Header
Home>> News  

 

 

 

 

Lehri ( Safirullah Siddiqui )

Lehri was born on 2nd January 1929 in Kanpur India . His real name is Safirullah Siddiqui. He was a great film actor and Comedian in film industry of Pakistan. He had Diabetes and Asthma problem. Lehri worked in many super hit films. He was first Comedian in Pakistan film Industry. Lehri received the award of Pride of Performance from Government of Pakistan. Lehri died on 13 September in Karachi at the age of 83. In this page you will find information about the Legend Lehri Comedian in Urdu and Roman Urdu.

Pakistani Actor Lehri In Urdu

Pakistani actor Lehri Photo

Pakistani actor Lehri 2 January 1929 British India ke shehar Kanpur mein paida (birth) huye aur guzashta roz 13 September 2012 ko Karachi ke maqami hospital mein inteqal ker gaye. Lehri kaye baras se bemar thay. 1983 mein Bangkok mein film ki aks bandi ke dauran hotel ke room mein unper falij ka hamla huwa tha. Kai arse tak diabetes aur asthma (sans) ke arzey mein mutala rahey. Diabetes ki waja se unki aik tang bhi kat di gaye thi. Iss ke bawajood bohot ba himmat aur jurat mandi se zindagi basar ker rahe thay. Bay shumar filmon mein mukhtalif yadgar kirdar kiye. Film “Raat Ke Rahi” mein Shamim Ara ke sath hero bhi aye.

Pakistani Comedian

Adakar Lehri woh pehley Pakistani mazahiya funkar they, jihon ne film mein makalati mazah ki bunyad dali. Bila shuba Lehri apne iss judagana mazahiya andaz ke be taj badshah they. Yahi waja thi ke Lehri baqi tamam Pakistani mazahiya adakaron mein sab se ziada munfarid rahe. Mazah ke hawaley se Lehri ka kahna tha ke “Aik maskharey ya kartoon ba alfaz deegar joker aur comedians mein farq hona chaey, hum ne ziada tar apni filmon mein comedian ko joker ke roop mein pesh kia, halanke joker aur comedian mein bohot farq hai aur isse humarey film sazon ko samajhna chahiye.”

Pakistani Film Star

Pakistani actor Lehri film “Do Baaghi” mein panch kirdar keye jo aik munfarid record hai. Jab Lehri sahib ko hukumat Pakistan ki janib se Sadarti Husn e karkardagi award mila tha, un dino un se pocha ke Sadarti award hasil ker ke kaisa lag raha hai? to Lehri Sahib ne berjasta jawab diya “Sadarti award us waqt mila jab husan baqi hai aur na kar kardagi."Lehri akhri sanson tak doston aur azizon se mazahiya jumlon ka tabadla ker tey rahey. Pichley kai dino se hospital mein ventilator per zinda they. Jumarat ki subah jaise hi ventilator se alag kia giya, woh khaliq e haqiqi se ja milay. Lehri ke inteqal se sanjeda mezah ka aik sunahra daur khatam ho giya.

Lehri ka asal nam Safirullah tha. Ibtedai taleem Sistem Dharam School Kanpur se hasil ki. Qayam e Pakistan ke bad Karachi agaye ibtedai rahaish Karachi ke baronaq ilaqey Burns road per waqa aik bulding mein ikhtayar ki. Lehri ki umer us waqt 17 saal thi. Karachi aney ke bad unhon ne aik type writing school se typing sekhi aur mehkama e janglat mein batour typist molazmat ker li. Iss ke bad Lehri ne stenography ka corse kia aur sarkari molazmat ko chor ker aik private company mein do saw pachatter (275) rupey mahwar per steno typist rakhkay gaye. Lehri ne apni funni carrier ka agaz stage se kia. Islamia College Karachi ke aik (salana) yearly function mein unhon ne apne doston ki farmaish per aik khaka “Mareez e Ishq” ke nam ke istage per pashe kia. Iss khakey mein aik buddah bimar hoker hospital mein dakhil hota hai aur wahan ki khoob roo nurs ke ishq mein griftar ho jata hai. Iss budhe mareez ka kirdar Lehri ne bari khubi aur maharat se ada keya. Apni kamyab performance ke bad Lehri ne baqaeda tour per adakari kerne ka arada kia.

