Header
Home>News  

 

 

 

 

Abdul Qadir Mulla

The Supreme Court of Bangladesh has given execution to the leader of Jamaat e Islami Bangladesh Abdul Qadir Mulla. There were six charges against Abdul Qadir Mullah. His charges were that he favors Pakistan against Bangladesh and killed more then 300 people in 1971. Government of Bangladesh made tight security arrangement for the state of affairs after the execution of Abdul Qadir Mulla. In this page you will read Abdul Qadir Mulla, Jamaat e Islami News Urdu.

Jamaat e Islami News In Urdu

Abdul Qadir Mulla Photo

Bangladesh ki Supreme Court ki janib se Jamaat e Islami ke rahnuma Abdul Qadir Mulla ki saza ke khilaf appeal mustarid kiye jane ke baad phansi de di gai. Abdul Qadir Mulla par jangi jaraim ke 6 ilzamat the, unhon ne 1971 mein Bangladesh ki mukhalfat aur Pakistan ki himayat ki thi jis ki padash mein unhein phansi de di gai. Mulla Abdul Qadir par ilzam tha ke unhon ne 1971 ki jang ke doran 300 se zaid afrad ko qatal bhi kiya. Muqami waqat ke mutabiq Mulla Abdul Qadir ko 10 baj kar 1 minute par takhta e dar par latkaya gaya. Dosri janib hukumat ne Abdul Qadir Mulla ki phansi ke baad paida hone wali surat e haal se nimatne ke leye Dhaka samet mulk ke mukhtalif hassas muqamat par police aur neem foji daste tainat kar deye hain. Dosri janib Jamaat e Islami Pakistan ki janib se Abdul Qadir Mulla ki phansi ki shadid muzamat ki hai, sectary general Jamaat e Islami Liaqat Baloch ka kehna hai ke Abdul Qadir Mulla ki saza e mout adalati qatl hai.

Bangladesh mein Jamaat e Islami ke rahnuma Abdul Qadir Mullah ko phansi dene ke khilafpur tashadud ahtejaj ke doran 7 afrad halak aur 50 se zaid zakhmi , jab ke gharon aur karobari marakiz ko bhi nuqsan pohancha, mulk bhar mein hone wale ahtejaji muzahiron ke doran taraffic mutal aur shatar down hartal rahi, security ke intehai sakht hifazati iqdamat ke bawajod hazaron afrad sarkon par nikal aaye, Wazir e Azam samet degar aham sarkari imarton par foj tainat ki gai.

Pakistan ki salamti ki jang larne wale Jamaat e Islami Bangladesh ke rahnuma Abdul Qadir Mulla ko phansi dene ke khilaf Jamaat e Islami Pakistan ke ameer Syed Munawar Hassan ki appeal par mulk geer youm e ehtejaj ke silsile mein pore mulk ki tarah Karachi ke hazaron awam bhi sarkon par nikal aaye, Jamat e Islami Karachi ke tehat Masjid e Battul Mukaram ke bahar main University road par Jamat e Islami Sindh ke ameer Dr. Mejar ul Huda Sidiqi ki imamat mein Mulla Abdul Qadir ki ghaibana namaz e janaza ada ki gai, jis mein awam ne bari tadad mein shirkat ki aur is zalimana iqdam ke khilaf apne shadid gham o ghusse ka izhar kiya.

Qabal izen Bangladeshi hukumat ke is iqdam ke khilaf zabardast ihtejaji muzahirah kiya gaya, jis se Jamat e Islami Sindh ke ameer Dr. Mejar ul Huda Sidiqi, Karachi ke ameer Hafiz Naeem ur Rehman, Sindh ke naib ameer Asad ulllah Bhotto, Karachi ke naib ameer Nasar ullah Khan aur degar ne khitab kiya. Is muqe par Nasar ullah Khan ne aik muzamati qarar dad bhi pesh ki jis ki hazaron afrad ne hath buland kar ke taeid ki. Muzahireen se khitab karte hoye Dr. Mejar ul Huda Sidiqi ne kaha ke aik jali gawah ki bunyad par begunah ko soli par latka diya gaya, Hassina Wajid ne samjha ke Abdul Kadir Mullah ki shahadat se Islam ka naam mit jaye ga, magar wo sun lein ke hum sab Mulla Abdul Qadir hain, Mulla ka qafla thamme ga nahi.

