Header
Home>>Interview

 

 

 

 

Shweta Gulati

Shweta Gulati was born on 29 May 1979. She is years old. Shweta Gulati is an Indian drama artist. She started her career from advertising. Her first show on the Television was Kyun Hota Hai Pyar and in this drama, she played a role of Tara. Shweta Gulati hosted the Show Pardey Ke Piche from the channel of Star Plus and hosted the show Zara Nach ke Dikha with Karan Singh Grover. After that, she played a negative role in the show Lipstick from the channel of Zee TV. Shweta Gulati succeeds in the show Remix from Star One TV channel, it is one of the early shows who launched from the channel of Star One. Shweta Gulati hosted the reality show Dekh India Dekh in 2009 and participated in the 6 season of Comedy Circus. She also hosted the red carpet of Gold Awards in 2010. Now she is playing a lead role in the show Jo Biwi Se Kare Pyar from the channel of Sab TV with Arjun Bijlani. In this page, you can see the information and interview about Shweta Gulati.

Tv Actress Shweta Gulati

Shweta Gulati Photo

Aam taur par Tv actress apni umer se kam nazar aane ki khuwahishmand hoti hain aur un ki koshish hoti hai. Ke Tv shows mein bhi inhe young role play karne ka mauqa mile. Is lihaz se Shweta Gulati khush qismat actyress hain. Jo thirty plus hone ke bawajood abhi tak young characters mein nazar aa rahi hain. Tv par bohat kaam karne bad achanak he inho ne break liya aur kafi arsey tak chote pardey se door rahin. Ab wo Sab Tv ke show, Jo Biwi Se Kare Pyar mein Arjun Bijlani ke maqabil lead role play kar rahi hain. Shweta ne apne pore character mein hamesha miqdar ke muqabley mein meyar ko tarjeeh di hai aura b bhi wo munfarid concepts aur jandaar role ko dekhte hue is show ka hissa banne par razamand hui hain. Shweta Gulati ki zaati zindagi mein un ki shadi aur talaq ke barey mein phelaey jane wali news be bunyad hain. Aaye hum jante hain Shweta Gulati ki personal aur professional life ke barey mein.

Shweta Gulati 29 May 1979 ko peyda hui. Inho ne apne career ka aaghaz advertising se kiya. Jab ke television par in ka pehla show Kyun Hota Hai Pyar, tha. Jis mein inhe Tara ka role play karne ka mauqa mila. Television par anchoring ka tajurba us waqt hu, jab inho ne pehli bar star plus ke show pardey ke piche mein hosting ki. Is ke bad inho ne Zee tv ke show Lipstick mein negative character kiya. Shweta Gulati ko sab se ziyada shohrat star one ke show Remix se mili. Jo is channel se launch hone wale ibtedai shows mein se aik tha aur shweta is show mein cast hone wali pehli actress thin. Is show mein inho ne aik 16 sala ladki Tiya Aahoja ka rolw play kiya tha, jis par viewers ke sath sath naqadon se bhi daad mili. Remix ke bad inho ne mukhtalif Tv shows mein mukhtasir kirdar adaa kiye. Jin mein Aik chabi hai Padhos mein, Mann mein hai Vishwas aur Durgeshan Nandini shamil hain. Baad azaa inho ne TV serial Ambardhara mein negative role play kiya.

Shweta Gulati ne dance reality show Zara Nach ke dikha mein bhi anchoring ki hai. Is show mein in ke saathi Karan Singh Grover the. Bad mein yeh dono artist star one ke show Dil Mil Gaye mein yakjaa hue. Is show mein Shweta ne Dr.Nikita Malhotra ka role play kiya tha. 2009 mein inho ne reality show Dekh India Dekh ki hosting ki aur jab ke comedy circus ke 6 season mein bhi hissa liya. Inho ne gold awards 2010 ke red carpet ki bhi hosting ki. Bad azaa inhe Sab Tv ke Kid show Gol Gol Gappa mein Sandhiya Shastri ke roop mein dekha gaya aur ab wo aik taweel waqfey ke bad Sab Tv he ke Show Jo Biwi Se Kare Pyar mein Arjun Bijlani ke maqabil lead role play kar rahi hain.

Shweta Gulati Interview

Question : Aap kafi arsey bad chote pardey par nazar aa rahi hai, is taweel gher hazri ki koi khas wajah ?

Shweta Gulati : Bohat se logon ne mere barey mein yeh khabar phela di ke industry chor chuki hon. Halan ke main Jhoomro ki shoting ke liye village gai hui thi. Wapis aane ke bad kisi ache role ka intezar karti rahi. Us dauran mujhe jo role offer hue wo gher dilchasp aur gher aeham the. Jinhe qabool karne mere liye mumkin nahi tha. Kyun ke Past mein Remiw aur Dil Mil Gaey jaise shows kar chuki hon, phir koi ordinary role kaise kar sakti thi.

