Header
Home>News  

 

 

 

 

Allama Dr. Muhammad Iqbal

Allama Dr. Muhammad Iqbal was born on 9th November 1877 in Sialkot. He was a great poet. Allama Iqbal was also a politician and philosopher. He was very talented and sincere personality. Allama Iqbal received the degrees of PhD from Cambridge and Munich Universities in London. Bang e Dara is a first and famous book of Allama Iqbal in Urdu. In Englsih Allama Iqbal wrote “ The reconstruction of religious thoughts of Islam ”. Allama Iqbal died in 21st April 1938 in Lahore. He buried in the Shahi Masjid Lahore. In this page you can see the information about the great poet of Pakistan Allama Dr. Mohammad Iqbal.

Biography of Dr.Allama Muhammad Iqbal

Allama Muhammad Iqbal Photo

Dr. Allama Muhammad Iqbal ki azeem ul murtabat shakhsiyat aur hesiyat ke hain. Wo mussawir Pakistan hain, politician hain, philosopher hain, mufakkir e Islam hain aur Urdu ke buland paya aur asar aafreen qaumi poet hain. Aap ka kalaam Persian zaban mein bhi hai. Mukhtalif daqeeq aur ilmi mauzoaat par aap ki aala tehreeren laiyq tawajja aur umaiq mutalle ki mutqazi hain. Allama Iqbal 9th November 1877 ko province Punjab ke famous shehar Sialkot mein paida hue. Inhe is darfani se kooch kiye hue 76 saal guzar chuke hain, magar in ke buland aur asar angez khayalat, afkaar aur kalaam aaj bhi zinda javed hain. 21 April 1938 allama Iqbal ki wafaat ka din hai. Aap ka mazar Lahore ki shahi masjid ke aahate mein qaiym hai. Barre saher Pak o Hind mein Mir Taqi Mir aur Mirza Ghalib ke ilawa jis poet ka kalaam sab se ziyada maqbool hua wo Allama Iqbal hain. Aap apne kalaam ke zariye logon mein umeed aur aitemad paida karte hain. Allama Iqbal ke han zindagi saakt nahi hai, bal key eh mutehrik aur har waqt rawan dawan hai.

Dil Murdah Dil Nahi Hai Ise Zinda Kar Dobara,,,
K Yehi Hai Ummaton Ke Marz Kehan Ka Chara…

Allama Iqbal musalmano ko duniya mein hukmarani aur qeyadat ka dars dete hain. Wo insaniyat ki taraqqi aur urooj ke qaiyl hain. Inho ne apni poetry mein shaheen ka ista’ara bhi is liye istemal kiya hai ke shaheen nami parindah bohat oonchi parwaz karta hai. Urdu zaban mein aap ka pehla majmooa Bang e dara hai. Aap ka famous shikwa Jawab e Shikwa isi Bang e Dara mein shamil hai, jo aap ki shohrat ka sabab bana. Urdu zaban mein aap ke 2 aur famous kalaam Bal e Jibrail aur Zarb Kaleem hain. Aap ke kalaam ka beshter hissa Quran Pak aru Hadees se akhaz karda hai. Aap ka Urdu kalaam barha pur asar aur sehar angez hai.

Allama Iqbal ne aala taleem maghrib mein hasil ki. Philosophy aur mabad al tabiyat mein PhD ki degrees aap ne bil tarteeb Cambridge aur Munich universities se hasil ki aur maghrabi uloom se istefada bhi kiya, magar inho ne apni raah bilkul alehda mutayyan ki. Inho ne apni poetry aur nasar dono mein maghrabi nizaam aur is ke taur tariqon ki naïf ki hai aur akser maghrabi tasawurat ko musalmano ke liye gher mauzoo samjha hai. Maslan Allama Iqbal maghrib ke qaumiyat ke tasaqqur ko yakser mustarid karte hai,jis ki bunyad ilaqa rang nasal aur zabanein hain. Iqbal Islam ko muslim millat ki wahid bunyad qarar dete hain. “ The reconstruction of religious thoughts in Islam ” in ki aik famous kitab hai. Jo Aligarh, Hyderabad Dakkan aur madaris mein diye gae in ke lectures par mushtamil hai. Is kitab kepage no.159 par Iqbal raqam taraz hai ke : “ Islam na to qaum parasti hai aru na samrajeet bal key eh aqwaam ki aik anjuman hai, jo masnooi had bandiyon aur nasli imtiyazat ko sirf hawale ki sahulat ke liye tasleem karta hai aur apne arkaan ke samaji ufaq par koi pabandi nahi lagata…” apne in khayalat ka izhaar Allama Iqbal ne apni poetry mein bhi kiya hai.

