Header
Home>Interview

 

 

 

 

Sanam Jung

Sanam Jung Photo

Sanam Jung is a Pakistani TV actress. She is born on 28th October, 1988. She has done M.B.A from Karachi University. She started her career as a V.J and now she is acting in dramas. From 2008 to 2010 she has done many commercials as a model. She started her acting career from drama “Dil e muztar”. Her other dramas are “ghar aye mehman, zindagi gulzar hai, dulha main le kar jaon gi.” Right now her drama “Muhabat subah ka sitara” is going on air. In the drama she is playing role of a afraid girl. Here is her interview from your interest.

Sanam Jung Interview

Question: Character Romesa ke bare mein kuch batao?

Sanam Jung: Umera Ahmed aik bar writer hain is leye un ko challenge nahi kiya ja sakta ke aaj ked or mein esi larkiyan dhondne se nahi milten jo apne haq ke leye kuch na bolen. Ye to insane fitrat hai ke agar us ke sath kuch ghalat ho raha ho to wo apne haq ke leye ahtejaj zaror karta hai.

Question: Is field mein bohat ziyadah struggle karna parti hai, kia tumhen bhi age barhne ke leye jid o jehad karni pari?

Sanam Jung: Ji nahi, khud ko khush qismat samajhti hun ke bilkul bhi tago do nahi karni pari, mere raste saf hote chale gaye. Mujhe yad hai jab BBA first year mein thi to meri dost ne caal ki ke aik jagah V.J ke leye audition hai, tum bhi ajao, halanke mujhe koi shoq nahi thi lekin phir bhi chali gai. Audition mere hisab se bohat kharab howa tha, lekin heart angez tor par mujhe select kar liya gaya. V.J ki hesiyat se zimedari sanbhalte howae zehan mein yehi tha ke log pasand nahi Karen gem agar unhon ne bharpur pazirai aur muhabat se nawaza. Kuch arsa Play T.V par V.J rahi, phir Aag walon ne bula leya, aur is channel par kaam kar rahi thi ke dramon ki offers agaein. Ibtedai mein teen tele films kein phir drama serial “Dil e muzrat” kiya aur yun ye play career ke leye break sabit howa aur age ke raste kholte chale gaye.

Question: Showbiz mein aane par ghar walon ka kia reaction tha?

Sanam Jung: Sab hi bohat khush howae siwaye abu ke, wo samajhe rahe the ke showbiz masrofiyat ke bais main apni parhai chor don gi, lekin esa kuch bhi nahi howa, main ne ache numbers la kar ye sabit kar diya ke mujhe taleem se bohat lagao hai, kyun ke BBA ke first year mein T.V join kiya tha lehaza abu bohat fikar mand the tahum na sirf BBA ache numbers se pass kiya balke M.B.A bhi kiya aur wo bhi apni kamai se.

Question: Kiya us waqat itne pese ml jate the ke tum apni taleem ka kharcha bardasht kar sako?

Sanam Jung: Han, theek thak pese mil jate the, chunacha is se na sirf taleem ke akhrajat pore karti thi balke ghar walon khososan apne walid sahib ke leye to zaror gift leti thi kyun ke mujhe apne abu se bohat piyar hai.

Question: Mustaqbil ke kia irade hain?

Sanam Jung: Jahan qismat le gaye gi chali jaon gi, is field mein apni marzi se nahi aai thi lehaza koi planning nahi ki, waqat aur halat ke mutabiq aage barhon gi.

Question: Kia drama logon ke rawaiyon par asar andaz hota hai?

Sanam Jung: Bilkul hmari mulk mein dramon ko dekhne wali aik bari tadad mojud hai aur log un se mutasir hote hain, mere khayal mein hum sramon ke zarye apni tehzib aur saqafat ko promote Karen to is ke ache nataij niklen ge.

Question: Tum ne kuch arsa morning shows bhi kiye, ye tajurba kesa raha?

Sanam Jung: Morning shows jese program karna mere leye koi nai baat nahi hai lekin morning shows ab karna nahi chahati is leye kea b siwaye nach gane aur shadi biyah ke kuch aur nahi dekhaya jata. Is tarah ke programs karne se mera khayala hai ke image kharab hota hai. bandah jab nazreen ke samne aaye to kam iz kam koi ye baat to kahe ke program acha ho ga na ke channel badal len lo ji, phir nach gane shuru ho gaye.

Question: Behaind the camera bhi kuch karne ka iradah hai?

Sanam Jung: Main samajhti hunk e abhi camera ke samne ziyadah kaam karne ka moqa nahi mila, drama mein adakari kuch arse qabal hi shuru ki hai, phele in cameras se achi tarah dosti ho jaye phir is ke pheche kaam karne ka sochon gi.

