Meriduniya11Header
Home>> News

 

 

 

 

Pervez Musharraf

General Pervez Musharraf was born on 11th August 1943 in Delhi. He is 69 years old. General Pervez Musharraf got married with Sehba Musharraf. He has two Childrens, a Son Bilal Musharraf and a Daughter Ayla Musharraf. Pervez Musharraf is a retired general of Pakistan Army. He returned Pakistan after Four years approximately on Sunday 25th March 2013. In this page you will find the News about General Parvez Musharraf In Urdu.

Pervez Musharraf Latest News

Barrister Farrukh Naseem meets to Pervez Musharraf at AFIC and tells him about the details of his application of going abroad and case of treachery on him. Major General Imran Majeed with 7 members medical board inspect Pervez Musharraf and said that his sugar and cholesterol level is high and they would not give him permission to go to his farm house.

Perveez Musharraf News In Urdu

Sabiq Sadder Pervez Musharraf se barrister Farrukh Naseem ne AFIC mein mulaqat ki, jis mein unon ne sabiq Saddar ko ghadari case aur beron e mulk jane ki di gai darkhuwast par tazah sorat e haal se agah kiya. Udhar Musharaf ki janib se musalsal farm house muntaqil hone ka israr kiya jarah hai tahum medical board ne unhein ijazat dene se inkar kar diya hai. mangal ke roz 7 rukni medical board ne Major General Imran Majeed ki sarbarahi mein Pervez Musharraf ka muaina kiya jis mein doctors ki janib se bataya gaya ke guzishta raat se Musharaf ke sugar cholesterol mein batadrij izafa ho raha hai, jis ki wajah se Musharaf ko farm house muntaqil karne ki ijazat nahi di ja sakti jab ke sabiq sadder ko un ke baradar e nisbati Hayat Ullah samet degar aziz o aqarib ne bhi farm house muntaqil na hone ka mashwarah diya hai. Daran e asna Dubai mein Musharaf ki rehaish gah par safai ke bad security ahalkar tainat kar deye gaye, ta ke Dubai mein un ke pohanchne se phele intezamaat mukamal hon.

Pervez Musharraf News

Sabiq Sadar Pervez Musharraf Photo

Police had prepared obedience report of arrest order of Pervez Musharraf. IG Islamabad had submitted the report in court. The workers of APML and MQM had a protest in favor of Pervez Musharraf in Islamabad. On Thursday, leaders and workers of APML had protested in Karachi, leaders of APML said that Pervez Musharraf was an Ex Army Chief and he is not coward, and he is not afraid to face any court case, he is seriously ill and that is why he is in hospital.

 

Perveez Musharaf News In Urdu

Police ne ghadari caes mein Pervez Musharraf ki warrant giraftari ke liye tamili report taiyar kar li hai, IG Islamabad ne Jume (Friday) ko khososi adalat mein report pesh ki, sabiq Saddar ki adalat mein hazri doctoron kiray se mashrot thi. Tamili report mein Rashid Quarishi ki janib se jama karaye gaye zamanti machalkon ka bhi zikar hai. All Pakistan Muslim League aur MQM ke karkunon ne Islamabad mein Pervez Musharraf ke haq mein muzahirah kiya aur nare bazi karte rahe. Pervez Musharraf ke wakel Ahmed Raza Qusori ka kehna hai ke Perveez Musharaf ki adalat peshi ke hawale se fasle kar leye gaye hain.

Sabiq Saddar ke qarebi sath Doctor Amjad Pervez ne bataya ke Perveez Musharaf ki tabiyat theek nahi,khososi adalat ne ghadari case mein Perveez Musharaf ko jume ko adalat mein pesh hone ka hokum diya tha. All Pakistan Muslim League Karachi ki janib se jumeraat ko Perveez Musharaf par jhute muqadamat qaim karne ke khilaf Karachi press club ke bahar alamati bhook hartaal ki gai, jis mein All Pakistan Muslim League ke alhaj Shamim Uddin, Imran Ghuri, Faroq Qurashi aur degar rahnumaon ne shirkat ki. Is moqe par media se guftugo karte howae APML ke rahnumanon ne kaha ke Perveez Musharaf aik foji general rahe hain wo muqadamat se ghabrane wale nahi, bemari ke bais hospital mein dakhil hain. Un ki kirdarkushi ke leye media trial kiya ja raha hai jis ki hum muzamat karte hain. In rahnumanon ne mutalba kiya ke Perveez Musharaf ke khilaf article 6 ke tehat qaim jhote muqadame ko khatam kar ke unhein fori riha kiya jaye.