Question : Aap ko show Jo Biwi Se Kare Pyar Mein yeh lead role kaise mila, jab ke aap kafi arsey se field mein nahi thin ?

Shweta Gulati : Main is channel ke liye ajnabi nahi hon. Is se pehle bhi in ke aik show mein kaam kar chuki hon. Yeh channel mere liye ghar jaisa hai, lehaza jab unho ne mujhe is show mein kaam karne ki offer ki to inkaar karne ka sawal he peyda nahi hota tha, kyun ke is ka idea be had munfarid aur khobsurat hai. Mujhe is concept ne bohat mutassir kiya. Yeh reality com fiction show hai jo ke in dino dikhae jane wale dramas se bilkul mukhtalif hai. Main samajhti hon ke yeh aik behtareen idea hai.

Question : Kya aap haqeeqi zindagi mein chahengi ke shohar aap ko khana paka kar khilaey ?

Shweta Gulati : Mujhe khushi ho gike wo meri khatir kitchen mein aae, lekin agar wo nahi chahta to main israar nahi karongi. Maujoda daur mein Biwi aur Shohar dono ko ghar ka kaam karna chahiye. Wo zamana gaya jab biwi par sari zimmedari hua karti thi. Hamare show mein yeh bhi dikhaya gaya hai ke aik sath khana pakane se Miyan Biwi mein mohabbat barhti hai.

Question : Khana pakane ke ilawa aap apne shohar se kya tawaqquat rakhti hain ?

Shweta Gulati : Aap ne meri baat ka ghalat matlab liya. Main un modern aur azaad khayal aurton mein se nahi hon jo chahti hain ke mard un ke liye car ka darwaza kho len, mujhe khushi ho gi ke agar wo aik dafa mere liye yeh khidmat baja laey. Ise main apni izzat afzaai samjhongi. Lekin mujhe ziyada khushi us waqt ho gi jab wo thakara ghar wapis aaega aur main aik dilkash muskurahat ke sath un ke istaqbal karongi. Aik mukammal riayati aurat hon aur meri parwarish isi andaaz mein hui hai.

Question : Kya is shohrat ki wajah se aap ki zaati zindagi mutassir nahi hui, aur aap ab bhi pehle ki tarha azaadi se har jagah ja sakti ho ?

Shweta Gulati : Main samajhti hon ke koi khas farq nahi parha. Yeh zaroor hai ke log pehchan kar mere gird zaroor jama ho jate hain, lekin is se mujhe koi pareshani nahi hoti. Main hujoom se nahi ghabrati. Kyun ke yeh un ki mohabbat o khuloos hai jise nazar andaaz nahi kar sakti. Agar mujhe un ke sath 2 ghante bhi tasveren waghera banwani parhe to mind nahi karti, bal ke us mohabbat aur khuloos ko oper wale ka inaam samajhti hon.

Question : Aap hamesha maghrabi libaas mein nazar aati hain, kya aap ko Indian dress mein be aarami mehsoos hoti hai ?

Shweta Gulati : Maghrabi libaas mein nazar aane ki 2 wajohaat thin. Pehli to yeh ke role ki demand thi aur dosra yeh ke main ne janboj kar maghrabi libaas ko tarjeeh di. Ta ke main dosri adakaraon se munfarid aur mumtaz nazar aaon. Waise mera khayal hai ke mujh par sarhi achi lagti hai aur Jo Biwi se Kare Pyar mein mashraqi libaas bhi use kar rahi hon.

Question : Kya yeh sach hai ke aap ki shadi ho gait hi, lekin chand maah bad he divorce ho gai ?

Shweta Gulati : Ji nahi, yeh mehaz afwaa hai. Meri shadi nahi hui jin logon ne yeh afwaa phelai hai, main unhe challenge karti hon ke wo koi sabot samne laey. Jis se sabitho ke meri shadi aur divorce ki news sahi hain. Albatta yeh zaroor keh sakti hon ke in dino aik relationship mein involve hon, lekin us ka talluq industry se nahi hai.

Question : Aap ne acting aur hosting dono he ki hai aur in mein se kya ziyada pasand karti hain ?

Shweta Gulati : Mujhe dono mein maza aata hai. Albatta hosting is liye pasanad hai ke is mein hamen apni shakhsiyat ke izhaar ka mauqa milta hai. Jab ke acting karte waqt hum kisi dosre role mein dhal jate hain aur dekhne walon ko screen par actor nahi character nazar aa raha hota hai.

Question : Aap ne dance reality show mein bhi hosting ki hai, kabhi khud bhi dance ke barey mein socha ?

Shweta Gulati : Mujhe thora bohat dance aata hai, lekin bohat achi dancer nahi hon. Usi waqt kisi dance reality show mein hissa longi, jab mujhe yaqeen ho jaega ke main acha dance kar sakti hon.

More Links

 

 

More Links

 

Copy Right 2012-2014 www.Meriduniya11.com Contact Us