Header
Home>Interview >  

 

 

 

Tabu

Tabu was born on 4th November 1971 in Hyderabad. She is 41 years old. Her full name is Tabassum Hashmi. Tabu is an Indian film actress. She also worked in Tamil, Tilgo, Malyalem, Marathi and Bengali films. Tabu is a versatile actress in bollywood. Tabo also performed in two Hollywood movies. Tabu received many Awards and “ Padma Shree Award ” from Indian Government. She is very talented and gorgeous actress. In this Page you will readTabu Interview In Urdu and Roman Hindi.

Tabu Interview

Tabu Photo

Bollywood ki versatile actresses ki baat ki jae to Tabu ke bina mukammal nahi hoti. Filmi mubsareen inhe apni nasal ki basalahiyat tareen actresses mein shamil karte hain. Tabu ne 2 ashron se zaiyd par muheet career mein har tarha ke characters mein yadgaar performance ke zariye apni salahiyaton ka loha manwaya. Hindi filmon ke ilawa inho ne Tamil, Tilgo, Malyalem, Marathi aur Bangali filmon mein bhi acting ki. In ke ilawa hollywood ki 2 filmon mein bhi role kar chuki hain.

Tabu ne agarcha rewayati commercial filmon mein bhi acting ki lekin in ki tarjeeh hamesha gher rewayati art filmen rahin. Tabu ne kafi awards bhi hasil kiye, jis mein Bharti hukoomat ki janib se diya gaya “ Padma shree award ”bhi shamil hai. Tabu 41 years ki ho gai hain. Is ke bawajood in ke chehre par naujawan actress ki si bashashat aur tazgi nazar aati hai. Tabu kehti hai ke wo actress he thek hai. Direction aur production mein koi dilchaspi nahi. Is khush jamal aur basalahiyat actress se haal he main ki gai guftugo apki nazar mein pesh kar rahe hain.

Question : Career ka aaghaz ap ne riwayati commercial filmon se kiya aur phir art cinema ki taraf aa gai. Is ka sabab kya tha ?

Tabu : Haqiqat ye hai ke main ne ye kabhi nahi socha tha ke sirf commercial films mein kaam karongi ya khud ko sirf ba maeyne cinema tak mehdood rakhongi. Main ne bas un filmon ke intekhab ko tarjeeh di jo mujhe achi lagi. Yeh bhi haqiqat hai ke waqt ke sath sath aap pukhta adakar mein dhal jate hain. Lekin main ne ise kabhi commercial cinema se sanjeeda cinema ki taraf ka safar nahi samjha. Mer khayal mein adakar, adakar he hota hai. Chahe woh glamours role karen ya non glamours.

Question : Aap ko versatile actress kaha jata hai, to kya film sign karte hue, is hawale se aap koi dabao mehsoos karti hain ?

Tabu : Mujhe maloom hota hai ke director aur audience mujh se kya tawaqqa rakhte hain aur main sab ki tawaqquaat par utarne ki pori koshish bhi karti hoon. Jab madah meri adakari par itmenaan zahir karte hain, to main samajhti hoon ke meri mehnat wasool ho gai. Meri tarjeeh hamesha khobsurat films hoti hain aur aesi films jin mein mujhe har bar kuch naya karne ka mauqa mile.

Question : Ang Lee ( Hollywood director ) ki film “ Life of Pi ” ap ne kya soch kar sign ki, halan ke iss mein aap ka role ziyada taweel nahi hai ?

Tabu : Jab Ang Lee ne mujhe is film ka script diya to mujhe laga ke yeh aik khobsurat film sabit ho gi. Is liye main ki yeh film sign kar li thi. Aur ab to yeh film release ho chuki hai. Ap ne dekh he liye ho ga ke audience is film ko pasand kar rahi hai. “ Life Of PI ” sign karne ki dosri wajah yeh thi ke mujhe Ang Lee ki films bohat pasand hain. Khas taur par “ Crouching Tiger ” aur “ Hidden Dragon ” bohat achi lagto hain.

Question : Ang Lee ne kaha tha ke unho ne aap ki kae filmen dekhi hain. Aap khud unhe apni kaun si filmen dikhana chahti hain ?

Tabu : Main un se kahongi ke “ Vijaypath ”, “ Biwi No.1 ” aur “ Cheeni Kum ” dekhen. In ke ilawa bhi kae filmen hain. Haqeeqat yeh hai ke mujhe apni sari filmen pasand hain. Wo meri koi bhi film dekh sakte hain.

Question : “ Life Of Pi ” se bhi pehle aap International Cinema ka hissa ban chuki hain, lekin bollywood ki deegar adakaraon ke bar aks aap pas manzar mein rehne ko tarjeeh deti hain. Is ki kya wajah hai, jab ke har actress kisi na kisi tarha zaraey ablaagh mein rehne ki koshish karti hai ?

Tabu : Main apni publicity kyun karon ??? main aap ki is baat se ittefaq karti hoon ke mujhe shohrat hasil karna nahi aata, log mujhe jante hain, mere liye yehi bohat hai. Main ne kabhi apni tasheer nahi ki, kabhi zaroorat he nahi mehsoos hui. Main jis qisam ki filmon mein kaam kar rahi hoon aur kar chuki hoon, un se mutmaiyn hoon.

Question : Aap kam filmon mein kaam karne lagi hain, is ki koi khas wajah ?

Tabu : Offers to beshumar hoti hain, lekin main unhe filmon ka intekhab karti hoon jo mujhe pasand aati hain. Main bar bar aik he tarha ki filmen nahi karna chahti, na he yeh chahti hoon ke aap screen par mujhe bar bar rota hua dekhen. Isi liye ab main film “ Banda yeh Bindaas hai ” mein role kar rahi hoon. Yeh aik mazahiya film hai. Is mein mere ilawa Salman Khan, Govinda, Lara Dutta, Boman Irani aur Rajpal Yadav shamil hain.

Question : Is ke ilawa koi aur film mein aap kaam kar rahi hain ya nahi ?

Tabu : Film “ David ” ki shooting mukammal ho chuki hai. Is film ke director Bejoy Nambiar hain. Yeh film Hindi ke ilawa Tamil mein bhi release ki jaegi. Mere ilawa is film mein Lara Dutta, South ke aik actor Vikram aur Neil Nitin Mukesh s

 

More Links
Ali Zafar
Alia Bhatt
Akshay Kumar
Ahsan Khan
Amina Sheikh
Amna Haq
Farah Khan
Nargis Fakhri
Sonakshi Sinha
Saba Qamar

 

 

Copy Right 2012-2013 www.Meriduniya11.com