Apni Millat par qeyas aqwam maghrib se na kar

Khaas hai tarkeeb mein qaum Rasool Hashmi

In ki jamiat ka hai mulk o nasab par inehsar

Quwwat Mahab se mustehkim hai jamiat teri…

1926 mein Punjab ki qanoon saaz assembly ke rukun muntakhib hue. Punjab muslim league ke sadder ki hesiyat se Hindustan ke musalamano ke liye amli kaam kiye. 1931 aur 1932 mein Hindustan ke siyasi mustaqbil se mutalliq 2 goal maiz conferences mein sirkat ki. 29 December 1930 ko Allama Iqbal ne Allahabad mein all india muslim league ke annual ijlaas ki sadarat karte hue apne sadarti khutbe mein Hindustan mein aik Islamic riyasat ki tashkeel ka tasawurr pesh kiya aur in ki geographic had bandiyon ka khaka pesh kiya.

May 1936 se November 1937 ke arsey mein Allama Iqbal ki Qauid e Azam ke sath hone wali khat o kitabat siyasi aitebar se narhi aehmiyat ki hamil hai. In khutoot mein Allama Iqbal ne Hindustan ke siyasi mustaqbil ke barey mein apne khayalat ka izhaar kiya hai. Aap ne in khutoot mein Qauid e Azam ki is janib bharpor taqajja dilai ke wo Hindustan mein musalmano ki alehda riyasat ka mutalba karen aur jald az jald Lahore mein muslim league ka ijlaas munaqid karen.

Iqbal ne apne khat maurkha 21 June 1937 ko Qauid e Azam ke naam apne khat mein likha ke “ Hindustan mein aap wahid musalman hain, jis ki taraf musalman rehnumai ke liye dekhte hai.”

Allama Iqbal ka tassawur Qauid e Azam Mohammed Ali Jinnah ki anthak koshishon se amli soorat mein aa gaya aur Pakistan 14 August 1947 ko duniya ki sab se barhi muslim mumlikat ki soorat mein ma’ariz wajood mein aa gaya. 1934 mein Iqbal ne yeh peshangoi kit hi ke Islam aur Europe aik dosre ke sath hamesha mutasadim rahe aur in ki inteha pasand mukhalfat ne past mein in ke darmiyan sulebi jangen barpa ki. Lekin mustaqbil mein Islam aur Europe ke darmiyan jang talqaron aur hathyaron se nahi ho gi, bal ke yeh aik dosre ke sath apne samaji nizamon ke zariye barsar paikaar honge. Allama Iqbal ka yeh tassawur bhi aaj sahi sabit ho raha hai.

British government ki janib se jab Iqbal ko Iqbal ko “ Sir ” ka khitab diya gaya to Allama Iqbal ne kaha ke is khitab ke asal mustahiq mere ustaad Maulvi Mir Hassan hain, jinho ne Iqbal ko Iqbal banaya. Iqbal ki shohrat aur pazeerai na sirf Hindustan aur Pakistan mein hai bal ke wo aalmi shohrat yafta hain. Europe mein in ke barhe qadardan hain, in ke kalaam ke angrezi zaban mein tarjume ho chuke hain. Apni Persian poetry ek hawale se wo Iran mein bohat ziyada maqbool hain. Tehran university ke 7 manzila library ki imarat mein aik wasee hall jo akhbarat aur risail ( periodicals ) ka hai. Allama Iqbal ke naam se manzoob hai aur is ke dakhili darwaze par Talaar ( hall Allama Iqbal Lahori ) ka board aawezan hai. Duniya bhar mein Allama Iqbal Ke chane wale 21 April ko Allama Iqbal ki barsi aqeedat o ehtaram se manate hain.


 

 

 

Copy Right 2012-2014 www.Meriduniya11.com