Header
Home>News  

 

 

 

 

Altaf Hussain

Altaf Hussain was born on 17th September 1953 in Karachi. He is 59 years old. He received the degree of Matric in 1969. He did inter from City College Karachi and received the degree of B-Pharmacy from Karachi University. He is the founder and leader of Muttehida Qaumi Movement ( MQM ). In this page you will find the information about Muttehida Qaumi Movement Leader Altaf Hussain History In Urdu.

Altaf Hussain History In Urdu

MQM Leader Altaf Hussain Photo

Muttehida Qaumi Movement ke founder Altaf Hussain 17 September 1953 ko Karachi mein peyda hue. 1969 mein Matric, City College Karachi se Inter aur Karachi University se B-Pharmacy ki. 11 June 1978 mein All Pakistan Muhajir Students Organisation ki bunyad rakhi. Phir isi ko 18 March 1984 ko munazzam shakal de kar Muhajjir Qaumi Movement ka naam diya. Is mein qiyam e Pakistan ke baad India se hijrat kar ke aane wale khandan aur afraad ko shamil kiya jata raha 26 July 1997 ko Muttehida Qaumi Movement ki bunyad rakhi gaye. 27 July 1997 ko Jinnah Ground mein Muttehida Qaumi Movement ka Pehla Jalsa huwa. MQM ke Qaid Janab Altaf Hussain siyasi bunyad par 1992 mein Karachi operation ke dauran London chale gaey. Tahaal London mein Pakistan badar ki tarha reh rahe hain, aur ghaiybana MQM ki qiyadat kar rahe hain.

Pakistan ki tareekh mein Muttehda Qaumi Movement aik aisa izafa hai jis ne farsoda nizam siyasat se mukhtalif nazaryat ki daagh beyl dali. MQM ka qiyam bazahir to Jama e Karachi qarar diya ja sakta hai, lekin huqooq ki tehreek ka markazi khayal jung azaadi 1857 hai. Jis mein bunyadi, insane, islami, muaashi, muaasharti, tehzeebi aur samaji huqooq ki awaaz buland hui aur bilaakhir maqasid ki takmeel ke liye aik alag khittey ka husool mumkin hua. Jo log is tehreek ke daaiy the. Jaddojehad mein pesh pesh rahe aur qurbani kea mal se khud ko guzar kar manzil emaqsood pohnche to dil khush kan nazaryat aik aisa saraab nazar aae, jis ki koi tabeer nahi thi. Insaan ke bunyadi huqooq, masawaat, adl o insaaf, qanoon, islami nizam aur jamohriyat gharz har chez mafqood thi.

1947 se jaddojehad ka dosra baab shuru hua. Mafadat ke nazariyat ki bunyad par mumlikat ko do hisson mein munqasim kar diya gaya. 11 June 1978 se bunyadi huqooq ki jaddojehad ka teesra aur aakhri daur shuru hua jo apne geography mein rehte hue huqooq ki jaddojehad mein masroof hai. Is tehreek ke meer karwan Quaid e tehreek Altaf Hussain hain. Ibtedai taur par is tehreek ko intehai na masaad hallat ka samna raha. Yeh aesi tanzeem thi jise kisi jamaat ya qad aawar shakhsiyat ki sar parasti hasil nahi thi aur na he koi madad milti thi. Apni madad aap ke tehat is tehreek ne khud ko namou kiya aur talbaa ke zehno ko shaoori fikar se munawwar kiya.

APMSO ka qiyam aur talba ki is jammat mein shamoliyat ne islami jamiyat talba ko shiddat se is baat ka ehsaas dilaya ke agar muhajir talib e ilm siyasi taur par bahesiyat aik qaum bedar aur muttahid ho gaya aur amli siyasat mein dakhil hua to Islam ke naam par munafiqana siyasat ka khatma ho jaye ga.

1981 mein Islami Jamiyat talba ne Karachi University aur Urdu Science College mein APMSO ke Talib ilmo ka dakhla bandh kardiya. Taleemi adaron mein bazor taqat rok dene ki bina per Mahajir Tehreek ne gali, kochun qasbon aur Sheron mein kaam shuro kardiya bila aakhir 18 March 1984 ko Muhajir Qaumi Movement ka kiyam huwa. APMSO aur MQM ka qiyam zulm o sitam o na insafi ke khatmey ke liye tha. General Zia ul haq ke daur iqtedar mein Janab Altaf Hussain 3 martaba arrest kiye gaye. Pehli martaba 4th August 1979 ko arrest huye to Martial Law Court ne 9 mahine qaid aur 5 koron ki shaza di, dosri baar 1, November 1986 ko arrest huye aur tesre martaba 30 August 1987 ko arrest huye.