Pervez Musharraf

In case of perfidiousness against Perveez Musharaf Court has given exception from Court for one day. DIG Security said that we had shifted Perveez Musharaf to hospital from the permission of Chaudhary Nisar. The special Court has postponed for 6 January 2014.

Perveez Musharaf News In Urdu

Sabiq Sadder Perveez Musharaf ke khilaf ghadari muqadme ki Islamabad ki khososi adalat ke Justices Fasil Arab ki sarbarahi mein teen rukni bench ne samat ki. Samat ke doran Parveez Musharaf ke wakeeel Anwar Mansor ne adalti karwai ka boycott kar deya. Perveez Musharaf ke dosre Wakeel Rana Ijaz ne khososi adalat ko bataya ke hukumati wakeel Akram Sheikh ne sabiq sadder Perveez Musharaf ko jute marne ki dhamki di hai. Perveez Musharaf ke wokla ke ghadari case mein apne mukil ki adalat mein hazri se istasna manga jis par adalat ne Musharaf ko sehat ke pesh e nazar aik roz ke leye hazri se istasna de deya.

Special prosecutor Akram Sheikh ne is muqe par Musharaf ke warrant jari karne ki darkhuwast ki jise adalat ne mustarad kar deya. Musharaf ke wakeel Barrister Saif ne kaha hai ke adalat ne Musharaf ki sehat ko mad e nazar rakh kar aik roz ke leye istasna deya hai. DIG security Jan Muhammad ne bataya ke sabiq sadder ko Wazir e dakhla Chaudhary Nisar ki ijazat se hospital muntaqil kiya hai. Ghadari case mein khososi adalat ne case ki samat 6 January tak multavi kar di.

Altaf Hussain Ki Appeal

Leader of MQM Altaf Hussain has expressed his worry for Perveez Musharaf’s illness and he appeal from people that pray for his health.

Perveez Musharaf Ki Sehatyabi Ke Liye

Altaf Hussain Ki Appeal

MQM ke quaid Altaf Hussain ne sabiq sadder Perveez Musharaf ki alalat par tashwish ka izhar karte howae un ki jald sehatyabi ke ley dua ki hai. Altaf Hussain ne awam se bhi appeal ki hai ke wo sabiq sadder Perveez Musharaf ki sehatyabi ke leye dua karein.

Chaudhry Shujaat Hussain

Chaudhry Shujaat Hussain has said that an Army chief will never be perfidious. Word perfidious is used for a person who cheat country with enemies and it is not good to use it for an ex chief of Army. It is not sensible to mix the case of Perveez Musharaf with his illness. He said that Musharaf had toke advice about emergency with every one and this statement is not in favor of Musharaf but it is fact.

Army Chief Ghaddar Nahi Ho Sakta

Chaudhry Shujaat Hussain

Pakistan Muslim League ke sadder senitor Chaudhary Shujaat Hussain ne kaha hai ke Army chief ghadar nahi ho sakta. Media se guftugo karte howae ghaddari ke muqadme ke bare mein sawal par kaha ke ghadari ka lafz us ke leye istemal kiya jata hai jo mulk dushman se mil jaye, use Pak foj ke sabiq sarbarah ke leye istemal karna munasib nahi. Unhon ne kaha ke General Perveez Musharaf ke khilaf case ko un ki bimari se nahi milana chaheye, is case se kuch nahi nikle ga ye aik siyasi case hai is muqe par is ki zarorat nahi thi main mahir e qanon nahi lekin un ke wokla ka muqif hai ke un ke khilaf case ki samat foji adalat mein honi chaheye.

Chudhary Shujaat Hussain ne kaha ke dil ki taqlif zaror hoi ho gi lekin ab wo khatre se bahar hain. Unhon ne kaha ke mulk ka assal masla mehangai hai.unhon ne emergency par mashware ke bare mein sach bola ke Perveez Mushraf ne sab se mashwarah kiya tha ke aain, mulk aur awam ke tahafuz ke leye hai aur is mein makhsos halat mein emergency lagane ka ikhteyar hai, mera bayan General Musharaf ki himayat ki baat nahi balke main ne usosli baat ki thi. Unhon ne Army aur awam mein General Perveez Musharaf ki himayat ke bare mein kaha ke un ke bayan ki foj ki janib se tardid nahi ki gai ye to wohi bata sakte hain.

