Meriduniya 11 Header
Home>>Interview  

 

 

 

 

 

Sukirti Kandpal

Sukirti kandpal was born on 20th November 1987 ko Nainital India. She is 26 years old. Sukriti kandpal is an Indian television actress. Her father B.D.Kandpal was a public prosecutor. Sukirti kandpal started her career from modeling and during modeling; she got the offers of dramas. Sukirti kandpal worked as a tennis player Sakshi in the Tv series Jarsi No.10, it was a youth based show. Then she casted for the role of Dr. Rithima in the drama Dil Mil Gaye, it was a very popular serial. After this sukirti kandpal worked in the drama Pyar ki Aik Kahani as a leading role. Now she is performing in the drama serial Kaisa Yeh Ishq hai, Ajab sa Risk hai from the channel of Life Ok as a leading role Simran. In this page, you can see the information and interview about sukirti kandpal.

Tv Actress sukirti kandpal

Sukirti kandpal photo

Kuch logon ko kaam karne ki aesi aadat hoti hai ke wo aik din bhi farigh rehna pasand nahikarte. Kangana Ranawat se mushbihat rakhne wali sukirti kandpal ka shumar bhi aesi he actresses mein hota hai. Aik aesi industry mein jahan bohat sakht muqabla ho aur aae din nae nae ladkiyan introduce ho rahi hon. Wahan kisi actress ke liye musalsal masroof rehna kisi muaajzey se kam nahi. Aam taur par Tv actors ko aik show khatam hone ke bad dosre show ke liye tawell intezar karna parhta hai, lekin sukriti ke sath kabhi aisa nahi hua. Yehi wajah hai ke mukhtasir waqt mein wo ab tak 7 shows mein kaam kar chuki hain aur inka 8th show Kaisa yeh Ishq hai, Ajab sa risk hai in dino Life Ok channel par dikhaya ja raha hai. Is show ki maqboliyat ka andaza yun lagaya ja sakta hai ke is ka pehla season khatam hote he 11 November se dosre season ka aaghaz kar diya gaya tha. Sukriti is show mein aik new look mein nazar aa rahi hain. Is fresh interview mein sukriti ne apne career aur new look ke barey mein bohat si dilchasp batein share ki hain.

Tv actress sukriti kandpal 20 November 1987 ko Nainital mein peyda hui. In ke walid Mister B.D.Kandpal public prosecutor the. Is liye ibteda mein in ka iradah bhi qanoon ki taleem hasil karne ka tha. Lekinin ki qismat mein actress banna he likha tha. Sukriti ne apne career ka aaghaz modeling se kiya aur usi dauran inhe dramas mein kaam karne ki offes hone lagin. Inhe pehli bar Tv series Jarsi no.10 se shohrat mili. Yeh aik youth based show tha aur is ka mauzoo khelon se mutalliq tha. Jis mein inho ne aik tennis ki player Sakshi ka role play kiya tha. Is ke bad inhe Dil mil Gaye mein Dr.Rithima ke role ke liye cast kliya gaya tha, in se pehle yeh kirdar Shilpa Anand kar rahi thin. Yeh aik popular serial tha jis ki wajah se sukirti kandpal bhi lime light mein aa gai. Bad azaa inhe Pyar ki Aik Kahani mein markazi kirdar karne ka mauqa mila. Sukirti ke dosre dramas mein Agle janam Mohe Bittiya he kijo, hum ne li hai shapath, Rab se Sohna hai Ishq aur Ssshhh…Phir koi hai waghera shamil hain. In dino sukirti Life Ok channel ke show Kaisa yeh Ishq hai, Ajab sa Risk hai, mein Simran ka lead role play kar rahi hain, jis ka dosra season 11 November se shuru ho chukka hai.

Sukirti kandpal Interview

Question : Aap ke show ka pehla season 4 October ko khatam ho gaya tha, aap ne yeh farigh waqt kis tarha guzara ?

Sukirti kandpal : Is waqfey ke dauran bhi dosre season ki shooting jari rahi, lekin show ke on ear hone mein kuch time tha. Is liye mujhe kuch waqt mil gaya. Is dauran mein ghar walon ke sath chutti ko enjoy karti rahi. Is ke ilawa aik chakkar Delhi ka bhi lagaya. Un chuttiyon ke dauran main ne khob araam bhi kiya. Albaat kabhi kabhi boriyat bhi hone lagti thi. Kyun ke main kaam karne ki aadi hon. Tahum is bat ki khushi hai ke mujhe apne bohat se kaam nimtane ka mauqa mil gaya jo pehle shooting ki masrofiyat ki wajah se ruke hue the.

Question : Kaisa yeh Ishq hai……. ke seaon 2 se aap ko kaisi tawaqquaat hain ?

Sukirti kandpal : Mujhe yaqeen hai ke pehle season ki tarha ise bhi audience pasand karegi. Main is barey mein bohat ziyada excited hon. Is ki kahani bilkul new hai au rise bohat achi tarah create kiya gaya hai. dono seasons ke darmiyan waqfa aane se yeh faiyda hua hai ke sab log nae sirey se kaam karne ke liye fresh hon.

Question : Kya aap is haq mein hain ke taweel arseytak chalne wale shows ko season mein taqseem kar diya jaey ?

