate hue dekha aur inhe radio par gane ki dawat di. In ka pehla song Laal Meri……. Radio se nashar hua to dekhte he dekhte in ki shohrat dor dor tak phel gai. Is ke bad resham ne peech murh kar nahi dekha aur bohat jald aap Pakistan ki maqbool tareen lok singer ban gai. Inho ne radio ke ilawa television ke liye bhi lok geet aur ghazlen record karwai aur Pakistan ke sath sath Indian films mein bhi in ke gaaey hue gane shamil kiye gaye. Reshma Ji ne bohat martaba mulk aur beyron e mulk concerts mein bhi hissa liya. In ke cassettes sirf Pakistan mein he nahi, bal ke beyron e mulk bhi hathon hath liye jate hain. Bilashuba cassette industry mein wo maqboliyat ke aitebar se Attaullah Khan Essa Khan Helvi ke bad dosre no.par hain.

Maqbool Geet aur Ghazlen : Yun to Reshma Ji ke gaey hue sab he gaane bohat pasand kiye gaey, lekin in mein se jo bohat ziyada maqbool hue, un ki tafseel kuch yun hai. Dama dam mast qalander……. Haey o rabba nae lagda mera dil……. Sun charkha di mithi mithi kook mahiya menu yaad aaonda……. We mein chori chori aur akhiyon ko rehne de akhiyon de kol kol……. Aakhri gane ko Raj Kapoor ne apni film Bobby mein thori si tabdeeli ke sath shamil kiya. Is ke bol the, akhiyon ko rehne de akhiyon ke aas paas……. Aur ise Lata Mangeshkar ne gaya tha. Gher qanooni guests ki badaulat in ki shohrat padhosi mulk mein bhi pohanch gai. Is ke kafi arsey bad yani 1980 ki dehai mein wo India mein perform karne ke qabil ho saki. Jab dono mulkon ki hukomaton ne fankaron ki aamad o raft par se pabandi hata di. Subhash Ghai ne in ka aik maqbool tareen geet Lambi Judaai……. Apni film Hero mein shamil kiya. Subhash Ghai ne Reshma Ji ko us waqt suna, jab wo pehli bar Bharat ked aura par gai. Is mauqey par Reshma Ji ki mulaqat us waqt ki prime minister Indara Gandhi se bhi hui. Jinho ne in ki awaaz ki bohat tareef ki. Inho ne Raj Kapoor ke ghar munaqid hone wali mehfil mein apni gaeyki ka muzahira kiya aur Subhash Ghai in ki awaaz se itne mutassir hue ke inho ne Reshma Ji se apni film Hero ke liye Lambi Judaai……. Gaane ki farmaiysh kar dali. Yeh song be had popular hua aur is gane ne film ki kamiyabi mein aeham kirdar adaa kiya. October 2002 mein Reshma Ji ne London ki Broni Gallery mein Asian samaiyn ke samne apne fun ka muzahira kiya. 2004 mein Reshma Ji ne Ashkan wi gali wich……. Gaya, jise Bollywood ki film Wo tere Naam tha mein shamil kiya gaya. Is song ka shumar India ke hit songs mein hota hai. January 2006 mein Reshma Ji un musafiron mein shamil thin. Jinho ne Lahore ta Amritsar bus service ke iftetah ke mauqey par safar kiya. 1947 ke bad Punjab ke dono hisson ke darmiyan yeh pehli bus service thi. Pehli bar is mein kul 26 musafiron ne safar kiya. Jin mein 15 sarkari afsaraan the. Jab ke Reshma Ji ne apni family ke liye 7 seats book karwai. India mein aik concert ke mauqey par Reshma Ji ne kaha, agar hum aik dosre ko mohabbat aur izzat denge to duniya ki koi taqat humen nuqsan nahi pohncha sakti.

Aakhri Ayyam : 1980 ki dehai ke aakhir mein Reshma Ji ke galey mein cancer ka inkeshaf hua, tahum inho ne ilaaj ke sath sath apni fanni sargarmiyan jari rakhi. In ke aakhri album 2005 mein release hui. Lekin bemari barhne ki wajah se in ki sargarmiyan mehdood hoti chali gai aur Reshma Ji rafta rafta gosha nasheen ho gai. Dosre fankaron ki tarha Reshma Ji ke aakhri ayyam bhi kasampursi ke aalam mein guzre, go ke inho ne apne shandar career ke dauran bohat paisa kamaya, lekin marte waqt wo khali hath thi. Sabiq sadar Parvez Musharraf ne in ke liye 10 lac rupees ki khusosi grant manzoor ki, ta ke Reshma Ji apna qarza adaa kar saken. Is ke ilawa Parvez Musharraf ne Reshma Ji ke liye 10 thousand rupees monthly wazeefey ke ilawa aik plot dene ka bhi aelaan kiya. Lekin Musharraf ki hukomat khatam hone ke bad is par amal na ho saka. Reshma Ji ki sehat din ba din bigharti chali gai aur inhe 6 April 2013 ko hospital mein dakhil karwa diya gaya. Us waqt Pakistan mein nigraan hukomat qaiym thi. Jis ne Reshma Ji ke ilaaj ke tamam akhrajaat bardasht karne ki zimmedari qabool ki. Tahum October 2013 mein wo coma mein chali gai aur 3 November 2013 ko in ka inteqal ho gaya. Reshma Ji is duniya mein nahi rahi, lekin in ki munfarid awaaz hamesha in ki yaad dilate rahegi. Waise to kisi ke jane se koi farq nahi parhta aur duniya ka karobar yun he chalta rehta hai. lekin resham jaisi awazen roze roze peyda nahi hoti aur in ke inteqal se jo khala peyda hua hai, wo shayad kabhi bhi pora nahi ho sakta.

 

Malala Yousafzai

Registered Voters

Altaf Hussain

Sandy Toofan

Benazir Bhutto

Baldiyati Election 2013

Fozia Wahab

Dollar Rate In Pakistan

Zimni Election 2013

 

Copy Right 2012-2014 www.Meriduniya11.com