Muttehda Qaumi Movement ke 35 sala jaddojehad Quaid e tehreek Altaf Hussain ki shabana roz mehnat ka nateeja hai, jin ki qiyadat mein mulk ke 98 % ghareeb aur mazloom awaam huqooq ke husool ki jaddojehad kar rahe hain. Mazloom awaam ki qiyadat ka aezaaz quaid e tehreek Altaf Hussain ke hisse meinn aya. Musaiyb o mushkilat se bharpor is jaddojehad ka aaghaz aur is mein darja badarja kamiyabi ka ansar is baat ka mazhar hai, ke Altaf Hussain ka insaan ki us qisam se talluq hai jin ki tarbiyat massaiyb ki darsgaah mein hui hai. Masaaiyb o aalaam ne aesabi quwwat ko tawanai bakhshi hai aur fikri o amli aitebar se insaniyat kea ala darjaat par faiyz kiya.

MQM ne apni quwwat ka pehla muzahira 8 August 1986 ko apne Annual convention ke mauqey par Nishtar Park mein azeem ul shaan jalsa kar ke kiya. Is jalsey ke shurka ke nazb o zabt ka yeh aalam tha ke halki aur mosladhar barish ke bawajood jalsa munazzam andaaz se jari raha. Karachi ki janib se MQM ko di jane wali pazeerai ne yeh sabit kar diya ke awaaz ab malaiyat e azam aur mafad parastana siyasat ke chungal se azaad hona chahte hain.

Independence Day Celebrations In Pakistan

MQM Celebrate Jasn e Azadi Pakistan

Muttehda Qaumi Movement (MQM) was celebrated Independence Day of Pakistan in Jinnah Ground Azizabad on 14 August 2013. In the Morning, the Flag hoisted ceremony at MQM Headquarters 90. The grand musical program arranged in Jinnah Ground Azizabad by MQM for Pakistan Independence Day Celebration. The famous comedian Umer Sharif hosted this reality show. Farwa Khan, Saleem Javed, Hassan Jahangir, Naeem Abbas Rufi, Ifrahim, Shabana Qauser and Shazia Qauser, Faisal Saud, Saleem Afridi and more were performed different Patriotic Songs in Jinnah Ground. Everybody celebrated Independence Day with Enthusiasm. In this page, you can see the news about Independence Day of Pakistan by MQM in Jinnah Ground Azizabad. 14th August 2013 ko Jinnah ground mein munaqid hone wali taqreeb ki mezbani ke faraiyz mashoor o maroof comedy actor Umer Sharif ne anjaam diye.

Muttehda Qaumi Movement ke zer e aehtemam Pakistan ke 66 Yom e Azadi qaumi jazbey aur shayan e shaan tariqey se manaya gaya. Is silsile ki markazi taqrib MQM ke markaz 90 se mutasil tareekhi Jinnah ground Azizabad mein munaqid hui. Jis mein hazaron ki tadad mein haq parast awaam ne az khud shirkat ki aur yak zaban ho kar National Anthem parha. Is taqrib ke silsiley mein gher mamooli intezamat kiye gaey aur is silsiley mein Jinnah ground mein big stage banaya gaya tha. Jab ke samne ki janib shurkaa ke liye farshi nishaston ka aehtemam kiya gaya tha. Stage ke aqab mein barhi digital screen lagai gait hi. Is mauqey par Jinnah ground mein 4 atraaf National Flag ki bahaar nazar aai.

Baad aza aatish bazi ka khobsurat muzahira kiya gaya. Umer Sharif ne taqreeb ki mezbani karte hue kaha ke Jinnah ground Azizabad mein Pakistan ke 66 Yom e Azadi ke silsiley mein munaqid aaj yeh pur waqar taqreeb Qauid e Tehreek Altaf Hussain ke soch o fikar ki akaasi hai. Pakistan bachane walo mein Qauid e Tehreek Altaf Hussain ka kirdar bohat aeham hai. Taqrib mein maroof singer Farwa Khan, Saleem Javed, Hassan Jahangir, Ifrahim, Naeem Abbas Rufi, Shabana Qauser aur Shazia Qauser, Faisal Saud, Saleem Afridi aur deegar artists ne Patriotic Song gaey aur apne Fun ka muzahira kiya.


 

More Links

 

Copy Right 2012-2015 www.Meriduniya11.com