Meriduniya11 Header
Home>News

 

 

 

 

Mamnoon Hussain

Mamnoon Hussain was born on 23rd December 1940 in Agra, India. His family was moved on Pakistan in 1949 after separation. Mamnoon Hussain received his early education from his Home. He passed the Matric Examination in 1958 from Private. In 1963 he received the degree of B.con Honors from Government Commerce College and then he received the degree of MBA from Institute of Business Administration in 1965. Mamnoon Hussain has three Sons. He belongs to Muslim and very respective family. Mamnoon Hussain selected in Muslim League as a Joint Secretary in 1967. Now he is the President of Pakistan. He received 432 Votes for the president of Pakistan. In this page you will find the information about our new President Mamnoon Hussain Biography In Urdu.

Mamnoon Hussain Biography In Urdu

Mamnoon Hussain Photo

Pakistan Muslim League N ke sadarti umeedwar Mamnoon Hussain ne 23 December 1940 ko Hindustan ke city Agra mein aik riwayati Musalman mazhabi gharane mein aankh kholi. Qiyam e Pakistan ke bad in ka khandan 1949 mein Pakistan muntaqil hua. Unho ne ibtedai taleem ghar par he hasil ki, deeni aur dunyawi taleem ki garz se aap ke walid Haji Azhar Hussain ne ghar mein taleem dilane ke liye arbi, angrezi, farsi , tareekh, riyazi, algebra aur khush nawesi mein maharat rakhne wale behtreen usatzaa ki khidmat hasil ki. Mamnoon Hussain ne 1958 mein private hesiyat se Matric ka imtehan pass kiya. 1963 mein Karachi University ke matehat Government Commerce College se B.com honors ki degree hasil ki aur 1965 mein institute of business administration “IBA” Karachi se MBA ki degree hasil ki. MBA karne ke bad Mamnoon Hussain walid sahib ke sath business mein shamil ho gaey aur 1983 mein textile ke business se wabasat hue. Mamnoon Hussain ke 3 betey hain. In ka gharana aik riwayati aur musalman gharana hai. Unho ne aik karkun ki hesiyat se apni siyasat ka aaghaz kiya.

1967 mein Muslim League ke us waqt Joint secretary muntakhib hue, jab maroof siyasatdaan aur Pakistan ke sabiq wazeer e kharjaa Zain Norani Karachi Muslim League ke saddar the. 19 June 1997 ko Governer Sindh ke Musand par faiyz hue. Mamnoon Hussain Muslim league N Sindh ke soobai general secretary bhi rahe. Pakistan Muslim League N ki janib se sadarti mansab ke umeedwar Mamnoon Hussain middle class se talluq rakhne wale Tajir aur gher sargaram siyasi shakhsiyat rahe. 1993 mein jab Paksitan ke us waqt ke sadder Ghulam ishaaq Khan ne Miyan Nawaz Sharif ki hukoomat bartaraf ki to in he dinon Mamnoon Hussain Sharif brothers ke qarib hue. Aur bad mein wo Muslim League Sindh ke qaiym maqam sadder samet deegar auhdon par faiyz rahe. Mamnoon Hussain 1997 mein Sindh ke wazeer e aala Liaquat Jatooi ke musheer rahe, 1999 mein inhe governer muqarrar kiya gaya, magar sirf 6 Maah bad he Miyan Nawaz Sharif ki hukoomat ka takhta ulat gaya aur wo mazool ho gaey. Karachi ke ilaqey Jama Cloth Market Bandar Road par Mamnoon Hussain kaprhe ki tijarat karte rahe hain. Isi area mein in ka ghar bhi tha. Bad mein wo shehar ke posh area Defence muntaqil ho gaey.

Mian Nawaz Sharif ke daur e aseeri aur jila watni ke bad Muslim League Nawaz ke aehtejaaj mein Mamnoon hussain shaz o nadir he nazar aate the. In ka kidar intehai gher mutahrik raha. Miyan Nawaz Sharif ki watan wapsi ke bad Mamnoon Hussain dabara manzar e aam par aae. Unhe Muslim League nawaz ke Jalsey aur julooson mein inhe kabhi khitab karte nahi dekha gaya. Albatta in ki taqreer siyasat ke bajae Miyan Sahab ki shakhsiyat ke gird ghomti thi. Khayal rah eke Muslim League N ne Karachi se talluq rakhne wali qiyadat ka dosri bar intekhab kiya hai. 18 aaiyni tarmeem ke bad sadder Pakistan ka kirdar riwayati ban chukka hai. Tajziyah nigaron ka kehna hai ke Muslim League N is se Urdu bolne wali communities aur tajiron ko yeh peygham dena chahti hain ke unho ne in ke numaiyndey ka intekhab kiya hai. Kaha jata hai ke Miyan Nawaz Sharif ke liye Mamnoon Hussain bhi rafeeq tarhar ki tarha bezarar aur farmaa’nbardar sadder sabit honge.

 

Altaf Hussain

Zulfiqar Ali Bhutto

Benazir Bhutto

Nawaz Sharif

Pervez Musharraf

Imran Khan

Fozia Wahab

Bashir Khan Qureshi

Raja Pervaiz Ashraf

Barack Obama

 

Copy Right 2012-2013 www.Meriduniya11.com