header
Home>News  

 

 

 

 

MQM Youm e Sog

MQM announced mourn on Saturday in Sindh. MQM requested all traders, shopkeepers and transporters to shutdown their business in protest against irregular killing of MQM workers in Karachi. They requested Prime Minister Muhammad Nawaz Sharif, President Mamnon Hussain and Minister of Interior affair Chaudhary Nisar Ahmed to take some action against the killing and kidnapping of MQM workers. The leader of MQM Haider Abbas Rizvi said that the killing of Mohammad Salman was 10th murder of targeted killing of Karachi operation. He said we oppose the tyrannical actions against MQM workers. In this page, you will read MQM Youm e Sog In Urdu.

MQM Rabita Committee Press Conference

MQM ki rabita committee ke rukun Syed Haider Abbas Rizvi ne aik Press Conference mein MQM ke karkunan ke mawaraye adalat qatal ke waqeyat par hafte ko Karachi samet Sindh bhar mein “youm e sog” ka elan kiya tha aur tamam tajiron, sanatkaron, dukandaron aur transporters hazrat se appeal ki hai ke MQM ke karkunan ke mawaraye adalat qatali ke afsosnak waqeyat par hafte ko apna tamam karobar aur transport mukamal tor par band rakhein aur Youm e soug manane ka ilaan kiya . Unhon ne mulk ki aala adliya, sadder e Pakistan Mamnon Hussain, Wazir e Azam Muhammad Nawaz Sharif, Wifaqi Wazir e Dakhla Chaudhary Nisar Ahmed se mutalba kiya ai ke Korangi sector ke karkun Muhammad Salman ke mawaraye adalat qatal samet MQM ke karkunan ki giraftariyon ke bad un par insaniyat soz bahimana tashadud aur mawaraye adalat qatal ke waqeyat ka notice liya jaye aur mawaraye qatal ki wadaton mein mulavis sarkari ahalkaron ke khilaf sakht tareen karwai amal mein lai jaye, Muhammad Salman Shahed ke qatal mein additional IG Shahid Hayat ke khilaf FIR darj ki jaye aur lapata karkunan ki bazyabi ke leye thos bunyadon par aqdamat baro e kar laye jayein aur un ki bazyabi ke leye Balochistan ke lapata afrad ki tarz par alehdah commission tashkeel diya jaye. Ye mutalbat unhon ne arakeen e rabita committee senator Nasreen Jalil, Amir Khan, Adil Khan aur Waseem Akhtar ke humrah Khursheed Begam Sectariate Azizabad mein press conference se khibat ke doran kiya. Unhon ne kaha ke karachi targeted operation ki shafafiyat ko baqarar rakhne ke leye Wazir e Azam aur Wazir e Dakhla ki hidayat ki roshani mein aik monitoring comity banai jati jo is operation ki nigrani karti lekin tahal esa kuch nahi kiya gaya aur targeted operation ka tesara hissa baqi do hisson se sakht hota ja raha hai.

Unhon ne kaha ke Wazir e Azam Pakistan Muhammad Nawaz Sharif aur Wifaqi Wazir e Dakhala Chuadhary Nisar ke mutadid bayan record par hain jis mein unhon ne kaha hai ke Karachi targeted operation jaraim pesha anasir ki sarkobi ke liye kiya ja raha hai aur is ki zad mein koi bhi behgunah nahi aaye ga. Un ke bayanat ke bawajod MQM ke 10 karkunan isi operation ke doran giraftari ke baad mawaraye adalat qatal kar deye gaye aur 45 rakunan lapata hain. Unhon ne kaha ke MQM ke siyasi rakunan aur begunah o masom shehriyon ko is operation ki chakki mein pisna par raha hai, humre rakunan giraftariyon ke bad tezi se lapata ho rahe hain. Unhon ne kaha ke MQM ke rakunan mawaraye adalat qatal kiye ja rahe hain aur aaj mawaraye adalat ka daswan (10th) waqeya hai, MQM ke rakun Muhammad Salman ki dardnak shahadat jis par insaniyat soz tashadud kiya gaya. Unhon ne bataya ke Karachi targeted operation ke baad MQM ke 40 aur operation se phele 5 karkunan lapata kiye gaye. Haider Abaas Rizvi ne Muhammad Salman par insaniyat soz bahimana tashdud ki zundah taswerein media ke numaindon ko dikhate howae kaha ke hum ahal e johar o jafa ko batana chahate hain ke Muhammad Salman samet MQM ka koi bhi rakun lawaris nahi hai. Unhon ne kaha ke Muhammad Salman aik peer se mazor the jo civil hospital mein time keper ki nokiri karte the aur apne bhatije ke humrah rozana baqaidgi se apni duty par jate the. Unhon ne insani hoqoq ki tanzimon se bhi appeal ki hai ke wo MQM ke karunan par bahimana tashadud aur unhein mawaraye adalat qatal karne ke waqeyat ka notice len aur is zulm o sitam ke khilaf apna ahtejaj record karaein.

MQM Leader Altaf Hussain

Leader of MQM Altaf Hussain opposes the killing of Muhammad Salman worker of MQM in hard words. He requested to Prime Minister Nawaz Sharif and Interior Minister Chaudhary Nisar to take action against the irregular killing of MQM workers.

Altaf Hussain Ki Muzammat

MQM ke quaid Altaf Hussain ne MQM ke Korangi sector unit 75 ke karkun Muhammad Salman ke mawaraye adalat qatal ki shadid alfaz mein muzamat ki hai. Aik bayan mein Altaf Hussain ne kaha ke guzishta char (4) mah se MQM ke begunah karkunon aur hamdardon ke mawaraye adalata qatal ka silsila jari hai aur aaj tak kisi bhi begunah karkun ke mawaraye adalat qatal ka koi notice nahi leya gaya. Unhon ne kaha ke Salman Noor Din ko sadah libas mein malbos sarkari ahalkaron ne 3 February ko un ke bhanje ke humrah giraftar kiya tha aur mangal ke roz 4 February ko wo Landhi Shah Latif thane ke elaqe mein murdah halat mein paye gaye. Postmortem report ke mutabiq Muhammad Salman ke donon testicles nikal leye gaye the aur un ki garden ki hadi toti hoi thi jo is baat ka sabot hai ke hirasat ke doran Salman ko wehshiyana aur insaniyat soz tashadud ka nishana banaya gaya hai. altaf Hussain ne Wazir e Azam Muhammad Nawaz Sharif, Wifaqi Wazir e Dakhala Chaudhary Nisar se mutalba kiya hai ke MQM ke begunah karkunan o hamdardon ke mawaraye adalat qatal ke waqeyat ka sanjidgi se notice liya jaye.

 

More Links

 

Copy Right 2012-2014 www.Meriduniya11.com