Header
Home>News  

 

 

 

 

Bharat Election

16th Lok Sabha election of 2014 has been started in India. According to the election commission of India, it is very expensive elections in history of India. It is protract general election in political history, which is holding from 7th April 2014 till 12th May 2014. It will be select 543 members of Lok Sabha. The announcement of conclusion will hold on 16th May 2014. Every party or candidate will need minimum 272 members for the making of Government. This time India is using electronic voting machines in general elections. According to the Election commission of India, the electoral population of India is 81.45 crore. Here we are telling you some important points of Elections of India. In this page you can see the information about Elections of Lok Sabha 2014 in India.

Elections of Lok Sabha 2014

Bharat Election

Bharat mein 16th lok sabha ke election ke liye 9 marahil mein elections ka aaghaz ho chukka hai. 7 April 2014 se 12 May 2014 tak hone wale yeh elections mulki tareekh ke sab se taweel aam intekhabat hain. Jin mein lok sabha ke 543 arkaan muntakhib kiye jaenge. Natije ka aelaan 16 May ko ho ga.

543 muntakhib arkaan ke eiwaan mein kisi bhi jamaat ya ittehad ko hukomat banane ke liye kam az kam 272 arkaan ki zarorat ho gi.

Is baar Bharat ke aam elections mein electronic voting machines istemal ki ja rahi hain. Jin mein pehli bar voter ko “ Koi Nhi ” ka button istemal karne ka ikhteyar bhi ho ga. Yani wo ballet paper par darj kisi bhi jamaat ya candidate ke haq mein nahi hai.

Election commission of India ke mutabiq 2014 ki electoral aabadi 81.45 crore hai. Jo duniya mein sab se ziyada hai. Is mein 10 crore nae aehal voters ka izafa ho chukka hai. Bharat election commission ke mutabiq yeh india ki tareekh ke sab se mehange elections hain. Jin par hukomati khazane se 35 arab Bharat rupees kharch honge. In mein wo akhrajaat shamil nahi hain, jo security maqasid par kharch kiye gae hain aur na he siyasi jamaton ki janib se kiye jane wale akhrajaat shamil hain. Tawaqqa hai ke siyasi jamatein in aam intekhabat mein 305 arab rupees ( lag bhag 5 arab American dollars ) kharch karenge.

Some Important Points of Elections of India

Sab Se Ziyada Voters : Yeh mulki tareekh ke sab se barhe intekhabat hain. Jin mein 81.45 crore voters apna haq rae dehi istemal karenge. Bharat mein voting mein hissa lene walon ki yeh tadad riyasat hae muttehda America aur maghrabi Europe ki mushtarka aabadi se bhi ziyada hai. Bharat ke bunyadi dhanche ke mutabiq is mulk mein is paimane ke inytekhabat aik din mein nahi ho sakte. Is liye yeh elections 9 blocks mein 5 weeks ki muddat mein mukammal honge. Jin ke liye 9 lac 30 thousand polling stations qaiym kiye gae hai.

Mulki Ma’aashi Surat e Haal : In elections ki khas bat yeh hai ke hukmara’an jamaat ki nihatyat naqis ma’aashi kardkardegi ke baiys in mein ziyada shiddat paida hui hai. Bharat ki awam tabdeeli lana chahti hai. Ma’aashi tarraqi ki khuwahishmand hain. Isi liye wo qiyadat mein tabdeeli chahte hain.

BJP aur Narendra Modi Lehar : In elelctions mein BJP aur in ke leader Narender Narendra Modi ne kisi had tak bharti voters ko apne sehar mein jakarh liya hai. Wazeh rahe ke bharti janta party Bharat ki sab se barhi opposition party hai. Jis ke barey mein tawaqqa ki ja rahi hai ke wo is bar lok sabha mein ziyada nashistein hasil kar legi. Sath he tajziya nigaar yeh keh rahe hai ke yeh jamaat 2 tehai aksariyat hasil nahi kar sakegi. Ise hukomat banane ke liye deegar jamaton ke sath ittehad karna ho ga.

Congress mein Aitemad ka Fuqdan : Is waqt intekhabi tanazir mein congress mein aitemad fuqdan dikhai de raha hai. Aik to ma’aashi zawal, oper se mustaqil afaat zar aur sath he corruption scandals ki bharmar, in sab ne congress ke liye voters ki hum wardi aur tawajja kam kar di hai. Congress Bharat ki sab se qadeem jamaat hai. Jo hukmaran united progressive alliance mein bunyad ki hesiyat rakhti hai. Magar ab wo voters par apna asar khoti ja rahi hai. Congress jamat ne BJP ki policies ko na qabil e amal qarar de diya hai aur us ne apna sara zoor samaji behbood ke programs par diya hai aur yeh aelaan kiya hai key eh jamaat ghareebon ki madad par tawajja markooz karegi.

Khandani Virasat : Rahul Gandhi aur Narender Narendra Modi ke darmiyan muqable india ki siyasi tareekh mein aik awami referendum ki hesiyat ikhteyar kar chukka hai. Rahul Gandhi Bharat ke sabiq prime ministers ke khandan se hain. In ke barey mein naqadeen ka khayal hai ke wo aik nakhrele aur ladle naujawan hain. Jin tak har voter ki rasaai nahi. Dasri janib Narendra Modi ki intekhabi mohim mein sara zoor in ke ibtedai halaat par diya gaya hai. Jab wo bachpan mein aone walid ke tea stall par kaam kiya karte the aur har aik ke sath adab o aehteram se paish aate the. Narendra Modi apne is sabqa image se faida uthane ki koshish kar rahe hain. Behar haal yeh bhi sach hai ke Bharat ki siyasat mein aaj bhi khandani virasat aur shakhsiyat numayan hai. Is waqt parliament ke lag bhag 30 % arkaan siyasi khandano se talluq rakhte hain.

