Meriduniya11 Header
Home>News  

 

 

 

 

Ahmed Faraz

Ahmed Faraz was born on 14 January 1931 in Kohat. He was a Pakistani Urdu Poet. Faraz in his pen name, (In Urdu called Takhallus). Faraz was a very great poet. His first poetry was “Tanha Tanha”. He received the degree of BA from Edwards College Peshawar. Ahmed Faraz received his Masters degree in Urdu from Peshawar University, and then he became lecturer in Peshawar University later. He was awarded Hilal e Imtiaz. Ahmed Faraz received Adamjee adbi award in 1988 and Abasin Award in 1990. He received the award from Academy of Urdu Literature (Canada) in 1991. In 1992, Faraz received the Tata Award from India. Ahmed Faraz died on 25 August 2008 in Islamabad. In this page, you can see the information about the most legend Poet Ahmed Faraz biography In Urdu.

Ahmed Faraz Biography In Urdu

Pakistani Poet Ahmed Faraz Photo

4 January 1931 ko Kohat mein peyda hone wale Ahmed Faraz ne Edward College Peshawar mein taleem hasil karne ke dauran Radio Pakistan ke liye feature likhna shuru kiye. Jab in ka pehla sheyri majmoaa “Tanha Tanha” shaey hua to Ahmed Faraz BA mein zeyr e taleem the. Bad azaa unho ne Urdu mein MA kiya. Wo taleem ki takmeel ke bad Radio se alehda ho gaey aur University mein Lecturer ship ikhteyar kar li. Isi mulazmat ke dauran in ka dosra mamoaa “Dard e Aashoob” shaey hua. Jis par writer Guilds ki janib se unhe Adam Jee adbi award mila. University ki mulazmat ke bad Pakistan National Centre Peshawar ke director muqarrar hue. Unhe 1976 mein akadmi adbiyat ka pehla sarbarah banaya gaya. General Zia ul Haq ke daur mein unhe majboran jilawatni bhi ikhteyar karni parhi. Ahmed Faraz ne 1988 mein Adam Jee Adbi award aur 1990 mein Abaseen Award hasil kiya. Jab ke 1988 mein unhe Bharat mein firaq gorakh pori award se bhi nawaza gaya. Academy of Urdu Literature (Canada) ne unhe 1991 mein award diya. Next year 1992 mein Bharat mein Ahmed Faraz ko Tata award se bhi nawaza gaya.

Marhoom 2006 mein National Book Foundation ke sarbarah rahe. In ke kehna tha ke TV interview ki padaash mein unhe National Book Foundation ki mulazmat se farigh kar diya gaya. Unho ne mutadid mumalik ke tour kiye. Marhoom ka kalam Aligarh University aur Peshawar University ke nisaab mein shamil hai. Jama maliya Bharat mein in par PhD ka maqala likha gaya. Jis ka mauzoo Ahmed Faraz ki ghazal hai. Bhawalpur mein bhi Ahmed Faraz ke fun aur shakhsiyat ke unwaan se PhD ka maqala tehreer kiya gaya. In ki poetry ke English, Francis, Hindi, Rossi, German, Yogusalawi aur Punjabi zuban mein tarjumey ho chuke hain.

Ahmed Faraz jinho ne aik zamane mein Fauj mein mulazmat ki koshish ki thi. Unho ne apni poetry ke zamana urooj mein Fauj mein aamrana rawish aur is ke ziyasi kirdar ke khilaf sheyr kehne ke sabab kafi shohrat paai. Unho ne Zia ul Haq ke Marshal law ke daur ke khilaf nazmein likhi. Jinhe bohat shohrat mili. Mushaeyron mein kalam parhne par unhe Military Government ne harasat mein le liya. Jis ke bad Ahmed Faraz ko khud sakhta jilawatni bhi bardasht karna parhi. 2004 mein General retire Parvez Musharraf ke daur e sadarat mein Ahmed Faraz ko Hilal e Imtiaz se nawaza gaya . lekin Faraz ne 2 baras bad sarkari policies par aehtejaj karte hue yeh tamgha wapis kar diya. Ahmed Faraz ne kae poems likhi. Jinhe aalmi satah par saraha gaya. In ki ghazaliyat ko bhi bohat shohrat mili. Ahmed Faraz ki poetry par mabni in ke 14 majmoaey kalam shaey hue. In mein Tanha Tanha, Dard e Aashoob, Shab e Khoon, Nayafat, Mere Khuwab reza reza, Be awaz Gali Kochon mein, Nabina Shehar mein Aaiyna, Pas Andaaz Mausam, Sab Awazein meri Hain, Khuwab e Gul pareshan Hain, Modlak, Ghazal Bahana Karo, Jana Jana aur Ae Ishq Junoon Pesha shamil hain.

Marhoom ki kae ghazlon ko Mehdi Hasan, Madam Noor Jahan, Naheed Akhter, Mehnaz o deegar gulokaron ne gaya. Jinhe aalmi satah par shohrat hasil hui. Ahmed Faraz shadid alalat ke baiys 25 August ko is jahan faani se kooch kar gaey, magar in ki poetry ke naqoosh aaj bhi dilon mein maujood hain.

Ahmed Faraz Ki 5 Wein Barsi

. Mumtaz poet apni shaeyri se dilon par raaj karne wale Ahmed Faraz ki 25 August ko 5th (panchvi) barsi mania jaegi. Ahmed Faraz ke qarebi doston aur Pakistan ke Mumtaz shoara ka kehna hai ke Ahmed Faraz 3 naslon ka chahita poet hai. Mumtaz taraqqi pasand poet Himayat Ali poet ka kehna hai ke Ahmed Faraz is aehad ka bohat barha hawala hai. Faiz ke bad jo mehbobiyat unhe mili, wo kisi ko bhi nahi mil saki. Mumtaz poet Amjad Islam Amjad ne kaha ke Faraz ke liye aik do jumley kehna ziyadti ho gi. Wo itna piyara insaan tha, ke is hawaley se kae din tak bhi batein ki jaeyn to kam hai.

1970 ke bad ki jo hamari sheyri riwayat hai us mein 3 he barhe naam hain. In mein Ahmed Faraz, Muneer Niazi aur John Aeliya top of the list hain. Ahmed Faraz ko ALLAH PAK ne bohat salahiyaton se nawaza tha.s wo in khush qismat logon mein se the. Jinhe chahne wale latadad insaan the. Aisa aksar kam he hota hai. Asghar Nadeem Syed ne kaha ke mujhe Faraz Sahab bohat yaad aa rahe hain. Ahmed Faraz 3 naslon ke poet hain. Aik Faiz ki nasal, dosri meri aur teesri nae nasal aur barhi baat yeh hai ke Faraz sab ke mehboob poet hain. Mumtaz Shaeyra Kishwar Naheed ka kehna hai tha ke Ahmed Faraz ne ghazalein likhi to kamal kiya, poems likhi to un ka jawab nahi. Faraz ko parh kar tabiyat khushgawar ho jati hai. Abbas Tabish ka kehna tha ke mujhe is baat ka aaj bhi yaqeen nahi hai ke Faraz hum mein maujood nahi hain. Unhe jab bhi parhta hoon, un ke sath guzare hue lamhe yaad aa jate hain.

Ahmed Faraz Ghazal

Ahmed Faraz Poetry In Urdu Image


 

 

 

Copy Right 2012-2015 www.Meriduniya11.com