Header
Home>Interview >  

 

 

 

 

Shreya Ghoshal

Shreya Ghoshal was born on 12 March 1984 in Durgapur. She is 28 years old. Shreya ghoshal is an Indian Singer, she is also known as a Playback Singer. When she participated in TV program “ Sa Re Ga Ma ”. Shreya Ghoshal caught the attention of film director Sanjey Leela Bhansali, then he offered her to sung songs of film “ Devdas ”. Shreya received 5 National Film Awards, 5 Film fare Awards, 5 Life Awards, 3 Zee Cine Awards, 5 Screen Awards, 4 Apsara Awards. In this page you will read Bollywood Singer Shreya Ghoshal Interview in Urdu and Roman Hindi.

Bollywood Singer Shreya Ghoshal

Shreya Ghoshal Photo

Bollywood singer Shreya Ghoshal ab tak 5 martaba National Film Award, 5 dafa Filmfare Award. 5 dafa Iifa Award, 3 martaba Zee Cine Award, 5 martaba Screen Award aur 4 martaba Apsara Award hasil kar chuki hain. Is ke ilawa bhi inhe mukhtalif idaron se awards milte rahe hain. Lekin is saal to unho ne record he torh diya aur aik nahi bal ke 4 Awards hasil kiye, jo un ki kamiyabi aur maqboliyat ki daleel hain. Is lihaz se dekha jae to is waqt wo bollywood ki No.1 Female Singer hain aur in ki position kafi mehfooz nazar aati hai. 28 saal ki umar mein itni dher sari kamiyabiyan hasil karne wali in singer ko apna ghar basane ki koi jaldi nahi aur in ke kehna hai ke har kaam apne waqt par he acha lagta hai.

Shreya Ghoshal Interview

Question : Aap ne 1998 mein singing ka aaghaz kiya tha, ab tak ap taqreeban 180 films ke liye songs gaa chuki hain aur ap ki umar 28 saal hai. Itni ziyada kamiyabiyan sametne ke bad apna ghar basane ke barey mein khayal nahi aya ?

Shreya Ghoshal : Yeh fikar mere waldain ko hai, jaise he 21 years ki hui, meri Maa ne is barey mein pareshan hona shuru kar diya. Wo aksar kehti hain ke tum singers kitne busy rehte ho. Tum se kaun shadi karega. Yehi nahi bal ke unho ne yahan tak keh diya ke wo mere liye munasib rishta dhondne ki zimedari nahi utha sakti aur kae martaba keh chuki hain ke main tumhare liye larka nahi dhond rahi. Main bhi is haqeeqat se achi tarha waqif hoon ke yeh sab Maa se nahi ho ga. Tab he Maa aur Papa ne yeh soch rakha hai ke main khud he apne liye larka talash kar loon.

Question : Yeh bataen singer hone ke sath sath aap apne Girl Next Door image rakhne ke liye kya jatan karti hain ?

Shreya Ghoshal: Main apne ap ko kisi khas image mein rakhne ki koshish nahi karti. Zindagi mein jaisi hoon waise he nazar aana chahti hoon. Misal ke taur par kisi bhi aam larki ki tarha main bhi ghar mein apni Maa se khob larhti jhagarti hoon. Aap to jante he hain ke sari Maaen apni aulad ke liye bohat fikarmand rehti hain. To yeh sab har roz hota hai. Agar apne khane peene aur sehat par dehan na do to wo naraz ho jati hain.

Question : Kya ap ne apne walid ke naqshe qadam par chalte hue Scientist banne ka socha kabhi ?

Shreya Ghoshal :Hum aik aesi colony mein raha karte the, jahan sab he Scientist ya Engineer the. Aur har naujawan larka ya larki Scientist banne ke bare mein he socha karta tha. Sachi baat to yeh hai ke main bhi Scientist he banna chahti thi. Shayad is ki wajah yeh ho ke main Dady se mutassir thi. Jo humen barhi aasani se sab kuch samjha diya karte the.

Question : Scientist bante bante singing ki taraf kaise aa gai ?

Shreya Ghoshal: Singing ka shauq to mujhe bachpan he se tha. Main ne 4 saal ki umar se he gana shuru kar diya tha. Shayad yeh jaraseem waldah ki taraf se mujhe mile honge. Kyun ke wo khud bhi aik singer thin. Unho ne hamesha meri hausla afzaai ki aur mujhe bohat sikhaya. Jab ke wo khud professional singer nahi thin. Lekin unho ne mujhe mauseeqi ki taleem-o-tarbiyat dene mein koi kami nahi chori. Mere career mein aeham morh us waqt aya, jab main ne TV ke show “ Sa Re Ga Ma ” mein hissa liya aur Sunjay Leela Bhansali ki nazron mein aa gai. Unho ne mujhe apni film “ Devdas ” ke songs ke liye muntakhib kar liya.

Question : Aap ke liye romantic ya Item No. mein kaun sa ziyada challenging hai ?

Shreya Ghoshal: Har song munfarid hai. Chikni chameli is lihaz se challenging tha ke is mein mujhe apni adat ke khilaf gana parha. Jab ke is qisam ka sansani khez gana gate waqt, main apni awaz ko aik makhsoos andaaz deti hoon aur us ka taqaza hai ke, ap apni awaz par had se ziyada control rakhen.

Question : Suna hai ke aap khud bhi apni Album ke barey mein sanjeeda hain ?

Shreya Ghoshal: Is silsile mein bohat sa kaam ho chuka hai, lekin waqt na milne ke sabab use final nahi kar pa rahi, jaise he thora sa waqt mila. To yeh Album release kar dongi.

Question : Yeh bhi sunne mein aya hai ke ap ko films mein kaam karne ki offer hui hai ?

Shreya Ghoshal: Ji haan, aik nahi kae martaba, lekin main khud ko zehni taur par is ke liye amada nahi kar pa rahi.

 

More Links

 

Copy Right 2012-2015 www.Meriduniya11.com Contact Us