Welcome to Meriduniya11.Com

 

Home>News  

 

 

 

Earthquake 2013 (Zalzala 2013)

Earthquake (Zalzala) is a very dangerous situation. It is spoil the earth systems. Most affected cause of earthquake district Awaraan in Balochistan. Many people died and many injured in this earthquake. Many houses are damaged. Other district keech, Gawadar, Panjgur and Khazdar also affected by the earthquake. A small island mountain created by Earthquake in Gawadar on 24th September 2013 at Tuesday. In this page you can see the information about Earthquake in Balochistan. In this page, you will find Balochistan Earthquake 2013, Zalzala 2013, Balochistan news In Urdu and Roman Urdu.

Balochistan Earthquake 2013, Zalzala 2013

Balochistan News In Urdu

Eartquake In Balochistan 2013 Image

Balochistan Mein 24 September 2013 ko aane walay Zalzale (Earthquake) se har taraf tabahi ka manzar, Imdadi karwaye mein saded mushkilaat senkron afrad tabah sudah amarton ke malbe tale dabay hoye hain, Zalzale (Earthquake) se Balochistan ke 7 izla ( 7 district) buri tarah mutasir huye hain. Amarton ka malba girne se sarkein band ho gayein.

Balochistan Assembly ke Deputy speaker Abdul Quddus Bizenjo ne kaha hai ke district Awaraan mein zalzale (Earthquake) se 1000 amwaat hui hain. Abdul Quddus Bazanjo ne bataya ke 40 hazar makanaat mukammal taur par tabah ho chuke hain, jab ke 30 lakh afraad mutasir hua hain. Idher gher mulki Khyber agency ke mutabiq Pakistan ke Soba Balochistan ke junoob maghrib mein aane wale zalzale mein marne walon ki tadad 330 tak pohanch gai hai. Zalzale (Earthquake) se sab se ziyada mutasir hone wala district Awaraan hai, jahan senkaron makannat malbey ka dher ban chuke hai. Hukkam ne bataya hai ke Pak fauj apni imdadi karwaiyan jari rakhe hue hain. Jab ke mutasira areas ka Pakistan ke deegar areas se mawaslati nizaam munqata ho chukka hai. Dosri janib tarjuman NDMA Brigadier Kamran ne kaha hai ke Baluchistan ke zalzale mein jaan bahaq afraad ki tadad 328 ho gai hai.

Abdul Quddus Bizenjo ne bataya ke Awaraan mein 258 afraad luqma ajal bane, jab ke keech mein jaan bahaq afraad ki tadad 43 ho gai. Baluchistan zalzale se nuqsanaat par member operation NDMA Brigadier Kamran ne briefing dete hue bataya ke Awaraan mein ziyada tar kache makanaat hain jo mutasir hue hain. Unho ne kaha ke zarorat parhi to dost mumalik se imdad ki request karenge. Hospital zaraey ke mutabiq zalzale mein jaan bahaq afraad ki tadad 381 ho gai hai. Dosri janib zilae intezamiya ka kehna hai, ke zila Awaraan mein 70 talba samet 337 afraad jaan bahaq hue. Awaraan, Gichgo aur Mushke mein 70 talba jaan bahaq hue. Jab ke keech 44 afraad zalzale ke bad makannat girne se jaan bahaq hue. Mutasira ilaqon Khazdaar aur Awaraan mein khuraak aur adwiyat pohncha di gai. Karachi se imdadi saman khuraak aur medicines laai ja rahi hain. Jab ke khazdaar ko tamam imdadi sargarmiyon ka markaz banaya gaya hai. Awaraan kae mutasira areas mein ab tak imdadi teams ki rasaai nahi ho saki. Malbaa girne se roads band hain aur mawaslaat ka nizam buri tarha mutasir hua hai. Area mein khuraak aur pani ki shaded qillat hai. Gichgo ke area mein aik madarsey ki chat girne se 20 se zaiyd talba ki lashen mili hain.

Balochistan Government ka kehna hai ke pak fauj ke 6 helicopters soobai hukomat ke sath mutasira areas mein maujood hain. Malbey tale dabe hone ke baiys halakaton mein mazeed izafey ka khadsha hai. Zalzale se Baluchistan ke 7 district mutasir hue hain. Jin mein Turbat, Awaaran, Panchgor, Chaghi, Khazdaar aur Gawadar aur Keech shamil hain. Sahulton ki adam dastiyabi se logon ko mushkilat ka samna hai. Mutasira districts mein imdadi sargarmiyon ke liye pak fauj aur FC ki madad hasil kar li gai hai. Jo area mein imdadi sargarmiyon mein masroof hain. Soobai hukomat ka kehna hai ke ilaqey mein kache raaste hain, jis wajah se hukkam ko mushkilaat ka saamna karna parh raha hai. Awaraan hospital ke doctor Ameer Bakhsh ke mutabiq log dead bodies le gaey hain aur tadfeen ka silsila shuru kar diya gaya hai.


 

More Links

Malaila Yousafzai

Raja Pervaiz Ashraf

Bashir Khan Qureshi

Mehdi Hassan

Rajesh Khanna

Abida Parveen

Fozia Wahab

Lehri

Sher Afgan Niazi

 

Copy Right 2012-2014 www.Meriduniya11.com