Header
Home> News  

 

 

 

 

Baldiyati Ordinance 2013

Members of Sindh assembly protested against the local ordinance at Sindh assembly building and press club. The leader of MQM Syed Sardar Ahmed said that they would protest at all forums against the ordinance. He said that this ordinance is a black law and it is against the acceptation of public. Khuwaja Izhar ul Hassan said that sindh Government has issuing this ordinance for their benefit.

Baldiyati Ordinance 2013 News In Urdu

Arkan e sindh assembly ne peer (Monday) 16 December 2013 ko local government act mein tesri (3rd) tarmim ke leye qaim muqam Governor Sindh ke jari kardah ordinance ke khilaf na sirf Sindh assembly Building ke andar aur press club par ehtejaj kiya balke assembly building se press club tak march bhi kiya. Is zaman mein peer (monday) ko assembly building mein MQM ki parlimani committee ka ijlas parlimani leader Syed Sardar Ahmed ki saddarat mein howa. Ijlas mein mazkorah ordinance ke khilaf Sindh bhar mein ehtijaji tehrik chalane ka fasla kiya gaya. Ijlas mein fasla kiy agaya ke Sindh assembly ke flour samet har forum par baldiyati ordinance ke khilaf ehtijaj kiya jaye ga aur aksaryat ki bunyad par Peoples Party hukumat ko man mane fasle nahi karne deye jaein ge.

Adliya se rabta kar ke baldiyati ordinance ke khilaf petition bhi dair ki gaye gi. Ijlas ke bad MQM ke arkan e Sindh assembly ne Sindh assembly mein ehtijaji muzahirah kiya. Is moqe par Syed Sardar Ahmed ne kaha ke mujodah Sindh mazkorah ordinance kala qanon hai, jo awam ki umangon ke khilaf hai. Ye ordinance ghair qanoni aur ghair aaeini hai. Unhon ne kaha ke ordinance ke zarye had bandi karne wale afsaran ko bepanah ikhteyarat de deye gaye hain ke wo kisi bhi dehi elaqe ko shehari elaqe ka darja de sakte hain. Metropolitan corporation mein union committee ke leye aabadi ki had 10 hazar se 50 hazar rakhi gai hai. Is ka matlab hai ke 15 hazar wali bhi union committee ho gi aur 50 hazar wali bhi union committee ho gi. Ordinance ko 16 September 2013 se nafizul amal qarar diya gaya hai. Is ordinance ke zarye Sindh hukumat baldiyati election se qabal nataij par asar andaz hone ki koshish kar rahi hai. Uhon ne kaha ke chief election commissnor aura ala adliyaelections se qabal ki jane wali is dhandli ka notice lein.

Khuwaja Izhar ul Hassan ne baat cheet karte howae kaha ke Sindh hukumat apne faide ka leye man pasand ordinance ka ijra kar rahi hai. Sindh ki shehari aur dehi aabadi ki taqseem ki ja rahi hai. Sindh ki tamam jamaton k sath le kar chalna ho ga warna taqseem ki taraf ja rahe hain.unhon ne kaha ke is dhandli ki sorat mein baldiyati elections ke nataij na sirf pore intekhabi amal ko sawaliya nishan bana dein ge balke election commission par bhi awam ka etimad bahal nahi ho ga. Arkan e assembly ka kehna tha ke jab tak is qanon ko wapas nahi leya jata ehtijaj jari rahe ga.

MQM labor division ke zer e ahtemam Sindh hukumat ki janib se Sindh local Government tarmimi ordinance aur mukhtalif idaron mein mazdor dushman policiyon ke khilaf Karachi press club ke samne azem ul shan ehtijaji muzahira kiya gaya jis mein mukhtalif sarkari aur neem sarkari idaron ke mehnat kashon,CB ez unions aur mazdor tanzemon ke uhdedaran ne bohat bari tadad mein shirkat ki. Ehtijaji muzahire se MQM ke labor division ke incharge Kazim Raza, joint incharges labor division Sabir Khan, Zawar Hassan aur united labor federation ke sadder Javed Nihal ne khitab kiya aur Sindh local government tamimi ordinance ko Karachi dushman aur siyah qanon qarar dete howae ise filfor wapas lene ka mutalba kiya.

Ehtijaji muzahire se khitab karte howae incharge labor division Kazim Raza ne kaha ke Sindh local government tarmimi ordinance siyah qanon hai jo jagirdarana aur waderana soch ki akasi hai. Unhon ne kaha ke mehnat kash tabqa hameshah quaid e tehrik Altaf Hussain ki dil ki dharkan raha hai. Unhon ne kaha ke mehnat kashon ki awaz MQM ke plate form se mulk ke evanon tak pohanch rahi hai aura b ese duniya ki koi taqat daba nahi sakti.

MQM Ke Quaid Altaf Hussain Ka Sindh Local Government Act 2013 Par Sindh High Court Ke Faisla Ka Khair Maqdum

MQM ke quaid Altaf Hussain ne Sindh local government act 2013 ke hawale se MQM ki petition par Sindh high court ke fasle ka khair maqdum kiya hai. Apne bayan mein Altaf Hussain ne kaha hai ke ye adalti fasla Sindh bhar ke haq parast awam, jamhoriyat, aain, qanon aur insaf ki tarikh saz fata hai is kamyabi par hum jis qadar Allah ka sukar ada karein wo kam hai. Hum Allah ki bargah mein dua go hain ke hum par apni rehmaton ka saya nazil kare aur awam ko tamam tar pareshaniyon aur mushkilat se nijat ata kare.

Altaf Hussain ne MQM ke zimedaron, haq parast numaindon aur karkunon se kaha ke wo ehad karein ke mustaqbil mein awam ki mazid sache dil se aur kholos ke sath khidmat karein ge. Altaf Hussain ne kaha ke baz anasir kisi bhi qemat par Sindh mein baldiyati election ka inneqad nahi chahate aur is maqsad ke leye mukhtalif hatkande ikhteyar kiye jarahe hain. Unhon ne Supreme Court, Sindh High Court aur election commission se appeal ki hai ke wo is baat ko yaqeni banayein ke Sindh mein baldiyati election waqat e muqarara par pur aman aur munsifana tor par munaqid hon. Altaf Hussain ne kaha ke Sindh khososan is ke shehari elaqe gandagi ka dher ban chuke hain. Taraqiyati kaam ruke huye hain, pani, safai aur traffic ka nizam shaded abtari ka shikar hai jis ki wajah se muntakhib baldiyati nizam ki bahali waqat ka takaza hai. 


 

 

Copy Right 2012-2014 www.Meriduniya11.com