Sheikh Rasheed

The leader of Awami Muslim League Sheikh Rasheed has said that if Army has decided that they will send Perveez Musharaf from out of the country then no one will have the power to stop. He said that politicians should avoid giving any remarks against him. He also said that the application of article 6 is from 12 October and not only from 3rd November and General Kiyani and Iftikhar Muhammad Chaudhary is also tainted in that.

Agar Foj Ne Musharaf Ko Bahar Bejhna Ka Fasla Kar Liya Hai To Unhein

Duniya Ki Koi Taqat Nahi Rok Sakti (Sheikh Rasheed)



Awami Muslim League ke sarbrah aur sabiq Wifaqi Wazir sheikh Rasheed Ahmed ne kah haike agar foj ne Musharaf ko bahar bejhna ka fasla kar liya hai to unhein duniya ki koi taqat nahi rok sakti. Siyasat danon ko un par nashtar chalane se gurez karna chaheye. Foj ki hamdardi ke bare mein un ka bayan durust aur Khuwaja Asif ki ray ghalat hai. Musharaf ka siyasat mein kirdar ho ya na ho amgar Nawaz Sharaf ko phansane mein kirdar zaror hai. sheikh Rasheed Ahmed ne kaha ke mazi mein sabiq sadder Asif Ali Zardari bhi adalat se bhagte rahe aur taweel arsa gale par colar laga kar phite rahe unhon ne kaha ke siyasat danon ko nashtar chalane se gurez karna chaheye.us waqat se darein jab aap par esa waqat aaye.

Is waqat aksar siyasat dan 60 se upper ho chuke hain aur un mein se aksar dil ke mariz hain jinhon ne apne apnea lag medical aur social group bana rakhe hain. Unhon ne kaha ke Perveez Musharaf ko zaror adalat mein pesh hona chaheye lekin article 6 ka italaq 3 November se nahi balke 12 October se hona chaheye is mein 872 afrad mulawis hain. Un mein General Kiyani aur Iftikhar Muhammad Chaudhry bhi shamil hain. Sheikh Rasheed ne kaha ke Perveez Musharaf ko umar qeed ho ya phansi unhon ne bahar hi jana hai.

Dehshat Gardon Ki Dhamki Kay Bawajood

Pervez Musharraf Pakistan Aagaye

All Pakistan Muslim League ke sarbarah aur sabiq Sadar General Pervez Musharraf ne kaha hai ke Pakistan ke halaat dekh kar aaj mera dil khoon ke aansoo rou raha hai. Jo mehfooz Pakistan chor kar main gaya tha, aaj dobara watan wapsi ke bad halaat dekh kar andaza hua hai. Hukmarano nw mulk ko andherey mein dhakeyl diya hai, lekin hamare hausley pur azam hain. INSHA’ALLAH all Pakistan Muslim League ke platform se Pakistan ko Quaid-e-Azam ka Pakistan banaenge. Fauji hoon kisi se ghabraney wala nahi aur na he kisi ki dhamkiyon se darta hoon. Dehshat gardon ki dhamkiyon ke bawajood Pakistan aya hoon. Ab pore Pakistan mein he rahonga. APML aaiynda intekhabat mein bharpoor hissa legi aur mulk bhar mein barhe siyasi jalsey kiye jaenge. Karachi kisi aik qaum ka nahi, bal ke pore mulk ke rehne walon ka shehar hai. Karachi ki ronaqon ko dabara bahaal karenge. In khayalaat ka izhaar inho ne 4 saal ki jila watni ke bad watan wapsi par Sunday ko Karachi Airport ke Terminal 1 ke bahar apne istaqbaal ke liye aane wale hazaron afraad ke awami ijtemaa se khitaab karte hue kaha. Is mauqey par APML ke senkaron rehnumaa aur karkunaan bhi maujood the. Jinho ne Pervez Musharraf ki tasaveer utha rakhi thin.