Lehri ke filmon mien aney ka qissa kuch iss tara hai. ke unke aik adakar dost Abu Shah unhein aik din Shaikh Hassan Latif Al Maroof Lahchu Saith se milwaney ley gaye, jo in dino aik nai film “Anokhi” suro karne wale they "Anokhi" ke leay Bharati adakara Sheila Ramani cast kia jana tha. jaise hi Lehri ko maloom hua ke Sheila Ramani is ki heroin hain Lehri ne foran “Anokhi” mein kam ker ne ki hami bhar li Lehri ki derina khahish thi ke woh Sheila Ramani Ke qareeb se dekhein aur "Anokhi" ke zareay un ki yeh khahish pori ho gae “Anokhi” mein Lehri ne barey munfarid andaz mein comedy ki. Woh mukalme boltey huay khch iss tara chenkte ke film bino ki hansi chut jati. Ye film 1956 mein release huye. Magar Iss ke bad Lehri ko Kisi aur film ki offer nahi hue aur unhon ne aik Embassy mein bator steno graphy mlazmat ker li. yeh molazmat bhi unhon ne jald hi chor di.

Iss ke bad maroof shair Fayaz Hashmi ne unhein Lahore aney ki dawat di aur woh Lahore chaley gaey.1958 mein hidayat kar Murtaza Changezi ki film “Dil Mein Too” mein unhein aik mokhtaser kirdar mila. 1959 mein Hidayatkar Jafer Bhokhari ki film “Faisla” aur Rafiq Rizwi Bapo ki “Sawera” mein bhi Lehri ne adakari ke jouhar dekha. Lahore mein Ratan Kumar, Darpan,aur Aga Talish ne Lehri ki bari hosla afzai ki. Nazar aur Zareef jaisey buland paya mazahya adakaron ke darmian Lehri jaisey naye funkar ko apnei jaga banana itna asan na tha. Magar unhon ne yeh mushkil kam ker dekhaya.

Lehri ghalban pehley adakar they, jin hon ne three pees sot aur tai laga ker comedi ki. 1960 mein Ratan Kumar ki “Alladdin ka Beta” hidayat kar Iqbal Yousuf ki “Raat Ka Rahi” aur AH Siddiqi ki “Insaf” se Lehri ko ibtedai kamyabian milein 1961 mein Pakistani cenima ke Chakleti Hero Waheed Murad ne jab filmi duniya ba tour film saz “Insan badalta hai” bana ker qadam rakha to iss film mein Lehri ki shandar mazahya adakari ne aam ko be had motasir kiya Lehri ko iss film mein behtareen adakar ka pahla Nigar Award bhi diya gaya.

    Lehri ne “Anokhi “1956 se apni akhri realize honey wali film “BaBu” 2001 tak taqreban 220 filmon mein mazahya adakari ki Lehri ne ziyada ter Urdu filmon mein kam keya aur apney purey filmi carrier ke dauran sirf teen Punjabi filmon mein adakari ki Lehri ki pehli Punjabi film Hidayatkar S M Sulman ki “yar Dost”thi jis mein Mohammed Ali, Fordous, Akmal Nagma ne bhi markazi kirdar ada ke jab ke Punjabi film honey ke bawajood Lehri ke tamam makalme Urdu hi mein they iss ke bad unhon ne hadayat kar Luqman ki Punjabi film “DoHatti” mein pehli aur akhri bar Solo Hero ka kirdara ada keya yeh Lehri ki sahee mano mein Pehli aur akhri Punjabi film thi is mein unhon ne baqaeda Punjabi zaban bolo iss film mein un ke moqabil Heroen ka kirdar Nil one ada keya iss film ki aik dil chusp bat yeh thi ke iss mein apney zamaney ke do Super Istar Hero Santosh Kumar aur Mohammed Ali ne Lehri ke moqabil side kirdar ada keya.