Sukirti kandpal : Ji han, mujhe yeh idea pasand hai. season ke darmiyan break milne se actors ke sath sath production house ke tamam logon ko relief mil jata hai. jo musalsal kaam kar kar ke thak jate hain. Main samajhti hon ke ziyada tar shows ko season vise he dikhana chahiye.

Question : Kya yeh sach hai ke Kaisa yeh Ishq hai……ka pehla season khatam hone ke bad aap ko dosre shows mein offers hui thin ?

Sukirti kandpal : Main ne Life Ok channel ke sath muaaheda kar rakha hai aur main un ke show mein kaam kar ke mutmaiyn hon. Yeh thek hai ke mujhe dosre shows mein kaam karne ki offers hui thin. Lekin filwaqt kisi dosri jagah kaam nahi kar sakti aur na he mujhe is baat ka koi afsoos hai.

Question : Aap ne is show mein apna look bilkul change kara liya hai, is ki koi khas wajah hai ?

Sukirti kandpal : Is show mein Haryanvi ladki ka role play kar rahi hon aur isi munasbat se apna look tabdeel kiya hai ta ke kirdar mein haqiqat ka rang bhar sakon. Yeh mere liye aik challenge tha. Lekin mujhe is roop mein shooting karate hue khushi mehsoos hui aur audience ne bhi is roop ko pasand kiya hai.

Question : Aap ko is show mein aesi kya baat nazar aai ke is mein kaam karna qabool kiya ?

Sukirti kandpal : Is ki aik nahi kae wajohat hain. Sab se pehle to yeh ke mujhe is ka concept bohat pasand aaya. Yeh aik mukammal romantic kahani hai aur mujhe aise roles pasand hain. Is ke ilawa mujhe is mein 2 mukhtalif roop mein dilkhaya gaya hai. mera aik look Haryanvi aur dosra western hai. Shayad kisi dosre show mein aisa mauqa nahi mil sakta. Yeh aik aisa character hai jis par mujhe bohat ziyada mehnat karni parhi. Main samajhti hon ke yeh aik fresh show hai aur abhi umer ke us hisse mein hon ke young shows kar sakon. Shayad ab se 4, 5 saal bad aise shows na mil paey, kyun ke us waqt mere ideas, adaat aur dress sense sab kuch badal chukka ho ga.

Question : Abhi tak single status enjoy kar rahi hain ya koi ideal shakhs nahi mila ?

Sukirti kandpal : Filhal tamam tar tawajja apne career par hai aur abhi wo waqt nahi aaya ke ghar basane ke barey mein soch sakon.

Question : Waise kis qisam ke bande ko life partner banana chahengi ?

Sukirti kandpal : Kuch khas nahi, bas us mein chand aik khas khobiyan honi chahiye. Khayal rakhne wala ho, down to Earth ho, sab se barh kar wo bhi mujhe itni mohabbat de sake, jitni main use don.

Question : Aap ke hairs aur skin bohat khobsurat hain, is husun ka raaz kya hai ?

Sukirti kandpal : Mujhe dekh kar aksar log is ghalat fehmi ka shikaarho jate hain. Ke main regular gym jati hon. Halan ke aisa kuch bhi nahi hai. albatta haftey mein 3, 4 bar yoga exercise karti hon. Heavy makeup se chirh hai aur natural beauty par yaqeen rakhti hon. Face wash aur moisturizer ka bharpor istemal rehta hai. bas yehi kuch meri khobsurat skin aur haseen hairs ka raaz hai.

Question : Suna hai jewelry ke liye hamesha crazy rehti hain ?

Sukirti kandpal : O yes, jewelry ke bagher to nahi reh sakti. Chamakti damakti jewelry hamesha se pasand hai aur meri kamzori rahe hain. Jab bhi koi ache design ka jewelry set dekhti hon to dil machal jata hai aur phir use kharide bina nahi reh sakti, khuwa wo kitna he mehanga kyun na ho. Apne is mehange shauq par khud ko kosti bhi hon magar kya karon, aadat se majboor hon. Diamonds bhi bohat pasand hain.

Question : Tv industry mein hone wali tabdiliyon ko kis nazar se dekhti hain ?

Sukirti kandpal : Kaam mein behtari lane ke liye tabdiliyan hoti rehni chahiye. Yeh aik fitri amal hai. waqt ke sath sath Tv industry mein jo tabdiliyan rounuma ho rahi hain, un se taqriban sab he logon ko faiyda hua hai. Mumkin hai ke kuch log is se mutassir bhi hue hon. Lekin hamen sirf industry ki behtari ke barey mein sochna chahiye aur main samajhti hon ke agar kaam mein yaksaniyat ho gi to log is baat se bore ho jaenge.

Question : Actress banne ke bad aap ki zindagi mein kya changing aai ?

Sukirti kandpal : Aaj bhi pehle jaisi he hon. Albatta logon ke behavior badal gaey hain. Yahan tak ke meri qareebi saheliyan bhi mujh se maroob nazar aati hain. Jaise main barhi koi toap cheez ban gai hon. Jab ke main chahti hon ke wo pehle ki tarha mere sath be takallufi se pesh aae.

 

More Links

 

 

More Links

 

Copy Right 2012-2014 www.Meriduniya11.com Contact Us