Header
Home>News  

 

 

 

 

Fahad Aziz

A worker of MQM Fahad Aziz had been arrested form his wedding. Police had declared Fahad Aziz’s arrestment. 4 police officials had been suspended in allegation of using third degree on Fahad Aziz. In result of violation on Fahad Aziz had been hospitalized. Doctors had conformed the violence on Fahad Aziz. Deputy convener Dr. Khalid Maqbool Sidiqui and Engineer Nasir Jamal visited MQM’s worker Fahad Aziz in hospital, they gave a bouquet to Fahad Aziz from MQM’s leader Altaf Hussain and they pray for his good health. MQM’s leader Altaf Hussain had appreciate the media reporters and cameramen on coverage of violence on Fahad Aziz.s

MQM Ke Karkun Fahad Aziz Per Police Ka Tashadud

MQM ke Korangi sector unit 79 ke karkun Fahad Aziz ko un ki shadi se giraftar kar liya gaya. Italaat ke mutabiq MQM ke karkun Fahad Aziz ko un ki shadi wale din dulah bane un ki baraat se giraftar kar liya gaya. Police ne guzishta roz baraat se hirasat mein liye gaye MQM ke karkun dulhe Fahad Aziz ki giraftari zahir kar di. Dosri janib mulzim par tashadud ke ilzam mein 4 ahalkaron ko mutil kar diya gaya. Zaraye ke mutabiq baraat se hirasat mein leye gaye MQM ke karkun Fahad Aziz ki halat guzishta raat police tashadud ke bais bigar gai jis par usse Gulistan e Johar ke aik niji hospital mein laya gaya. Muaaine ke doran doctors ne Fahad par tashadud ki tasdiq ki hai. waqaye ki khabar nashr hone par police kea ala hukaam ne taftishi afsar samet 4 police ahalkaron ko muatal kar ke un ke khilaf muhakma jati karwai shuru kar di hai.

MQM ki rabta committeeke deputy convener Dr. Khalid Maqbool Sidiqi aur Engineer Nasir Jamal ne guzishta shab police ke bahimana tashadud se zakhmi hone wali MQM ke Korangi sector 79 ke karkun Fahad Aziz ki hospital ja kar ayadat ki aur quaid e tehrik Altaf Hussain ki janib se unhein guldasta pesh kiya aur un ki jald aur mukamal sehatyabi ke leye dua ki. Jis ke bad karkunon aur uhdedaron ki bari tadad Darul sehat hospital pohanch gai, jin mein khawateen ki bhi bari tadad shamil thi. Karkunon ne hospital ke aik corner mein phoolon aur guldaston ke anbar laga deye. Guldaston ke humrah hospital aane ka silsila raatgaye tak jari raha.

MQM ke Korangi sector 79 ke karkun dolah Fahad Aziz ko police ki janib se bilajawaz aur ghair qanoni tor par giraftar kar ke hirasat mein bahimana tashadud ke khilaf izhar e yakjehti ke leye muqami hospital ke bahar MQM ke karkunan aur sheheriyon ki bari tadad mein aamad ka silsila shuru ho gaya. Itwar ki sham MQM ke karkun aur Dulha Fahad Aziz ko police hirasat mein bahimana tashadud ka nishana banane ke khilaf MQM ki rabta committeeki appeal par sheheriyon aur karkunan ki bari tadad hospital ke bahar pohanch rahi hai is moqe par karkunan aur sheheri apne humrah phool aur guldaste bhi le kar aaye jo unhon ne hospital ke bahar mukhtas jaghah par rakhe. Is moqe par karkunan aur sheheriyon ki janib se Fahad Aziz ki jald aur mukamal sehatyabi ke leye duayein bhi ki gayein.

MQM ke quaid Altaf Hussain ne MQM Korangi sector unit 79 ke karkun dolha Fahad Aziz ko police ki janib se bila jawaz aur ghair qanoni tor par giraftar kar ke hirasat mein bahimana tashadud ka nishana banaye jane ke waqaye ko electronic media mein coverage dene par tamam channels ke reports aur cameraman hazrat ko salam e tehseen pesh kiya.

 

More Links

 

Copy Right 2012-2014 www.Meriduniya11.com