Do shiza, Susral,Ishq per Zor nahien , Anchal, Jab Se Dekha hai Tumhein, Daman, Qatal ke Bad, Zamana kaya kahey ga, Baji, Toba, Paigam, Aisa bhi hota hai, Kaneez, Shabnam, Ashyana, Agg ka darya, Agg, Main woh nahein, Dewar Bhabi, Doosri mann, Mahal, Dil mera dharkan teri, Sathi, Mera ghar meri jannaat, Ladla, Nai Laila naya majnoo, Aik Nagina, Anjuman, Nauren, Road Too Sawat, Ghirasti, Tahzeb, Ahsas, Meray Ham Safar, Sehrey ke Phool, Tawan, Nilam, Dil lagi, Bahishi, Do sathi, Zanjir, Bin badal barsat, Roushni, Payar ka mosam, Shararat, Koshish, Dekha jaey ga, Ajj aur kal, Uff yeh bewiyan, Amber, Ashyana, Prince, Naya Andaz, Saima, Biwi ho to aysi, nadani Tere ghar ke samney, aur Hal chal wagaira ka shumar Lehri ki yad gar filmon mein hota hai apni jawani ke dour mein Lehri ne film saz Ilyas Kashmiri ki film film “Ishq per zor nahien” mein aik lalchi budhdhey munshi ke kirdar mein haqeeqat ka woh rang bhara ke log ajj tak yad ker tey haien issi tara unhon ne “Ashyana” mein Habib aur Kamal ke burhay bap ke kirdar mein bari jan dar per for mence di Lehri ke old carecter mein hadayat kar Laiq Akhter ki film “Norin” ka tazkira kerna bhi  zaruri hai iss film mein Lehri ne pehli aur akhri martaba trejdi adakari kit hi yeh aik majboor aur be kas bap ka kirdar tha jo apni jawan betyon ki shadi ke leyeh apne sab kuch dao per laga ker unke leyeh jahez bana ta hai aur aien shadi ke moqa per dakoo sara asbab loot ker le jata hai  aur iss sadmey se woh majboor bap pagal ho jata hai Lehri ne iss film mein pahli martaba jazbati aur sanjeda adakari ker ke film bino ko mahu hairat zaroor kia magar un ka yeh trejdi andaz awam ne mustard ker diya aur”Nourin” aik bahtarin film honey ke bawajood flop ho gae” Nourin”ki nakami ke bas Lehri kisi aur film mein sanjida adakari na ker sakey taham “Nourin” ko Lehri ki zindagi ki aik yadgar film qarar diya ja sakta hai.

   Apni mazahya adakari ke hawaley se Lehri ko Agg ka Darya, Nai Laila Naya Majnu, aur "Road to Sawat" ziada pasand thein mazahya adakari mein Lehri apney alawa Manawar Zarif ko bhi bohot pasand ker tey they iss ke alawa moien Akhter ke bhi maddah they film stars mein unhein Mohammed Ali, Waheed Murad, Nadeem aur Nayyar Sultana bhate they. film “Agg ka Darya” mein Lehri ne aik Sindhi munsgi ka kirdar bari umdagi se nibhaya tha. Iss kirdar mein Lehri ne Sindhi lab o lahja mein aisey ber jasta aur fit jumley boley the ke woh kirdar logon ko muddaton yad rahey ga Hayatkar Hasan Tariq ne Lehri se hamesha achcha kam lea, bator khas film “Devar Bhabhi” mein Lehri ne RAni ke kanjoos amir bap ke kirdar mein lajawab mazahya adakari ki iss tara “ Mera Ghar Meri Jannat” mein drai clenerz shop ke balck melar malik ka kirdar bhi logon ko pasand aya Hasan Tariq ki super hit “Anjuman” mein Lehri ne tawaif zadi ke paigam rasan ke kirdar mein bhi naqabil faramosh per for mence di thi.

     Iss tarah S Suleman ki film “Aaj aur Kal” mein bhi aik lalchi bap ka kirdar aur “Uff yeh Biwiyan” mein Shahid ke sharabi dost ka kirdar bhi Lehri ke carrier ka yadgar kirdaron mein hota hai. Phir Mohammed Javed Fazil ki film “Saima” mein mistri ka kirdar bhi Lehri ne bari khubsoorti ke sath ada kia. Jab ke Aslam Dar ki super hit film” Dil lagi” mein Motor garage ke singer Malik ka kirdar bhi utna hi bara yadgar hai. Lehri ka Istage darama “Lehri inn Trouble” apne dor mein bohot maqbool hua issi dor mein PTV ne Lehri ki zindagi per mabni aik darama serial banana ki taiyarian ki. Jis mein Lehri khud bhi aik aham kirdar ada ker rahey they. Magar bad mein yeh serial ba waju ban na saki Lehri ne apney fani carrier mein bohot se award hasil keye. Lehri wahid mazahya adakar they. jinhon ne 12 martaba apni shan dar performence per behtareen mazahya adkar ke Nigar award hasil kiye. 1996 mein Lehri ko un ke funi khidmat ke ataraf mein Tamga e husn karkardagi se nawaza geya.

Lehri's Death

Lehri 13 September 2012 ko apnay khaliq haqiqi sa ja milay Allah Taala Unki magfarat farmaye "Ameen. Unki maut se mazahya adakari mein jo khala paida hua hai woh asani se kabhi pur nahi ho sake ga.

 

More Links

 

Copy Right 2012-2014 www.Meriduniya11.com