Header
Home> News  

 

 

Bushra Ansari

Bushra Ansari was born on 15th May 1956 in Karachi. She is the daughter of Famous Writer and Journalist Ahmed Bashir. She studied Matric and Inter from Lahore. She did graduate in 1977 from Rawalpindi. Bushra Ansari married with TV producer Iqbal in 1978. Bushra Ansar is very talented Pakistani actress and play writer also. Bushra Ansari also perform in Modelling and Sing the songs. Bushra Ansari received the award of Pride of Performance. In this page you will read Pakistani Actress Bushra Ansari Dramas news in urdu and Roman Urdu.

Bushra Ansari Photo

Bushra Ansari In Urdu

Karachi mein 15 May 1956 ko paida hue. Mashoor adeeb aur sahafi Ahmed Bashir ki sahabzadi hain. Lahore se Matric aur Inter kiya. 1977 mein graduate kiya Rawalpindi se. 1978 mein TV Producer Iqbal se shadi ki. Bushra Ansari ke mashoor TV shows mein Aangan Terha, Amawas, Fifty Fifty, Rang Tarang, Zara Si Aurat, Ab Mera Intezar Kar, Makaan, Mera Naseeb, Azar ki aaegi barat, Dolly Ki Aaegi Barat, Takey ki aaegi barat, Umrao Jaan Ada, Mere Dard Ko Jo Zuban Mile waghera. Bushra Ansari ne Modelling aur gulokari ke ilawa kae drama bhi likhe hain. Inho ne amooman mazahiya kirdar nibhae hain. Bushra Ansari ko Pride of performance ka award bhi mila hai.

Maroof actress Bushra Ansari ka kehna hai ke guzishta 5 saalon se Pakistani Dramas humen mayoosi ki taraf le ja rahe hain. Koi kahani samajh nahi aati, drama kahan se aaghaz hota hai, kahan khatam ho jata hai. Bushra Ansari ne kaha ke hamari tehzeeb hamari shanakht hai. Magar drama mein behayai ka ansar dikhana zaroori ban gaya hai. Bushra Ansari ne bataya jab hum ne drama career ka aaghaz kiya tha, to bohat sadgi thi us waqt. Phir bhi koi kirdar pesh karte the to logon ke dilon mein bas jata tha aur bohat pasand ata tha sab ko. Us waqt tameez aur aehteraam ka daeyra wasee tha. Aaj behayai ko fashion samajh liya gaya hai. Hamare fankaron ko mehdood society mein kaam nahi karna chahiye.

Bushra Ansari ne kaha ke mein har din ko nae andaaz se jeeti hoon aur mazi se seekhti hoon, magar is ka matlab yeh hargiz nahi ke main mashoor hone ke liye had se guzar jaon. Aaj wo drama ziyada rating par hota hai jis mein tang tot’ti hui dikhai jae ya phir koi is se bhi ziyada bura kirdar ho. Is ke barey mein ziyada guftugo ki jati hai. Is mein fankaron ka qusoor kam hai, likhne walon ka ziyada hai. Jab hum likh rahe hain to sudhar ki baat kar len, magar nahi karte. Main bhi drama aik arsey daraz se likh rahi hoon, magar bohat si baton ko nazar mein rakhte hue sochna parhta hai. Phir qalam ka istemaal kiya jata hai.

Hum ne Manno Bhai Intezar Hussain aur Zia Mohiuddin jaise qad aawar logon ke drama dekh kar tarbiyat hasil ki hai. Hamare pasandeeda fankaron mein Uzma Geelani aur Roohi Bano jaise log the. Jin se hum ne seekhne ki koshish ki, yeh hamare Ideal the. Mere kehna ka maqsad sirf itna hai ke hum agar wo kaam karen jo hazam ho jae to kya he acha hai. Is liye ke drama hamari shanakht hai. Hum ne barson mehnat ki hai, humne chahiye ke apne culture ko ziyada se ziyada focus karen aur use dramai shakal mein pesh karen.

 

 

Copy Right 2012-2014 www.Meriduniya11.com