Header
Home>>Interview  

 

 

 

 

 

Srishty Rode

Srishti Rode was born on 24th September 1991 in Mumbai, she is 22 years old. Srishti Rode is an Indian Television actress. Her Father Tony Rode is also belongs to the Indian Television industry as a Cameraman. Srishti Rode received her early education from Saint Louis Convent School in Mumbai. She started her career from commercials and then Srishti Rode started her drama debut “ yeh Ishq Hai ” from the channel Star One as a role of Manjari. Then she worked in the drama serial “ Shobah Somnaath ki ” as a leading role. Now Srishti Rode is playing a lead role in the drama serial “ Punar Vivaah ek Nayi Umeed ” as a role of Srita from the channel Zee TV. She is very talented and good looking actress. In this page you can see the information and interview about Srishti Rode.

Srishti Rode Interview

Srishti Rode Photo

Aage barhne aur naam kamane ki khuwahish sab he actors ke dil mein hoti hai aur wo is ki takmeel ke liye pori mehnat aur ja’nfishani se apne career ki shoruaat karte hain, lekin jab unhe ibteda mein he kisi sadmey se do chaar hona parh jaey to un ke khuwab chakna choor ho jate hain aur yun lagta hai kea age barhne ke sare raaste band ho gaey hain aur wo aik aesi surang mein bhatak rahe hain, jahan door door tak roshni ki kiran nazar nahi aa rahi. Kuch is soorat e haal se mayoos ho kar wapis laut jate hain. Lekin kuch umeed ka daman thamey apna safar jari rakhte hain. Unhe rasste ki mushkilaat se pareshani hoti hai aur na he bhatakne ka khauf, yehi umeed unhe kamiyabi ka raasta dikhati hai aur bil aakhir wo apni manzil tak pohanch jate hain. Srishti Rode ka shumar bhi unhi ba himmat logon mein hota hai, yeh pehle show mein aeham role play kar rahi thi ke achanak he use band kar diya gaya aur us ke sath sath he Srishti Rode ki umeedon par bhi pani phir gaya, lekin inho ne himmat na hari aur mukhtalif shows mein chote mote roles karti rahi. Phir in ke career mein aeham morh aaya aur inhe Shoba Somnaat ki Main Shoba ka markazi kirdar mil gaya aura b yeh Panar Vivah aik nae Umeed mein Srita ka role play kar rahi hain. Is fresh interview mein Srishti Rode ne apni personal aur professional life ke kuch goshe benaqaab kiye hain.

Tv actress Srishty Rode Mumbai mein paida hui. Us ke walid Tony Rode bataur cameraman TV industry se wabasta hain. Srishti Rode ne ibtedai taleem Saint Louis Convent School Mumbai se hasil ki. Yeh first year mein thi ke Balaji walon ne inhe aik commercial mein dekha aur audition ke liye call kar li. Television par in ka pehla show star one se dikhaya jana wala Yeh Ishq Hai tha. Jis mein inho ne Manjari ka role play kiya tha. Srishti Rode ki acting ko be had pasand kiya gaya, lekin bad qismati se yeh show muqarrara waqt se pehle band kar diya gaya. Lekin phir inhe bohat jald Shoba Somnaath ki Shoba ka markazi role mil gaya. Jise inho ne barhi khobsurti se adaa kiya. In dino yeh Zee Tv ke show Panar Vivah aik nea Umeed mein Srita ka role adaa kar rahi hain aur inhe is show se bohat si umeeden wabasta hain.

Question : Sab se pehle apna bachpan ke barey mein bataey, aap kahan pali barhi aur bachpan ki koi aesi baat jo aap ko abhi tak yaad ho ?

Srishty Rode : Main ne ibtedai taleem Mumbai ke Saint Louis Convent High School mein hasil ki. Bachpan mein mukammal taur par tom boy thi aur ladkon mein uthti bethti thi. Jab Eight class mein aai to mere andar tabdeeli rounuma hone lagi aur main aam ladkiyon ki tarha sharmeeli aur naram guftar ban gai. Ladkiyon wale khel khelne lagi. Sab log is tabdeeli par heyran the aur unhe yaqeen nahi aa raha tha ke main wohi tom boy type ladki hon.

Question : Acting ki janib kis tarha aana hua ?

Srishti Rode : Main bohat ziyada Tv dekha karti thi aur is tarha mujhe bhi Tv par kaam karne ka shauq ho gaya aur actress banne ka khuwab dekhne lagi. Lekin main ne is khuwab ko amli jamaa pehnane ke liye koi thos tadneer nahi ki. First year mein thi to mujhe college ke functions mein perform karne ka mauqa mila. Mehmano mein Balaji ke kuch log bhi maujood the. Unho ne mujhe dekha aur show ke liye call kar liya, is ke bad mera audition hua aur pehli he bar mein select ho gai.

Question : Pehli bar camera ka saamna kar ke kis tarha mehsoos hua ?

