Meriduniya11.com
Home>> News  

 

 

Farman Fatehpuri

Farman Fatehpuri was born on 26th January 1926 in UP (Fatehpur) India. He was the Scholar, writer and researcher of Pakistan. Farman Fatehpuri passed away on 3rd August 2013 Saturday at the age of 87. His funeral prayer offered at Khulafa e Rashideen Mosque in Block 13-D/1, Gulshan e Iqbal Karachi on Sunday 4th August 2013. Dr. Farman laid to rest in Karachi University Graveyard. In this page you can see the information about Farman Fatehpuri In Urdu.

Dr Farman Fatehpuri Photo

Farman Fatehpuri In Urdu

Mumtaz mohqiq, scholar and naqad Doctor Farman Fatehpuri 87 saal ki umar mein inteqal kar gaey hain. Dr. Farman Fatehpuri kafi arsey se shadid aleel the. Dr. Farman Fatehpuri 26 January ko Bharti riyasat UP (Fatehpur) mein peyda hue, bachpan mein he in ke walid inteqal kar gaey the. Fatehpur se Matric pass karne ke bad unho ne 1948 mein Allahabad se inter pass kiya aur bad azaa 1950 mein Aagra University se Graduation kiya aur isi baras Hijrat kar ke Pakistan aa gae aur Karachi mein rihaiysh pazeer ho gae. Unho ne Karachi University se MA, LLB, BT kiya. Jab ke 1965 mein PhD kiya. Unhe 1974 mein Urdu mein karne wale pehle Pakistani hone ka aezaaz hasil hai. Marhoom kafi arsey tak Karachi University se munsalik rahe aur mutadid PhD aur mohqiq farahum kiye. Baad azaa wo 1985 mein Urdu Dictionary board ke mudeer e aala aur secretary muqarrar hue. Isi baras hukoomat Pakistan ne unhe un ki khidmat ke aiteraaf mein Sitara Imtiaz se nawaza.

Dr.Farman Fatehpuri 1996 mein Sindh hukoomat ke civil service board ke rukun ki hesiyat se khidmat anjaam de rahe the. Isi ke sath wo maroof adbi juredey nigaar ke mudeer bhi rahe. Jis ke founder Allama Niaz Fatehpuri the. Dr. Farman ka halqa aehbab khasa wasee tha, unhe mukhtalif siyasi jamaton ke sarbarah qadar ki nigah se dekhte the. Marhoom ne Ghalib aur Iqbal samet kae shoara par kitabein tashkeel dee. Farman Fatehpuri 60 se zaiyd kitabon ke musannif the. In ki maroof tasaneef mein “Urdu Baai”. Tadrees Urdu, Urdu ki Mazmoon Dastaan, Tehqeeq o Tanqeed, Naya aur Purana Adab, Qamar Zamani Begum, Zuban aur Urdu Zuban, Urdu ki Naatiya Shaiyri, Iqbal Sab Ke Liye, Niaz Fatehpuri Deeda Shuneda, Aurat aur Fanoon Lateefa aur deegar shamil hain. Marhoon ki Namaz e Janaza baroz Sunday 4 August 2013 bad Namaz e Zohar Masjid Khulafa e Rashideen Block 13-D/1 Gulshan Iqbal mein adaa ki gai hai. Jab ke unhe University Qabrustan mein supurd e khaak kiya jaega.

Muttahida Qaumi Movement ke Quaid Janab Altaf Hussain ne Dr. Farman Fatehpuri ke inteqal par gehrey  dukh aur afsoos ka izhaar kiya hai aur kaha hai ke Professor Dr. Farman Fatehpuri ke inteqal se qaum Ilm o Tehzeeb. Tamaddun ke qeemti sarmaya aur aik shafeeq aur meharban buzurd shakhsiyat se mehroom ho gai hai. Aik taziyati beyan mein unho ne Professor Dr. Farman Fatehpuri ko zabardast khiraj e aqeedat pesh karte hue kaha ke marhoom auhde hazir ke azeem mohqiq the aur in ki almi, adbi aur danishwarana khidmat hamesha yaad rakhen jaenge. Mumtaz shaiyr Dr. Jameel Uddin Aali ke Farman Fatehpuri ka hum se judaa hona kisi sanehey se kam nahi. Farman ne Urdu adab ke liye jitna kaam kiya hai is ki misaal nahi milti. Mumtaz taraqqi pasand shaiyr Himayat Ali Shaiyr ne kaha ke Farman Fatehpuri ne qeyam e Pakistan ke bad Urdu ke liye jitna bhi kaam kiya use lafzon mein beyan karna bohat mushkil hai. Mumtaz afsana nigar Intezar Hussain ka kehna tha ke Farman Fatehpuri hamari shaan the.

 

Abdullah Shah Ghazi
Iqbal Haider
Malala Yousufzai
Sikander Sanam
Barack Obama
Sandy Toofan
Amitab Bachchan
Shahid Afridi
Yash Chopra

 

Copy Right 2012-2014 www.Meriduniya11.com