Faisla Atal Hai, Kisi Say Nahi Darta Tamaam Rokawatain Tor Kar Pakistan

Aaraha Hoon

Pakistan iss waqt nazuk daur se guzar raha hai Mulk ka mustaqbil maqdosh nazar aaraha hai ab siasi tabdeli ka waqt hai. Sab Se Pehle Pakistan ke bare mein shochna hoga sabiq sadar Pervez Musharraf Kahuta mein jalsa e Aam se telephonic khetab. Mulk ke kher khuwan bahot se dost mumalik Pakistan ko mushkilaat se nikalna chahte hain jin ki mujhe bharpor himait hasil hai. Mulki aur bearoni karzon se nijat delane ke lia Watan wapas laut raha hoon .

sabiq Sadar Pakistan (R) General Pervez Musharraf ne All Pakistan Muslim Leage tehseel Kahuta ke sadar Raja Waseem Akhtar Janjowa ki janib se aik bare Kahuta munaqad kiye huwe ijtema se telephonic khetab mein aalan kiya ke mein 24 March ko har haal mein tamaam rokawatain toor kar Pakistan ayon ga. Karachi Airport per utroon ga mujhe giraftar karne aur bebunyad case tayar kiye jarahe hain. Mera Pakistan wapsi ka faisla atal hai. Kisi se nahi darta har haal mein kal Pakistan aayon ga. 5 saalon ke dauraan Pakistan mein bigly, gas ka buhraan raha mayesat tabah ho gaye. Dollar 60 rupee se 100 ko bhi cross kar gaya.

Dehshatgardi ka silsila urooj per hai. General Pervez Musharraf ne apne telephonic khetab mein kaha ke mein kal har haal mein Pakistan ayon ga. Karachi aamad ke fhori baad Rawalpindi, Islamabad mein mera barda jalsa ho ga. Pervez Musharraf ne kaha ke hum sab Musalman hain aapas mein aik dosre ke kehlaf fatwa dekar hum kisi ka faida nahi kar rahe hain. General (R) Pervaiz Musharraf ne mazeed kaha ke ab siasi tabdeli ka waqt hai. Moqay ki nazakat samajh kar tabdeli layein tab hi baat aagay chale gi.

Alawa azeen Sabiq Sadar Pervez Musharraf ne kaha hai ke 24 March 2013 ko har haal mein Pakistan ayon ga iss baat mein kisi ko shak nahi hona chahiye, Mulk ke kher Khaw aur dost Mumalik Pakistan ko Mushkilaat se nikalna chate hain jin ki mujhe bharpor hemayat hasil hai, Mulk ko mulki aur berooni karzoon se nijat ka azam lay ker watan laut raha hoon, dobara iqtedar mila to Mulk o Qaum ko roshan mushtaqbil aur khushali ki naweed don ga, hamari party ke moyashe iqdamaat tajiron ke lia umeed ki roshni sabit hoon gay, tajiroon ko karachi air port par istaqbal aur mulaqaat ki dawat deta hoon, in keyalaat ka izhar unhoon ne guzishta roze Aaram Baagh furnisher market mein All Pakistan Muslim League ke Information secretary Syed Muhammad Ali Jafri ki qiyadat mein All Karachi Tajir itehad ke uhdadaraan se mulaqat ke liye aane wale wafad ki mojodgi mein phone per khetab karte huwe kaha.

Sabiq Sadar Gerneral Pervez Musharraf apne khetab mein mazeed kaha ke mulki khazana lootne walay mulk mein dandanate phir rahe hain phir kis tara mumkin hai ke corruption se pak hukumat karne ke bawajood mujhe koye Pakistan aane se rok sakey, Pervez Musharraf ne kaha ke deal ke bajaye saaf kirdar ki bunyad per wapas aa raha hoon. Mujhe wapsi ke liye kisi NRO ke chor darwaze ki zarorat nahi, tajir brodari gujista do hukumaton ke adwar ka moyazna kare hamari karkardagi waza toor per nazar aajaye gi. karkardagi ki bunyad par apne vote ka haq inshaf aur diyanatdari se ada karein. Sabiq Sadar Pervez Musharraf ne tajir rehnuma Atiq Mir se bhi phone per baat ki.

 

 

 

Copy Right 2012-2014 www.Meriduniya11.com