Abdul Qadir Mulla Ne Nazariya e Pakistan Dobara Zindah Kar Diya (Munawar Hassan)

Leader of Jamat e Islami Syed Munawar Hassan said that Abdul Qadir Mulla has given his life far Islam and Pakistan and he revive the theory of Pakistan. He also said that they give salute to Abdul Qadir Mulla and Hassina Wajid is trying to arrange martial law in the country.

Jamat e Islami Pakistan ke ameer Syed Munawar Hassan ne kaha hai ke Abdul Qadir Mulla ne Islam aur Pakistan par apni jan nichawar kar ke Nazariya e Pakistan ko az sar e no zindah kar diya hai, saqot e Mashriki Pakistan ke bad Zulfiqar Ali Bhotto aur Sheikh Mujeeb Ur Rehman ke darmiyan ye muhaidah te paya gaya tha ke jangi jaraim ke hawale se muqadamat nahi chalaye jaye gein. Pakistan ki mujoodah hukumat ko Bangladesh ki hukumat ko ye muhaidah yad dilana chaheye tha. In khayalat ka izhar unhon ne Karachi ariport par shafiyon se baat karte howae kiya. Syed Munawar Hassan ne goftugu karte howae mazid kaha ke aaj hi ke din Pakistan do lakht howa tha, ye saniha Pakistan ki tarikh ka siyah bab hai aaj ke din hum Abdul Qadir Mulla ko Salam pesh karte hain. Sheikh Hassina Wajid Bangladesh mein Marshal Law ki taiyariyan kar rahi hain.

Abdul Qadir Mulla Ki Phansi Ke Khilaf Tashwish Ki Qarardad Manzor:

The session of national assembly was held under the Speaker of National Assembly Ayaz Sadiq in which a resolution against the execution of Abdul Qadir Mulla was passed.

Qaumi assembly ka ijlas speaker Ayaz Sadiq ki zer e saddarat howa jis mein Abdul Qadir Mulla ki phansi ke khilaf tashwish ki qarardad Jamaat e Islami ke rukun e Qaumi assembly Sheer Akbar Khan ki janib se pesh ki gai jis mein Bangladesh mein Abdul Qadir Mulla ko phansi dene par tashwish ka izhar karte howae mutalba kiya gaya ke Bangladesh mein Jamat e Islami ke rahnumaon ke khilaf 1971 mein qaim kiye gaye tamam muqadamat khatam kiye jaein. Is muqe par Peoples Party aur MQM ki janib se qarardad ki mukhalfat ki gai tahum aivan ne kasrat e raye se qarardad manzor kar li.

Is se qabal Qaumi assembly ke ijlas mein izhar e khayal karte howae Wazir e Dakhla Chaudhary Nisar ne kaha ke aaj mulk mein Jamhoriyat to hai tahum bad qismati se rupon mein nahi. Unhon ne kaha ke Abdul Qadir Mulla ki phansi ke khilaf qarardad ki himayat ka elan karte howae kaha ke un ki phansi se humare 42 saala purane zakham tazah ho gaye kyun ke Abdul Qadir Mulla ko adalti qatal ke zarye phansi par charha diya gaya halnke Abdul Qadir Mulla December 1971 ke bad Bangladesh se wafadar rahe.

 

Altaf Hussain

Zulfiqar Ali Bhutto

Benazir Bhutto

Nawaz Sharif

Pervez Musharraf

Imran Khan

Fozia Wahab

Bashir Khan Qureshi

Raja Pervaiz Ashraf

Barack Obama

 

Copy Right 2012-2015 www.Meriduniya11.com