Header
Home>> News  

 

 

Karachi Rain

The Karachi City was once again brought to typical Monsoon Rain. The Rain started in early Morning and continued till Evening. Approximately 24 peoples were killed and many injured in various incidents at different areas because of rain in Karachi City on 3rd August 2013. Some people died from electrocution. The heavy quantity of Rain is mostly in North areas of Karachi.  The highly recorded quantity of Rain in North Karachi is 126 mm. The City of Light, Many areas was faced the darkness as the power supply suspended. KESC spokesman said 400 feeders were trips due to the heavy Rain in Karachi. The roads and underpasses were look like a drained, because all roads and underpasses were full of Rain Water. In this page you can see the information about the Rain in Karachi City.

Karachi Rain Photo

Karachi Main Barish

Karachi main mosladhar barish ne tabahi macha di, roof girne, current lagne aur deegar hadsaat ke dauran 21 afraad halak aur aik darjan se zaiyd zakhmi ho gaey. Shadid barish ke baiys aeham shahrahon par pani khara ho gaya. Log mukhtalif ilaqon main ghanton Traffic jam main phanse rahe. Liyari naddi mein tughyani ke baiys 50 se zaiyd jhonprhiyan beh gai. 10 bachon samet 2 darjan se zaiyd afraad la pata ho gaey. Trains aur airlines ka schedule shadid mutassir hua. Underpasses talaab main tabdeel ho gaey. Aeham shahrahen aur nashebi areas zer e aab aa gae. Mosladhar barosh ke baiys nisf shehar Light ki farahmi se mehroom ho gaya hai. Cable faults, wire totne, jumper loose hone, breakers mein kharabi aur hazaron ki tadad aur deegar faults ki wajah se raat gae tak shehar ke mutaddid ilaqon mein light ki farahmi bahaal nahi ki ja saki thi. Tafseelat ke mutabiq shehar mein Saturday ki subha shuru hone wali barish ne tabahi macha di. Kache makanaat zameen bose ho gae. Saturday ko barish shuru hote he KESC ke 400 se zaiyd feeder trip kar gae. Saturday ki dopehar light ka kaam shuru kiya gaya, tahum aik martaba phir barish ka silsila shuru ho jane ki wajah see beshtar mutasara areas main light ki farahmi muattil rahi. Mutasara areas mein Federal B area, North Karachi, Buffer Zone, North Nazimabad, Liaquatabad sar e fehrist the.

Musalsal barish aur nakasi aab na hone ki wajah se KESC ki teams ko bahali ke kaam mein shadid mushkilat ka samna karna parha. Sindh Hukoomat ki janib se funds ki adam adaeygi, baldiya uzmaa Karachi, zilaa municipal corporations, cantonment boards aur deegar idaron ki be hasi ke baiys Abr e Rehmat aehliyan Karachi ke liye zehmat ban gai. Barhe, chote barsati naalon par tajawozat ki bharmar aur safaai na hone ke baiys barsati pani naalon se over flow ho kar rehaiyshi o tijarti ilaqon mein ghus aaya, baldiyati idaron ki ghaflat ke baiys barwaqt barsati pani ki nakasi nahi ho saki aur aeham shahrahen, markets main ghanton tak pani jamm ho gaya, jab ke androoni sarhken, galliyan aur nashebi ilaqon ke sectors, gharon mein barsati pani dakhil ho gaya, jis ke baiys tamam gharelon ashiyaae zayaa ho gai. Shehar ke mukhtalif hisson mein sirf 36 se 126 mili meter (1.5 ta 5 inch) hone wali barish ne pore shehar mein tabahi macha di. Aeham shahrahon par kae kae ft pani khara raha, senkrhon garhiyan barsati pani aur garhon mein phans kar kharab ho gai. Jis ke baiys shehar mein bad tareen traffic jam raha.

Mehakma e Mosmiyaat ke mutabiq sab se ziyada barish North Karachi main hui, jahan 126.2 mili meter Barish record ki gai. Landhi mein 58.3, Base Faisal 48, Base Masroor 62, Nazimabad mein 57, Karachi Airport 36.6, Gulshan e Hadeed mein 68, Pehalwan Ghoth mein 55.2 mili meter barish record ki gai. Rangers tarjuman Major Sabteen ki janib se Saturday ki shab jari kiye jane wale beyan mein dawaa kiya gaya hai ke barish aur is ke nateejey mein hone wali tabahi ke baad Civil intezamiya ki request par rangers ke jawan imdadi karwaiyon mein hissa lene ke liye mutasara areas mein pohanch gaey hain aur imdadi karwaiyon main hissa lete hue barish mein phanse hue citizens ko nikal kar mehfooz maqamat par pohnchaya…

 

Abdullah Shah Ghazi
Farman Fatehpuri
Malala Yousufzai
Sikander Sanam
Iqbal Haider
Sandy Toofan
Amitab Bachchan
Shahid Afridi
Yash Chopra

 

Copy Right 2012-2014 www.Meriduniya11.com