header
Home>News  

 

 

 

 

Allama Shah Ahmed Noorani

Allama Shah Ahmed Noorani was born on 1 October 1926 in the Holy Month of Ramadan in Meerut (UP India). Shah Ahmed Noorani started early education from his Father Hazrat Allama Shah Abdul Aleem Siddiqui. He was a political leader and sunni spiritual of Pakistan. Ahmed Noorani was the leader of Jamiyat Ulma Pakistan (JUP) and the founder of World Islamic Mission. He selected the member of Senate in 1975. Allama Ahmed Noorani died on 11 December 2003 at the age of 78. In this page you can see the information about Allama Shah Ahmed Noorani in Urdu.

Allama Shah Ahmed Noorani Siddiqui

Allama Shah Ahmed Noorani Photo

11 December 2003 ko lakhon dilon ki dharkan aik Azeem Quaid mujaddid e deen Millat Haq o Sadaqat ki nishani mufassir e QURAN PAK mubligh Islam millat e islamiya ke Imam barhaq Allama Shah Ahmed Noorani Siddiqui Noor ullah Marfada hum se judaa ho gae. Lekin aesa lagta hai ke wo aaj bhi hum mein maujood hain.

“Bichra kuch is adaa se ke rut he badal gai, Aik Shakhs sare aalam ko veeran kar gaya…” Maujoda benulaqwami aur mulki halaat mein aap ki kami shiddat se mehsoos ho rahi hai. Shah Ahmed Noorani ne is daar faani mein apni bharpor zindagi tabligh deen aur is khudadad Pakistan mein nizam HAZRAT MUHAMMAD MUSTAFA SALLAL LAHO ALAEHE WA AALEHE WASALLAM ke nifaaz o jamhoriyat ki bahali ke liye hama tan amli jaddojehad tareekh ke adraaq mein hamesha zinda rahegi. Allama Shah Ahmed Noorani Siddiqui ka talluq aik azeem khanwadey se tha. Inho ne ibtedai taleem apne walid mubhlig Islam safeer Pakistan Hazrat Allama Shah Abdul Aleem Siddiqui se hasil ki. Maulana Noorani ne 8 baras ki umer mein QURAN PAK hifz kar liya tha. Dars nizami Meerut graduation Illahbad University aur Medina Munawwara mein usatza se tajveed uloom ke sath sath dunyawi ilm se bhi aarasta the. Wo Arabic, English, Persian, French samet 17 zabano par mukammal aboor rakhte the.

Maulana Noorani World Islamic Mission ke sarbarah aur Jamiyat Ulmaa Pakistan ke sadder thay. Wo tabhlig deen ke liye aksar o beshtar duniya ke mukhtalif mumalik mein safar karte lekin Ramadan ul Mubarak shuru hone se pehle Karachi pohanch jate aur har saal Namaz e Taraweeh mein QURAN PAK sunate aur wohi Sipara dosri Masjid mein Namaz e Tahajjud mein tilawat karte the. Imam Shah Ahmed Noorani Siddiqui 1970 se qabal ziyada tar tableegh deen mein masroof rahe, lekin mulki mafad aur mulk ke khilaf sazishon ki wajah se 1970 se amlan baqaiydgi amli siyasat mein hissa liya. 1973 ki National assembly ki dastoor saaz committee ke rukun ki hesiyat se apna kirdar ada kiya aur Zulfiqar Ali Bhutto ke muqabley mein Muttehda opposition ki janib se Wazeer e Aazam ke liye Mutafaqqa candidate hone ki hesiyat se election larha. 73 ke aaiyn mein islami jamhoriya Pakistan ke liye musalman hone ki shart ko shamil karwa diya aur Qadiyaniyon ko gher muslim aqliyat qarar dene mein aeham kirdar adaa kiya. Allama Shah Ahmed Noorani Shahib 1975 mein senate ke member muntakhib hue.

Aap ko inqelab mein waqai taur par barhe khatron se guzarna parha. Aap ne qaum mein nizam e MUSTAFA S.A.W.W ki tarap peyda ki, isi nizam ki jang aap aik taweel arsaa tak larhte rahe. Peer tariqat Maulana Noorani Islami tabligh o tarbiyat ke sath apne mureedon ki rohani tarbiyat se ghafil nahi rahe. Apne mureedon ki islaah aehwal par musalsal nazar rakhte, in ko siyasiyat ki masrofiyat se jab bhi waqt milta wo apne mureedon ko khusosi tawajja dete hue qalb o zikar ki tarbiyat karte. Jis se mureedon mein barhi islahi changings aai aur tazkiya nafs se hum kinar hue hain, zikar ki tarbiyat karte jis se mureedon mein barhi islahi tabdiliyan aai aur wo tazkiya nafs se hum kinar hue hain. Allama Noorani Nizam MUSTAFA S.A.W.W ke nifaz ke liye aakhri waqt tak jaddojehad karte rahe aur amli jehad karte hue is jahan faani se 78 saal guzar kar ALLAH PAK ke huzoor pesh ho gae. In ka mazar Hazrat Abdullah Shah Ghazi se mutasil Anwaar Tajalliyat ki Barish karta hua mehsoos hota hai.

Urs Shah Ahmed Noorani

Sunni ittehad council Pakistan ke deputy general secretary, markazi jamiyat ulmaa Pakistan ke rehnuma aur anjuman naujawanaan Islam Pakistan ke sarparast aala Tariq Mehboob ne kaha ke aalmi siyasat barre sagheer Pakistan ke siyasi mahaul ke hawale se mourikh jab bhi tareekh murattab karega to qaid e millat islamia Allama Shah Ahmed Noorani ka naam sunehre hurfon se likha jaega. In khayalat ka izhaar unho ne 24 August 2013 Saturday ko markaz Beyt ul MUSTAFA S.A.W.W MEIN Allama Shah Ahmed Noorani Siddiqui ke salana Urs ke mauqey par unhe khiraj e aqqedat pesh karne ke liye munaqada khusosi ijtemaa se khitab karte hue kiya. Unho ne kaha ke Allama Shah Ahmed Noorani ne dehshat gardi, inteha pasandi aur firqa wariyat ke khilaf qaumi siyasat mein numaya kirdar adaa kiya aur naujawano ko asbiyat, lisaniyat aur har qisam ke tafaraqey se door rakh kar Nara e Islam aur Jiye Musalman ka slogan deegar Ghlam e MUSTAFA S.A.W.W ki wabastagi ko mazboot karne ka dars diya jo ke aaj bhi tehreek nifaz nizaam e MUSTAFA S.A.W.W ke Sipahiyon ke liye Mashal hai.


 

 

 

Copy Right 2012-2014 www.Meriduniya11.com