Bharat ka Siyasi Platform aur Jaraiym : Bharat ki siyasat mein jaraiym ki lehar kisi waba ki tarah phel chuki hai. Maujoda parliament chehron mein 30 % ke khilaf mujrimana ilzamaat lagae gae hain. Umeedwaron ki nae fasal ko dekhte hue kaha ja sakta hai ke nae parliament mein bhi soorat e haal behtar hone ki koi umeed nahi hai. Aane walon mein aise log shamil honge, jin par ya jin ke khandan ke kisi na kisi soorat mein mujrimana ilzamaat lagae ja chuke hain ya lagae ja rahe hain.

Naujawan Voters aur Social Media ka Kirdar : Mubassireen ka andaza hai ke pehli bar vote cast karne wale naujawano mein se kam o besh 10 % he apne haq raee dehi istemal karenge. Bharat ki naujawan aabadi 65 % 35 saal se kam umer ki hamil hai. In naujawano ka dabao aane wali hukomaton ko achi ma’aashi policies banane par majboor kar dega. Inhe naujawano ki wajah se intekhabi mohim mehmat mein social media ki aehmiyat bhi barh rahi hai.

Aam Aadmi Party ki Lehar : Aadmi party ya AAP kahan se aa gai ??? 2011 – 2012 mein jab mulk bhar mein aam aadmi party ke banner take corruption ke khilaf aehtejaji silsila shuru hua to us jamaat ne isi dauran Delhi assembly ke local election mein numayan kamiyabi hasil kar ke siyasi tajziya nigaron ko hairan kar diya. 70 mein se 28 nishastein jeet kar AAP ne tehalka macha diya. Tawaqqa ki ja rahi hai ke AAp in intekhabat mein ziyada votes hasil kar sakegi aur makhloot hukomat ki tashkeel mein fa’aal kirdar ada karegi.

Khuwateen ki Aawaz : In aam intekhabat (General Election) mein Bharat ki khuwateen pehle se ziyada sar garam aur mutehrik hain. Isi bar past ki tarah khuwateen election se kinara kasha ikhteyar karne ke bajae apne khandan ke mard arkaan ke sath apne electronic vote ka haq istemal kar sakengi. Ab inho ne pehle se ziyada apne vote ki aehmiyat ko tasleem kar liya hai aur wo ise zaroor istemal karengi.

Ilaqai Jamaton ka Bunyadi Kirdar : 1989 se ab tak Bharat mein koi bhi party markaz mein qatai aksariyat hasil nahi kar sakegi. Is saal bhi yehi soorat e haal ho sakti hai. Jis ka matlab yeh ho ga, ke ilaqai parties he hukomat sazi mein BJP ya congress ki madad karenge. Bharat ki 5 barhi riyasaton Utar Paradesh, Bihar, Maghrabi Bengal, Tamil Nado aur Arheesa par ilaqai jamaton he ka control hota hai. Lok sabha mein in 5 riyasaton ki majmooi nishaston ki tadad 200 banti hai. In ilaqai jamaton ke agendas bhi munfarid aur mukhtalif hote hain. Jin ki wajah se in ke sath mil kar mulk ke mustaqbil ki policies ki simt ka tayyum karna mushkil hota hai. Bharat ka mustaqbil ab kya ho ga ??? is sawal ka jawab yehi ho sakta hai ke is ka faisla elections ke nataiyj karenge.

India Elections

Lots of Bollywood stars and T.V actors are taking part in Indian elections, from their participation elections are going to be more colorful. Stars who are taking part in the elections are Hema Malini, Naghma, Raj Babbar, Vinod Khana, Shatrughan Sinha and Smriti Irani.

Bharti aam intekhabaat mein siyasatdanon ke sath sath Bollywood ke kai sitare bhi hissa le rahe hain, jin ki wajah se ye intekhabat phele se barh kar rangeen ho gaye hain. Fatah to jane un ki nasib mein hai ya nahi, lekin Hema Malini BJP ke ticket Mathura se lok sabha ka intekhab laren gi, Meerut se congress ke ticket par umeedwar hain film star Naghma. Raj Babbar is bar Ghaziabad se election laren ge, unhon ne siyasat ko apni zindagi mein is tarah shamil kiya hai kea b tak 4 martaba elections jeet chuke hain. Gurdaspur se election larne wale Vinod Khana ne dil mein basa rakha hai Bhartiya Janta Party ko. Election mein ese log bhi hissa le rahe hain jo phele kehte the ke Moon Moon Sen Trinamool Congress ke ticket par election laren gi aur tash ke terse badshah ko to hum bhool hi gaye Shatrughan Sinah ko BJP ka ticket mila hai Patna Sahab se, Paresh Rawal bhi BJP ke ticket par parliament jana chahate hain, bhala pocheye to kyun? Rakhi Sawant ko BJP ne Bangal se larana chaha magar wo Mumbai se election larne par bazid hain. Tahum ye sach hai ke unhon ne bhi BJP ko dil de rakha hai.

Elections mein Congress ke naib sadder Rahul Gandhi ke muqable mein Smriti Irani hain. Tafsilat ke mutabiq Congress ke garh aur Rahul Gandhi k eke halqa e intekhabat Amethi mein BJP ne apne umeedwar ke tor par T.V adakara Smriti Irani ko medan mein utara hai. “kyun ke sas bhi kabhi baho thi” mein kamyab baho ka kirdar ada karne wali Smriti Irani ka kehna hai ke Rahul Gandhi ke khilaf ticket dene par wo party ki shukar guzar hain.

 

 

 

Copy Right 2012-2014 www.Meriduniya11.com