Srishti Rode : Bilkul bhi ghabrahat nahi hui, kyun ke camera mere liye ajnabi nahi tha. Main is se pehle commercials kar chuki thi aur mera fair & lovely ka commercial bohat popular hua tha.

Question : Aap ka pehla show Yeh Ishq Hai achanak he band kar diya gaya, aap ko sadma to hua ho ga ?

Srishty Rode : Bilkul bhi nahi, kyun ke hum pehle se jante the ke, Kahani is andaaz mein aage nahi barh rahi rhi, jaisa ke tawaqqa ki ja rahi thi. Is ke ilawa show ke darmiyan mein kae actors ko change kar diya gaya. Humen yeh bhi maloom hua ke aik nae shakal di ja rahi hai. Is se hamare shuba ki tasdeeq ho gai, tahum sirf hamara he nahi, bal ke dosre shows bhi khatam kar diye gaey, is liye humen ziyada afsoos nahi hua.

Question : Is show ke band ho jane ke bad aap ki kya kefiyat thi ?

Srishti Rode : Main bohat roi kyun ke is show mein lead role play kar rahi thi aur yeh kirdar mere dil se bohat qareeb tha. Log mujhe Manjari ke roop mein dekh rahe the aur is character ke zariye meri pehchan ban rahi thi. Lekin is ke sath he humen yeh ehsaas bhi tha, ke duniya is show par khatam nahi ho gai. Humen aage barh kar industry mein apni jagah banane ki koshish karni chahiye. Mujhe ziyada intezar nahi karna parha aur thore he arsey bad Shoba Soomnath ki mein cast kar liya gaya.

Question : In dino aap Zee Tv ke show Panar Vivah aik nae Umeed mein Srita ka role play kar rahi hain, is role ke barey mein kuch bataengi ?

Srishty Rode : Yeh aik wonderful aur mukhtalif character hai, jo audience ko pori tarha connect karta hai. Srita aik riwayati Indian girl hai. Jo mashraqi iqdar par pori tarha yaqeen rakhti hai. Mera khayal hai key eh aik bilkul munfarid character hai aur aik aesi aurat ki kahani hai jo apne shohar se bohat mohabbat karti hai, lekin us ke sath he riwayati mashraqi aurton ki tarha apne shohar ki mohabbbat aur tawajja hasil karne ke liye shadi shuda zindagi mein bohat jaddojehad karti hai aur sara din ghar ke kamon mein masroof rehti hai. Bohat he jazbati aurat hai aur zara zara si baat ka asar le leti hai, is liye mujhe shooting ke dauran bohar ziyada rona parhta hai.

Question : Aam zindagi mein aap Srita se kitni mukhtalif hain ?

Srishti Rode : Hum dono mein koi mumaslat nahi hai. Albatta sirf aik baat mushtarik hai aur wo yeh ke dono mein fighting spirit hai, warna as a person main us se bohat mukhtalif hon. Main hansne hansane wali aur tafreeh pasand hon. Jab ke wo simple aur sober aurat hai. Wo har waqt qurbani dene ke liye tayyar rehti hai. Jab ke main faisla kar ke us par qaiym rehti hon.

Question : Is show mein dosri shadi ke mauzoo ko discuss kiya gaya hai, agar aap ko real life mein is tarha ki situation ka samna karna parha to kya karengi ?

Srishti Rode : Mujhe to is ke barey mein soch kar he khauf aata hai. Shadi zindagi bhar ka muaamla hai aur shadi ke bad main sari zindagi apne jeevan sathi se mohabbat karti rahongi. Dosri shadi mein koi burai nahi lekin is ke bawajood main aisa nahi karongi. Mera khayal hai ke is ka inehsar waqt aur halaat par hai. Main ne bohat se logon ko dosri shadi karte dekha hai aur main un ki soch ki qadar karti hon. Mera khayal hai ke kisi bhi relationship mein ikhatte rehne ki sab se ziyada aehmiyat hai, chahe wo pehli, dosri ya teesri shadi ho.

Question : Agar aap ko mauqa diya jaey to Television par chalne wale maujoda shows mein kaun sa role play karna pasand karengi ?

Srishty Rode : Aisa koi role milta hai to main Balika Vadhu mein Aanandi ka role play karna pasand karongi kyun key eh character dekhne mein bohat maqbool hai aur dosre characters se bilkul mukhtalif hai.

Question : Kya aap kisi relationship mein involve hain ?

Srishty Rode : Filhal single hon, albatta Past mein kisi se mohabbat karne lagi thi, lekin wo meri na samjhi ka daur tha. Beharhaal main ne us se bhi enjoy kiya aur us tajurbey se bohatkuch seekhne ka mauqa mila. Ab pehle ke muqabley mein ziyada mature ho gai hon.

More Links

 

 

More Links

 

Copy Right 2012-2014 www.Meriduniya11.com Contact Us