Question: Kin jaghon par shoot ka maza aata hai, outdoor ya studios mein?

Sanam Jung: Shoot ka maza to har jagah hi aata hai kyun ke kaam ka bohat shoq hai, lekin phir bhi mujhe set par ziyadah maza aata hai. out door mein bohat si mushkilat ka samna karna parta hai, mosam ki sakhtiyan jelni parti hain aur bar bar apne makeup aur balon ko durust karna parta hai.

Question: kirdar qubol karte waqat kis baat ko ahmiyat deti ho?

Sanam Jung: Mere leye script ziyadah aham hai, jab tak pora script na parh lon, apne kirdar ko samajh na lon, han nahi karti. Bas kirdar strong hona chaheye. Meri khuwahish hai ke aik dewani larki ya koi munfarid qism ka role karon.

Question: Kiya wajah hai ke tum dramas mein bohat kaam nazar aati ho?

Sanam Jung: Danista kam kaam karti hun, agar tamam offers qabol karna shuru kar don to screen par main hi nazar aao gi aur main nahi chahato ke log mujhe dekh kar bezar ho jayen.

Question: Tumhare khayal mein ye kesi field hai? Kia tum bhi dosron ki tarah yehi kaho gi ke aap khud ache hain to dosre log bhi aap ke ache hi hon ge?

Sanam Jung: Yaqeen janiye mujhe ab tak ache hi logon se wasta para hai is leye is field ki burai kese kar sakti hun aur ye bhi sach hai ke agar hum ache hain to dosre bhi ache hon ge. Kyun ke jab hum kisi ko ghalat karne ka moqa nahi den ge to koi kyun humare sath bura kare ga. Magar ye bhi durust hai ke kabhi kabhi ache logon ko bure log bhi mil jate hain.

Question: Apni family ke mutaliq kuch batao?

Sanam Jung: Hum 4 behanen hain, albata koi bhai nahi hai.

Question: Kia bhai ki kami mehsos hoti hai?

Sanam Jung: Ji han, ye to aikfitri si baat hai, akras dilmein koi khuwahish jagti hai ke humara bhi koi bhai hota jo humare nakhre uthata aur hum se apni farmaishen pori karwata.

Question: Waqar Zaka se tumhari shadi ki khabren itni mashhor kyun hoein?

Sanam Jung: Is ka sabab to muhe bhi malom nahi, yaqeen Karen main to unhen janti bhi nahi balke meri un se mulaqat bhi nahi hoi, mujhe bohat afsos hai ke khwa makhwa mein scandal ban gaya aur logon ne meri un se shadi bhi karwa di. Waze karna chahati hun ke is mein koi haqiqat nahi meri shadi mere walden ki marzi se hi ho gi.

Question: V.J, morning show ki host ya phir modeling , in mein se kon sa kaam dilchasp laga?

Sanam Jung: Sab hi kuch karne mein maza aaya kyun ke main har kaam dilchaspi ke sath karti hun, agar morning show mein bhi verity hoti to jati rehti. Commercial karna mujhe bohat acha lagta hai kyun ke is mein ziyadah waqat nahi dena parta aur shuhrat bhi milti hai.

Question: Shuhrat achi lagti hai?

Sanam Jung: Ji han, jab log phechan kar meri tarif karte hain to Rab ka shukar ada karti hunk e us ne mujhe is qabil banaya.

Question: Ghardari se lagao hai?

Sanam Jung: Ji han, aur hona bhi chaheye kyun ke wo larki hi kia jis ko ghardari na aati ho. Meri ama ne ghardari ke mamle mein sab kuch sekhaya howa hai.

Question: Kis ke samne baat ka inkar nahi kar saktein?

Sanam Jung: Apne aba ke samne, agar wo keh den ke falan jagah chalna hai ya falan din kaam karna hai to phir inkar ki gunjaish nahi hoti.

Question: Abu se darti ho ya ahteram karti ho?

Sanam Jung: Donon hi baatein hain, apne abu se bohat piyar hai, unhein gift dena aur un ka khayal rakhna mujhe bohat acha lagta hai.

Question: Log aap se milte hain to kia kehte hain?

Sanam Jung: Besakhta meri tarif karne lagte hain ke bohat masos ho, acha perform karti ho.

Question: Kin cheizon par ziyadah kharch karti ho?

Sanam Jung: Thori fazol kharch hun aur meri ziyadah tar shopping kapron aur joton par hoti hai.

Question: Behtareen tohfa?

Sanam Jung: Piyar, muhabat aur izat, mere khayal mein ye behtareen tohfa hai.

More Links

 

 

 

 

 

Copy Right 2012-2014 www.Meriduniya11.com Contact Us